ТУНЕМШЕ-ВЛАКЫМ ЯМДЫЛЫЗА
10 УРОК
Туныктымаш пашаште тыршымашым ончыктыза
Принцип: «Тендам йӧратымыланна кӧра ме Юмын Поро Увержым веле огыл, а шкенан чоннамат тыланда пуаш ямде улына ыле» (1 Фес. 2:8).
Мом Иисус ыштен
1. ВИДЕОРОЛИКЫМ ончалза але Иоаннын 3:1, 2 лудын лекса. Вара нине йодыш-влак нерген шонкалыза:
-
а) Кузе шонеда, молан Никодим Иисус деке йӱдым толын? (Иоаннын 12:42, 43 ончыза).
-
б) Иисус тунемше-влакым ямдылымаш пашаште чот тыршен манын, молан каласаш лиеш?
Иисус деч мо́лан тунемына?
2. Еҥ-влаклан Христосын тунемшыже лияш полшена да тидлан шке могыр гыч чыла ыштена гын, нунын дек йӧратымашым ончыктена.
Иисус деч примерым налза
3. Айдемылан келшыше жапыште да верыште шымлыза. Ала тудлан иктаж-могай посна кечыште але жапыште шымлаш йӧнанрак? Кушто тудлан сайрак шымлаш: пашаште, мӧҥгыштӧ але вес верыште? Чыла тидым шотыш налын, графикдам вашталташ ямде лийза.
4. Шымлымашым чарныде эртарыза. Ик жаплан иктаж-кушко каеда гын, шымлымашым ида чарне. Шоналтыза:
5. Айдеме нерген сайым шонашлан Иеговалан кумалза. Южгунам айдеме эре шымлаш ямде огыл але Библий гыч каҥашым кучылташ огеш вашке. Туге гын, айдемым вашталташ лийдымылан шотлаш огыл манын, Иегова деч полышым йодса (Флп. 2:13). Очыни, шымлыше еҥын шуко сай койышыжо уло — нуным ужашлан Иеговалан кумалза.
