3. Јованово 1:1-14
1 Од старешината+ до саканиот Гај, кого вистински го сакам.+
2 Сакан,+ се молам да ти биде добро во сѐ+ и да бидеш здрав,+ како што ѝ е добро сега на твојата душа.+
3 Зашто, многу се израдував кога дојдоа браќата и посведочија дека се држиш за вистината, кога слушнав дека живееш според* вистината.+
4 За мене нема поголема радост од тоа да чујам дека моите деца живеат според* вистината.+
5 Сакан, твојата верност се гледа во сѐ што правиш за браќата,+ и тоа за оние што не ги познаваш,+
6 кои посведочија за твојата љубов пред собранието.* Те молам да ги испратиш на пат онака како што им прилега на Божји слуги.+
7 Зашто, тргнаа поради Божјето име, не земајќи ништо+ од луѓето од светот.
8 Затоа, ние сме должни да ги примаме таквите гостољубиво,+ за да бидеме соработници во вистината.+
9 Му напишав нешто на собранието, но Диотреф, кој сака да биде прв меѓу нив,+ ништо не прима од нас+ со почит.+
10 Затоа, ако дојдам, ќе се сетам на делата што ги прави,+ зборувајќи злобно за нас.+ Но и тоа не му е доволно, туку не ги прима браќата+ со почит, а оние што сакаат да ги примат,+ се обидува да ги спречи+ и да ги исфрли+ од собранието.
11 Сакан, не земај пример од она што е зло, туку од она што е добро.+ Кој прави добро, потекнува од Бог.+ Кој прави зло, не го видел Бог.+
12 За Димитрија сведочат сите,+ а и самата вистина. И ние сведочиме,+ а знаеш дека нашето сведоштво е вистинито.+
13 Имав многу да ти пишувам, но не сакам повеќе да ти пишувам со мастило и со перо,+
14 туку се надевам дека наскоро ќе те видам, па ќе разговараме лице в лице.+
Имај мир!+
Те поздравуваат пријателите.+ Поздрави ги+ пријателите по име.
