Isamu 80:1-19
Ku mukalamba wakwe ya kiimba; Lwimbo “Lwa pa Maluwa.” Ulwa kwiusizyako. Lwimbo luno Asafu wimvile.
80 We Kacema wakwe Izlaeli, kutika,Wemuno ukatungulula Jozefu wa mfwele.
Wemuno wikala pa cilimba ca wene papela yakwe ya kelubi,Yengesa.
2 Langa maka yakoPa nkoleelo yakwe Efulemu, Benjamini na Manase,Iza utupususye.
3 We Leza, tuwezye;Leka icinso cako ciyengese pali sweswe pakuti tupusuke.
4 We Yeova Leza wa maumba, uzye ulatwalilila ukusokela antu yako ukufika lilaci nu kukana kutika ku mapepo yao?
5 Ukayapeela aminsozi ukuti yalye kwati yakulya ivyakulya,Nupya ukaleka ukuti yamwe aminsozi ukucila umu cipimo.
6 Ukaleka ainamupalamano iyalemanila pa mulandu witu;Nupya alwani itu yakatwalilila ukututumfya ukulingana na vino yakulonda.
7 We Leza wa maumba, tuwezye;Leka icinso cako ciyengese pali sweswe pakuti tupusuke.
8 Walenzile umwangazi ukufuma umu Ijipti.
Wazinzile inko umu mpanga yao nu kulemamo umwangazi.
9 Wazifizye incende iya kulemapo umwangazi,Nupya wakuzile nu kukwata imisisi nu kukumana impanga yonsi.
10 Cisaao ca mwangazi cavimvile imyamba,Ni misambo ya mwangazi yavimvile imikedali yakwe Leza.
11 Imisambo ya mwangazi yatalimfile ukufika na kuli yemba,Nu tumisambo twafisile uku Luzi.*
12 U mulandu ci uno wawisizya iviumba vya mawe ivyacingilila icalo ca myangazi,Pakuti antu yonsi aakupita yaakulula imyangazi?
13 Ya kapoli ya mu mpanga yakonona imyangazi,Ni nyama zya mu mpanga zikulya.
14 We Leza wa maumba, si wela.
Lolekesya ukufuma ukwi yulu!
Sakamala umwangazi uu,
15 Umuti uno ikasa lyako lya kwi lunji lyalemile,Nupya sakamala umwana* wino wakomiizye wemwineco.
16 Yoca umwangazi nu kuuputula.
Antu yakalowa pa mulandu nu kukalipila kwako.
17 Si ikasa lyako litungilile umuntu ali ukwi kasa lyako ili lunji,Nu mwana wa muntu wino wakomya we mwineco.
18 Lyene tutalafuma kuli wewe.
Tupususye pakuti twaama api zina lyako.
19 We Yeova Leza wa maumba, tuwezye;Leka icinso cako ciyengese pali sweswe pakuti tupusuke.
