Dan lepok Biblik, Bondie ti servi bann ziz pou liber so pep ar linzistis. (Ziz 2:18) Labib dekrir Zour Zizman ki pou ena dan lavenir kouma enn lepok zwaye kot Zeova, antan ki Ziz lor later antie, pou liber limanite ar linzistis.​—Lir Psom 96:12, 13; Izai 26:9.

Bondie finn swazir Zezi pou amenn lazistis pou bann vivan ek bann mor toulede. (Zistwar Bann Apot 10:42; 17:31) Boukou dimounn inn mor san konn Bondie. Pandan Zour Zizman, Zezi pou resisit sa bann dimounn-la pou ki zot kapav aprann konn vre Bondie ek kontan Li.​—Lir Zistwar Bann Apot 24:15.

Zezi pou resisit bann mor pandan sa peryod mil an la. (Revelasion 20:4, 12) Zot pou bizin letan pou aprann konn seki Bondie anvi zot fer ek pou obeir Li. Kontrerman ar seki boukou dimounn panse, Labib montre ki pou ziz bann dimounn dapre seki zot pou fer apre zot rezireksion.​—Lir Romin 6:7.

Labib koz osi lor enn zour zizman ki pou arive enn kout koumsa, avan ki peryod mil an koumanse. Labib apel osi sa zour-la lafin, parey kouma inn mansione dan lartik kouvertir sa magazinn-la. Sa zour-la, Bondie pou detrir tou bann dimounn ki pena okenn respe pou Li ek ki fer seki move. (2 Pier 3:7) Alor, nou bizin fer tou pou montre ki nou kontan Bondie.​—Lir 2 Pier 3:9, 13.