Ninawuusukhuruni venci utthenkaca winyu ukati wiira nsome ila ibroxureela wiira mwaacuwele saana phaapani Masaahiti a Yehova, isiyani impankaaya ni manannani mphwinkwaaya uneettiheriyaaya. Ninweherera wiira ila ibroxureela ihookaviherani unicuwelela wiira hiivano phaale ampanka ile impheelaawe Yehova ilelo. Ninawuukurumicani uhihiyerera wiitthuca myaha ca Nluku, waahimyera amuciinyu ni apatthaniinyu citthu cinfuntteenyu ni uhihiyerera uthukumana wamoca ni hiiva mmikutthaanoni cihu ceekristau.—Maberewu 10:23-25.

Nyuuva ukati unhaleenyu ukhala muncereraka wiitthuca myaha ca Yehova, nnaahala woona wiira khweeli uyo nawuufentani cinene. Vano-tho, ni nyuuva nnaahala upheela woonihera wiira nnanfenta uyova. (1 Joau 4:8-10, 19) Nnohala woonihera cani khula mahuku wiira nnanfenta Yehova? Kontha isiyani ikhanlyaaya itthu yomaana wiiwelela ikano cawe? Ni isiyani inhala wuukaviherani upheela ukhala wamoca ni hiivano wiira mpanke ile impheelaawe Yehova? Ule noofunttani Ibiiblya unaahala untteela nrima cinene wuukaviherani uphwanya waakhuliya waya ala makohwaala wiira nyuuva ni amuciinyu ‘nhihiyerere upanka citthu cinhala umwiiriha Nluku wuufentani . . . mpheelaka ukumi woohimala.’—Yuda 21.

Hiivano ninawuulattulani wiitthuca ikhweeli ya Nluku nsomaka ilivuru “Continue a Amar a Deus“.