Библијата не вели дека Армагедон е војна која ќе се случи на некое конкретно место, туку дека е војна во светски размери помеѓу Бог и сите човечки влади.

•   „Изјави вдахновени од демони... одат кај царевите од целиот свет за да ги соберат за војната која ќе се случи во големиот ден на Семоќниот Бог... Ги собраа на местото кое на хебрејски се вика Ар-Магедон“ (Откровение 16:14, 16).

 Зборот „Армагедон“ доаѓа од хебрејскиот збор Хар Мегидон, што значи „ридот кај Мегидо“. Мегидо бил град кој се наоѓал на територијата на древниот Израел. Од таа причина, некои луѓе сметаат дека војната Армагедон ќе се води во Израел. Меѓутоа, ниту подрачјето околу Мегидо ниту кое и да било друго подрачје на Блискиот Исток не е доволно големо за да ги собере „царевите од целиот свет“ и нивните војски.

 Она што е напишано во книгата Откровение е напишано „во знаци“, односно има симболично значење (Откровение 1:1). Армагедон не се однесува на некоја дословна локација, туку на ситуацијата што ќе владее во целиот свет кога политичките сили за последен пат ќе му се спротивстават на Божјето владеење (Откровение 19:11-16, 19-21).