Во Библијата, грчкиот збор кој понекогаш се преведува со „црква“ се однесува на луѓе кои се собрани за да го обожаваат Бог, а не на местото на кое се состануваат.

 Размисли за следниов пример: Во своето писмо до христијаните во Рим, апостол Павле испратил поздрави до Акила и Прискила и до „црквата што се собира во нивниот дом“ (Римјаните 16:5, Радосна Вест). Се разбира, Павле не сакал да испрати поздрав до куќата, туку до луѓето што биле собрани во неа. a

 Затоа, местото каде што се собираме за да го обожаваме Бог не го нарекуваме црква, туку „Сала на Јеховините сведоци“.

 Овој натпис е соодветен од следниве причини:

•   Местото каде што се собираме е сала, односно место за состанување.

•   Се состануваме за да го обожаваме Јехова, Богот за кој зборува Библијата и чие име го носиме (Псалм 83:18; Исаија 43:12).

 Срдечно те покануваме да дојдеш во Салата на Јеховините сведоци во твоето место и да видиш како се одржуваат нашите состаноци.