Baibo ikalanda pa vintu ivili nu kulacitika ivilalangilila “mpelelekezyo ya nsi.” (Mateo 24:3; King James Version) Baibo ikaama insita ii ukuti “manda akusyalikizya” nanti “insita ya mpelelekezyo.” (2 Timoti 3:1; Danieli 8:19; Easy-to-Read Version) Ivyalondelelapo i vikalangilila ukuti tuli mu manda ya kusyalikizya nanti mu nsita ya mpelelekezyo ino mausowelo yalandapo:

•   Inkondo.—Mateo 24:7; Umbwilo 6:4.

•   Vipowe.—Mateo 24:7; Umbwilo 6:5, 6.

•   Vilundumusi vikulu.—Luka 21:11.

•   Mpungo, nanti vinkunka vya ndwala izipisye.—Luka 21:11, Contemporary English Version.

•   Kuvula kwa uyi.—Mateo 24:12.

•   Antu ukonona insi.—Umbwilo 11:18.

•   Miyele iipe mu yantu, iili wakwe “kukanataizya, kukanaya ni cisinka, . . . ukwakwa, ulwambo, ulwete, kukakata, kupata ivisuma, usomvi, kuzakantika nu kuya na mataki.”—2 Timoti 3:1-4.

•   Kuongoloka kwa ndupwa, uku antu aataya “nu luse na mizu” nu ku ana asiyela “akwasi yao.”—2 Timoti 3:2, 3.

•   Kutemwa kukucepa mu antu.—Mateo 24:12.

•   Kuilangizya ukuti aakapepa lelo asomvi.—2 Timoti 3:5.

•   Kuvwikisya mausowelo ya muli Baibo, ukwikako na mausowelo kwene aakalanda pa manda ya kusyalikizya.—Danieli 12:4.

•   Ilandwe lisuma ilya Wene likukosoolwa mu nsi yonsi.—Mateo 24:14.

•   Antu kukanaika sana amano ku vintu ivikulanga ukuti impelelekezyo yatipalama.—Mateo 24:37-39; 2 Petulo 3:3, 4.

•   Kufikiliziwa kwa mausoowelo yaa yonsi.—Mateo 24:33.

Uzye tukwikala mu “manda akusyalikizya”?

 Ee. Ivikucitika alino umu kukonkana wakwe vino Baibo yalandapo vikalanga ukuti manda akusyalikizya yatandike mu 1914. Pa nsita iya, alino Uwene wakwe Leza watandike ukuteeka ukwi yulu, ni ca kutandikila cino Uwene wacisile ukusumba Satana Ciwa ni viwa vyakwe ukufuma ukwi yulu nu kuyapeela muno yalinzile ukupeelela umu vicitwa vyao pano nsi. (Umbwilo 12:7-12) Vino Satana akaponzya antu ndakai tukavilola umu miyele iipe ni vicitwa ivikalanga amanda akusyalilizya umwaya “utusita tutale.”—2 Timoti 3:1.