LYASI LYAKUTANDIKILAKO | UZYE SATANA AKUNO WAYA?

Uzye Satana Akuno Waya?

“Nakuliile uku El Salvador. Ndi nakana ukuuvwila vino yamayo yaanena, yaalandanga iyati, ‘Ciwa amaiza akusende!’ Nani nasukanga inti, ‘Mulekini aize!’ Nataile Leza, ntataile Satana.”—ROGELIO.

Uzye namwe mukuzumilizya vino Rogelio wavwanzile? Uzye pa vintu vii vitatu ivili apisika, i cilikwi cino mwemo mukwelenganya ukuti cili ningo?

• Satana kutaaya; akaimililako sile ivintu iviipe.

• Satana akunowaya, nomba ataasumba sana mano uku yantu.

• Satana u muntu aasiloleka uwaya nu mwili wa mupasi nupya akatunka sana antunze.

Antu aingi, cila-yano yazumila muli conga pali vii. Nomba, uzye cacindama ukumanya conga icacumi pa vintu kwene vii vitatu? Ndi cakuti Satana kutaaya, yaayo azumila ukuti akunowaya yasombwa. Ndi cakuti Satana akunowaya nomba ataasumba sana amano uku yantu, yaayo aakamutiina nu kulondesya ukuicingilila kuli aliwe yakaicuzya sile. Nomba, ndi cakuti Satana akasomba antu, lyene ale u mwipisye ukuluta na vino antu aingi yakaelenganya.

Lekini tusambilile pali vino Amalembelo Yamuzilo yaka-asuka ivyuzyo vii: Uzye Satana i cani nanti a weni—uzye i cakumanyilako sile iviipe nanti u muntu aasiloleka uwaya nu mwili wa mupasi? Ndi cakuti Satana u muntu, uzye angamucitila ivintu iviipe? Ndi cakuti Satana angamucitila iviipe, uzye mungacita uli pakuti muicingilile?