Leza akalonda kuti antu yaikala ningo pano nsi. Wapanzile insi na vyonsi ivyaya penepo pano watemwa antu. Likwene sile wasya ace azifye ivintu pa kuti antu mu nsi yonsi yace yaikala ningo. Alasisyapo ivintu vyonsi ivikalenga antu yacuula.—Welengini Yelemiya 29:11.

Kutaya uteeko nanti umwi uwafumyapo unkalwe, indwala nanti imfwa. Nomba, kwayako ilyasi limwi lisuma sana. Ilyasi lilyo i lya kuti, likwene sile Leza wasya ace afumyepo mauteeko yonsi a yantu nu kuletelapo uteeko wakwe. Yonsi alaateekwa mu uteeko uwo, yalaikala mu muteende, kapya yalaya nu umi usuma.—Welengini Ezaya 25:8; 33:24; Danieli 2:44.

Lino Leza alafumyapo antu aipe yonsi pano nsi, alino ucuzi ulasila. (Zefaniya 2:3) Uzye mumanyile lino icintu cico cilacitika? Izwi lyakwe Leza lyasoowile ukuti kulaya ivintu ivilacuzya sana antu. Ivintu vivyo ali vino tukulola ndakayi. Ivintu viipe ivikucitika pano nsi vikulangizya ukuti Leza wasya azifye ivintu.—Welengini 2 Timoti 3:1-5.

Tulinzile ukuwelenga Izwi lyakwe Leza, Baibolo, pa kuti tusambilile pali Leza. Baibolo yaya wakwe kalata uno tata watulembela. Ikatusambilizya vino tungikala ningo ndakayi, na vino tungaca tukikale nu umi wa pe pano nsi. Ukuya kwene, yamwi yatanga-yatemwe ndi yazana umwi akumusambizya Baibolo. Nomba tutalinzile ukuleka antu yatulesye ukusambilila, pano uumi usuma uuli ku nkoleelo ulaziipa cuze.—Welengini Mapinda 29:25; Umbwilo 14:6, 7.