TUNDL 02
Biibl tien’ti dindann
Ŋanduna n ninŋ kul niib bonciɛnn laad maba. L maba tu te k b be pabɔnn yen yanbani yen fala n ninŋ. L maba liem ban g baal a mɔ ɔɔ? L bu fid g tuu k a g mɔg laafiɛ lann i kaa k a nil kpe. L kul ne bu fid g te ŋan gii bual a kua g liɛ l maba bu ban g gbenn ii? Biibl n tien ŋmiɛni nba bu paan a pal.
1. Nle i g Biibl tien’ti dindann i?
Biibl ŋɔnŋ’ti yal po te g maba be ŋanduna n ninŋ. Ama laabamann be. Biibl biɛ ŋɔn k l ji kan wai l maba po bu juab. Puoni nba be Biibl n ninŋ bu fid g ‘te’a dindann g biɛ te’a binbem nba ŋan wonn po.’ (Lii man Seremi 29:11, 12, MN) L puoni n tod’ti k t paad t maba g biɛ laad pamann dinne. Lann n biɛ te k t pala paa k t bu la pamann nba g mɔg gbennu wonn po.
2. Biibl ŋɔn g binbem baa tie nle i wonn po i?
Biibl ŋɔn g youg baad g “kuum ji kan gii be, kububuul ji kan gii be, finfabni ji kan gii be, fala ji kan gii be.” (Lii man Dɔgdu 21:4.) Taladm yen mɔnkunninkpind yen yiɛli yen kuum yen bonlaa nba kul kuand niib cicagm n ninŋ ji tan kan gii be. Biibl ŋɔn k l youg tinŋ kul tan baa tie paradi i. Danm nba tan baa be l youg tan bu la pamann nba g mɔg gbennu.
3. A bu tien nle i a pal ń gii paa g Biibl n puon yal bu tien ni?
Niib bonciɛnn daan g bona bu lebd b binbem n. Ama b pala g paa k ban daan yal bu tien. G nyaan a pal bu fid gii paa g Biibl puoni nuan bu tien yen mɔni. A gii bua ŋan la l papaal l bual k fin mɔno i ń tug yaam g ŋanm g “diid Yendu kadaaɔg” n maad yal. (Tuona 17:11) Biibl tundl nba k a gaan ne bu tod’a ŋan diid g liɛ Biibl n puon yal nba dagd yen k a gii dug l po daa bii l g dagd i?
BANŊ BONA G PUGN
Diid bona nba g Biibl puon k l bu tien yen nand nba k l puoni tod niib dinne.
4. Biibl puon g youg baad k t bu la miɛl nba g mɔg gbennu g biɛ nya fala kul n ninŋ
Diid Biibl n puon yal k l be tinŋ ne. L puoni n ninŋ, n liɛ yal k a pal ŋanm g man l po i? Bɛ po i k a pal ŋanm g man l po i?
Lii man Biibl lanma nba yeg yen l puoni. L puol po yin pag buali nba ne po:
-
Biibl lanbona ne paan a pal ii? A mali k a ŋaag n yab yen a dɔnn-nba mɔ gii gbad l bu fid g tod’b ii?
Mali binbem n tan baa tie nand tinŋ po youg nba g
|
BAA SUA . . . |
SUA KUL TAN . . . |
|---|---|
|
|
|
|
|
|
|
|
|
|
5. Biibl puoni bu fid g lebd a binbem
Bontitebiid nba tie ŋanduna n ninŋ dinne wad niib bonciɛnn pala g biɛ donŋ b mutuol. Lieb mɔ kɔn jad g kpaan k ban lebd bona. Ama diid niib bonciɛnn n bann g Biibl puon g bona bu lebd k l tod’b nand nba. Diid man FIIDIO, l puol po yin pag buali nba ne po.
-
Fiidio ne ninŋ, bɛ i g Rafiika pal bo g man l po i?
-
Yen l bona n bo l g lebd kul, nle i g Biibl bo tod’o i?
T gii dug puoni nba be Biibl n ninŋ po l bu te’ti papaal g biɛ tod’ti tin paad t maba. Lii man Makpanjam 17:22 yen Rom Kristo-yab 12:12, l puol po yin pag buali nba ne po:
-
A mali k a gii dug ŋan banŋ yal Biibl ninŋ po, l bu fid g tod’a ŋan gii mɔg binbem nba ŋan ii? Bɛ po i k a mali nnyan i?
SIƐB TU MAAD G: “Biibl puoni kan fid g te mɔni.”
-
Bɛ po i k l mɔn k ŋan kpaan g bann yal po te k a dug g Biibl puoni bu te mɔni i?
TIN BANŊ YAL TUNDL NE NINŊ
Biibl puoni tien’ti dindann g binbem baa ŋan wonn po. L puoni biɛ tod’ti k t paad maba nba k t laad dinne.
A tiɛn nii?
-
Bɛ po i k l mɔn g niib ń bann Yendu n puon yal nba i?
-
Biibl ŋɔn g binbem baa tien nle i wonn po i?
-
A gii dug puoni nba be Biibl n ninŋ po, nle i k l bu fid g dod’a dinne i?
DIID NE MƆ
Diid nand nba g dindann bu fid g tod’a youg nba k a be maba n ninŋ.
“Bɛ n bu fid g te’a dindann i?” (Réveillez-vous!, 22 avril 2004)
Diid nand g dindann bu fid g tod danm nba tie yiɛm.
“A gii tie yiɛn, nle i g Biibl bu fid g tod’a ni?”(L tundl be t Siit po i)
Youg nba k a diid fiidio ne, mali fin yen a ŋaag n yab binbem n tan baa tie nand paradi n ninŋ.
Lii jua ne binbem. Siɛnyoug, u bo kpaan k wan lebd bona ŋanduna n ninŋ i. Diid nand g Biibl puoni tod’o k u lebd u maalm.
“Dinne n ji g mali k l bual k min lebd bona ŋanduna n ninŋ” (La Tour de Garde, 1er juillet 2013)
