1 | Ipepo—‘Mwasumbila Masakamika Inu Pali Aliwe’
BAIBO IKATI: ‘Mwasumbila amasakamika inu pali Leza, pano wene akamusakamala.’—1 PETULO 5:7.
Vino Cikapiliula
Yeova Leza akalonda ukuti twamunena vyonsi ivikatusakamika. (Masamu 55:22) Kusi intazi ingakulisya nanti ukucepesya ino tutange tupepelepo. Ndi cakuti icicindama kuli sweswe, ala icicindama na kuli Yeova. Pa mulandu wakuti Yeova akatusakamala, akasakamala na pali vino tukayuvwa. Ukupepa kuli aliwe ali cintu cimwi cicindame icingalenga mwaelenganya ningo.—Filipi 4:6, 7.
Vino Ipepo Lingamwavwa
Lino tukucula nu ulwale wa mu melenganyo, limwi tungayuvwa ukuti tuli swenga. Asi lyonsi lino antu yauze yanguvwikisya vino tukupitamo. (Mapinda 14:10) Nomba nga twapepa kuli Leza nu mwenzo onsi nu kumunena vino tukuyuvwa, alakutika kuli sweswe nu kutuvwikisya. Yeova akatulola, wamanya ivikatucuzya na vino tukupitamo, nupya akalonda twapepa kuli aliwe pa vintu ivili vyonsi ivikatusakamika.—2 Milandu 6:29, 30.
Ukupepa kuli Yeova kukalenga tutaile sana ukuti akatusakamala. Tungayuvwa wakwe vino kalemba wa masamu wayuvwile uwapefile ukuti: “Pano wewe walola mpiti ulanda wa mwenzo wane.” (Masamu 31:7) Ukumanya ukuti Yeova akamanya vino tukapitamo kungatwazwa ukutwalilila ukuzizimizya lino twakwata intazi izitale. Nomba akacita na vyuze ukucila sile pa kumanya intazi zino tukapitamo. Akamanya vino tukapitamo ukucila aliwensi nupya akatwazwa ukuzana ukuteekeziwa nu kukomeleziwa muli Baibo.
Limwi Mungatemwa Ukulolako na Vii
LUPUNGU LWA MULINZI
Mungapepa Uli Pakuti Leza Aasuka Mapepo Inu?
Mwalanda na Leza konsi kuno muli pa nsita ili yonsi, umwizwi ilyuvwike nanti umu mwenzo. Yesu watwazwile ukumanya vino tungalanda.
ACANCE YAKAUZYA
U Mulandu ci Uno Ndinzile Ukupepela?
Uzye ipepo likalenga sile umwi ukuvwa ningo, nanti kwaya na vyuze?
LUPUNGU LWA MULINZI
Uzye Leza Akauvwa Mapepo Itu?
Baibo ikatunena ukuti Leza akauvwa amapepo ndi cakuti twapepa umu nzila isuma.
ABOUT US
Leengini Ukuti ya Nte Yakwe Yeova Yakamutandalile
Mukalanzyanye ivya muli Baibo na ya Nte Yakwe Yeova, nanti mukeezyeko ukusambilila Baibo ukuomvya inzila ino twatantika.
