Ñe ajri ro nejũm̦ rej lo menin kam̦ool ko bwe ewõr Anij im bwe ej yokwe er, men in emaroñ jipañ er bwe ren katak ñan yokwe E. Ajri ro rej aikuj jel̦ã kajjien Anij bwe ren maroñ yokwe E. (1 Jon 4:8) Ñan waanjoñak, rej aikuj jel̦ã uwaak ko ñan kajjitõk kein: Ta kar karõk eo an Anij ñan armej ke ear kõm̦anm̦an er? Etke Anij ej kõtl̦o̦k bwe armej ren eñtaan? Ta ko Anij enaaj kõm̦m̦ani ilo raan ko repãd im̦aan?​—Riit Pilippai 1:9, UBS.

Bwe kwõn maroñ jipañ ajri ro nejũm̦ ñan yokwe Anij, kwõj aikuj kaalikkar ñan er bwe kwõj yokwe E. Ñe renaaj loe men in, renaaj kõn̦aan l̦oore joñak eo am̦.​—Riit Duteronomi 6:5-7; Jabõn Kõnnaan 22:6.

Naanin Anij elukkuun kajoor. (Hibru 4:12) Kõn men in, kwõj aikuj jipañ ajri ro nejũm̦ ñan jel̦ã kõn katak ko ilo Baibõl̦. Katak ko an Jijej rar jelõt bũruon armej ro kõnke ear kwal̦o̦k kajjitõk ko ñan er, roñjake er, im kõmel̦el̦eik er kõn Jeje ko. Kwõmaroñ bar jipañ ajri ro nejũm̦ bwe ren tõmak im pokake men ko kwõj katakin er kaki kõn aolepen bũrueer, el̦aññe kwõj l̦oore joñak eo an Jijej kõn wãween an kar katakin armej ro.​—Riit Luk 24:15-19, 27, 32.

Bwebwenato ko ilo Baibõl̦ kõn wãween an Anij kõm̦m̦an ñan armej ro remaroñ jipañ ajri ro ñan jel̦ã kajjien Anij im ñan yokwe E. Ewõr bok ko me rej kwal̦o̦k kõn bwebwenato kein ilo Baibõl̦, im kwõmaroñ loi ilo www.mt1130.com/mh.​—Riit 2 Timote 3:16.