Isamu 33:1-22
33 Pundini ni nsansa mwe yalungami, pa mulandu wakwe Yeova.
Icilinga ukuti alungami yamulumbanya.
2 Taizyini Yeova ukuomvya izeeze;Imbini inyimbo zya kumulumbanya ukuomvya icilimba ica nsale 10.
3 Mwimbilini ulwimbo ulupya;Lizyini ningo ala mukupunda ni nsansa.
4 Pano izwi lyakwe Yeova i lilungame,Nupya vyonsi vino akacita i vya kutailwa.
5 Watemwa ulungami nu mulinganya.
Umu nsi mwazula sana ukutemwa kwakwe Yeova ukwa cumi.
6 Yeova wapanzile mayulu ukuomvya izwi lyakwe,Nupya waomvizye umupasi ukupanga vyonsi ivyayamo.
7 Akapindilila manzi ya muli yemba ni ciumba;Akaika manzi aingi muno akayasungila.
8 Si insi yonsi iyoope Yeova.
Antu yonsi amu nsi yamoope.
9 Wavwanzile, nupya vyonsi vyaumvilwe;Wapeezile isunde nupya vyonsi vizile iviyako.
10 Yeova watavulunganya mapange ya nko;Wataonona melenganyo ya yantu.
11 Lelo vino Yeova akapingulapo vilatwalilila ukuyako manda pe;Amelenganyo ya mu mwenzo wakwe yayako ukufuma uku nkulo ni nkulo.
12 Aansansa amu luko luno Yeova ali Leza wao,Antu yano wasoolola ukuya aakwakwe.
13 Yeova akalola ukufuma ukwi yulu;Akalola ana ya yantu yonsi.
14 Akalola antu yonsi amu nsi,Ukufuma kuno akaikala.
15 Aliwe akapanga imyenzo ya yantu yonsi;Akaceeceta imilimo yao yonsi.
16 Kusi umwene aakapusuka pa mulandu ni umba ilikulu ilya yasilika;Umuntu wa maka asipusuka pa mulandu na maka yakwe.
17 Imfwalasi itanga ipususye umuntu;Amaka aingi yano yakwata yatanga yalenge apusuke.
18 Manso yakwe Yeova yakalolekesya pali yayo aakamoopa,Yayo aakaloleela ukutemwa kwakwe ukwa cumi.
19 Pakuti ayapususye uku mfwaNu kutwalilila ukuya nu umi mu nsita ya cipowe.
20 Tukaloleela Yeova.
Wene ali kazwa witu nupya ali cisyangu citu.
21 Imyenzo itu ikazangila muli aliwe,Pano twataila umwi zina lyakwe ilya muzilo.
22 Si ukutemwa kwako ukwa cumi kuye pali sweswe, we Yeova,Lino tukuloleela wewe.
