Isamu 145:1-21
Lwimbo lwa kulumbanya luno Devedi wimvile.
א [Aleph]
145 Ndakucindika we Mwene Leza wane,Ndalumbanya izina lyako manda pe.
ב [Beth]
2 Ndakulumbanya uwanda onsi;Ndalumbanya izina lyako manda pe.
ג [Gimel]
3 Yeova u mukalamba nupya walinga sana ukulumbanyiziwa;Kusi aangiluka ukalamba wakwe.
ד [Daleth]
4 Antu amu nkulo ni nkulo yalalumbanya imilimo yako;Yalalanda pa milimo yako iya maka.
ה [He]
5 Yalalanda pa lulumbi lwako nu ucindamiNupya ndaelenganya pa milimo yako iya kuzungusya.
ו [Waw]
6 Yalalanda pa milimo yako iya koofya,Nupya ndalanda pa ukalamba wako.
ז [Zayin]
7 Yalaya aacincile pa kulanda nga iusya pa usuma wako uwingi,Nupya yalapunda ni nsansa pa mulandu nu ulungami wako.
ח [Heth]
8 Yeova waya nu luse ni cikuuku,Asisoka zuwa nupya waya sana nu kutemwa kwa cumi.
ט [Teth]
9 Yeova u musuma kuli yonsi,Nupya uluse lwakwe lukalolekela umu milimo yakwe yonsi.
י [Yod]
10 Milimo yako yonsi ilakulumbanya we Yeova,Nupya aacisinka yako yalakulumbanya.
כ [Kaph]
11 Yalalanda pa lulumbi lwakwe ukateeka wakoNu kulanda pa maka yako,
ל [Lamed]
12 Pakuti yakamanyisye antu pa milimo yako iya makaNa pa lulumbi lwakwe ukateeka wako.
מ [Mem]
13 Ukateeka wako u wa manda pe,Nupya watwalilila ukuteeka uku nkulo zyonsi.
ס [Samekh]
14 Yeova akatungilila yonsi aakuponaNupya akakatusya yonsi aakucuula.
ע [Ayin]
15 Amanso yakwe vyonsi ivya umi yakaloleela wewe;Ukavipeela ivyakulya pa nsita ilinge.
פ [Pe]
16 Ukafumbatula iminwe yakoNu kupeela ica umi consi vyonsi vino cikulonda.
צ [Tsade]
17 Yeova walungama umu nzila zyakwe zyonsiNupya u wa cisinka muli vyonsi vino akacita.
ק [Qoph]
18 Yeova waya apiipi na yonsi aakaama pali aliwe,Yonsi aakaama pali aliwe umu cumi.
ר [Resh]
19 Akapeela aakamoopa vyonsi vino yakulondekwa;Akauvwa ukulila kwao ukwa kulenga uwazwilizyo nupya akayapususya.
ש [Shin]
20 Yeova akacingilila yonsi aamutemwa,Lelo alonona antu aipe yonsi.
ת [Taw]
21 Akanwa kane kalaalumbanya Yeova;Si vya umi vyonsi vyalumbanya izina lyakwe ilya muzilo manda pe.
