Kajjitõk ko Baibõl̦ Ej Uwaaki
Ro remej renaaj ke bar mour?
Ro remej rej ãinwõt ñe rej kiki. Etke? Kõnke ejjel̦o̦k aer jel̦ã im rejjab maroñ kõm̦m̦an jabdewõt men. Bõtab, Anij, eo ej Ri Letok mour, emaroñ kõmour ro remej. Ear kam̦oole men in ke ear kamaroñ Jijej ñan kõmour ro jet me rar mej.—Riit Ekklisiastis 9:5; Jon 11:11, 43, 44, UBS.
Ewi wãween mej ej ãinwõt kiki?
Anij ear kallim̦ur bwe ro remej im rej pãd ilo ememej eo an renaaj bar jerkak im mour ilo juon jukjukun pãd ekããl me enaaj ejjel̦o̦k nana ie. Ro remej renaaj bar mour ilo iien eo Anij enaaj kõmour er. Anij, eo Ekajoor Bõtata, elukkuun kõn̦aan kõjerbal kajoor eo an ñan kõmour ro rar mej.—Riit Job 14:14, 15.
Ta eo enaaj wal̦o̦k ñe Anij enaaj kõmour ro remej?
Ñe Anij enaaj kõmour ro remej, rein renaaj maroñ kile im keememej ro m̦õttaer im baam̦le ko aer kab er make. Meñe ãnbwinnin juon ri mej ekõt, ak Anij emaroñ kõmour armej in kõn juon ãnbwin ekããl.—Riit 1 Korint 15:35, 38, UBS.
Jejjo wõt renaaj jerkakpeje im mour ilañ. (Revelesõn 20:6) Ak enañin aolep ro renaaj bar mour renaaj jokwe ioon lal̦ in me enaaj oktak im juon pedetaij. Mour ko aer renaaj kiiõ lukkuun em̦m̦an im renaaj maroñ bõk kõjatdikdik eo ñan mour indeeo.—Riit Sam 37:29; Matu 5:5; Jerbal 24:15.
