Panplemous, li enn gro frwi dou ki pous lor enn pie ek li sorti dan mem fami ki sitron. Mem si frwi-la tom depi enn oter plis ki 10 met, li pa gagn nanye! Me kouma sa frwi-la kapav amorti bann sok?

 Reflesi lor la: Bann siantis finn dekouver ki sa lepeser blan ki ena anba lapo panplemous la, li ranpli ar bann selil ek li azir kouma enn leponz. Lespas ki ena ant sa bann selil-la ranpli ar ler ouswa likid ek zot grandi amezir ki zot koste ar frwi-la. Kan frwi-la tom lor later, likid-la azir kouma enn kousin. Lapo panplemous la ramase ek vinn pli dir, lerla li amorti sok-la olie ki frwi-la kase.

 Bann siantis pe esey baz zot lor lapo panplemous pou invant enn leponz metalik ki kapav amorti bann sok. Zot pe pans osi pou fer bann elmet pou bann ki mont motosiklet, bann proteksion pou amorti sok ki bann loto kapav gagne, ek bann proteksion kont bann meteorit.

 Ki ou panse? Kan ou get kapasite ki lapo panplemous ena pou amorti bann sok, ki ou pou dir? Li’nn aparet par limem ouswa eski inn kree sa?