Isamu 143:1-12
Lwimbo luno Devedi wimvile.
143 We Yeova uvwa ipepo lyane;Kutika uku kupaapata kwane ukwa kulenga uwazwilizyo.
Ngasuke pa mulandu na ucisinka wako nu ulungami wako.
2 Utapingula umuomvi wako,Pano kusi umuntu nanti wenga aangaya umulungami kuli wewe.
3 Pano umulwani akanzinganya;Watafwantoola umi wane pansi.
Watalenga ukuti naikala umu mfizi wa yantu aafwa mpiti.
4 Maka iyasila;Mwenzo wane iuta ukuomba.
5 Nkaiusya manda ya mpiti;Nkaelenganya sana pali vyonsi vino wacita;Nkaelenganyapo sana pa milimo yako.
6 Nakonzolola makasa yane kuli wewe;Indi wa mpanga iyume iikuloleela ukuti uipeele manzi. (Selah)
7 Ngasuke zuwa we Yeova;Maka yane iyasila.
Utafisa icinso cako kuli nene,Nga caya vivyo nimaya kwati aantu aakuya ukwi lindi.
8 Si leka nuvwe ukutemwa kwako ukwa cumi katondo,Pano nakutaila.
Leka ukuti imanye inzila ino ndinzile ukupitamo,Pano kuli wewe akuno nkulolekesya.
9 Mpususye uku yalwani yane we Yeova.
Inutukila kuli wewe pakuti uncingilile.
10 Nsambilizye ukucita ukulonda kwako,Pano wewe Leza wane.
Umupasi wako uusuma;Si untungulule pa musili uwololoke.
11 Sungilila umi wane we Yeova pa mulandu ni zina lyako.
Mpususye uku ntazi pa mulandu nu ulungami wako.
12 Lovya alwani yane pa mulandu nu kutemwa kwako ukwa cumi;Onona yonsi aakancuzya,Pano nene muomvi wako.
