“ദൈവ​ത്തി​ന്റെ വാക്കുകൾ ജീവനു​ള്ള​തും ശക്തി ചെലു​ത്തു​ന്ന​തും ഇരുവാ​യ്‌ത്ത​ല​യുള്ള ഏതു വാളി​നെ​ക്കാ​ളും മൂർച്ച​യു​ള്ള​തും ആണ്‌. ദേഹി​യെ​യും ആത്മാവി​നെ​യും വേർതി​രി​ക്കും​വി​ധം അത്‌ ഉള്ളി​ലേക്കു തുളച്ചു​ക​യ​റു​ന്നു; മജ്ജയെ​യും സന്ധിക​ളെ​യും വേർപെ​ടു​ത്തു​ന്നു. അതിനു ഹൃദയ​ത്തി​ലെ ചിന്തക​ളെ​യും ഉദ്ദേശ്യ​ങ്ങ​ളെ​യും തിരി​ച്ച​റി​യാ​നുള്ള കഴിവു​മുണ്ട്‌.”—എബ്രായർ 4:12, പുതിയ ലോക ഭാഷാ​ന്തരം.

 “ദൈവ​ത്തി​ന്റെ വചനം ജീവനും ചൈത​ന്യ​വു​മു​ള്ള​താ​യി ഇരുവാ​യ്‌ത്ത​ല​യുള്ള ഏതു വാളി​നെ​ക്കാ​ളും മൂർച്ച​യേ​റി​യ​തും പ്രാണ​നെ​യും ആത്മാവി​നെ​യും സന്ധിമ​ജ്ജ​ക​ളെ​യും വേറു​വി​ടു​വി​ക്കും​വരെ തുളെ​ച്ചു​ചെ​ല്ലു​ന്ന​തും ഹൃദയ​ത്തി​ലെ ചിന്തന​ങ്ങ​ളെ​യും ഭാവങ്ങ​ളെ​യും വിവേ​ചി​ക്കു​ന്ന​തും ആകുന്നു.”—എബ്രായർ 4:12, സത്യ​വേ​ദ​പു​സ്‌തകം.

 ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന ദൈവ​ത്തി​ന്റെ സന്ദേശ​ത്തിന്‌ ആളുക​ളു​ടെ ഉള്ളിലെ യഥാർഥ ചിന്ത​യെ​യും ഉദ്ദേശ്യ​ങ്ങ​ളെ​യും പുറത്തു​കൊ​ണ്ടു​വ​രാ​നുള്ള ശക്തിയുണ്ട്‌. അതു​പോ​ലെ ആളുകളെ മെച്ചപ്പെട്ട വ്യക്തി​ക​ളാ​ക്കാ​നും അതിനു കഴിയും.

 ‘ദൈവ​ത്തി​ന്റെ വാക്കുകൾ ജീവനു​ള്ളത്‌.’ ഇവിടെ “ദൈവ​ത്തി​ന്റെ വാക്കുകൾ” എന്ന പ്രയോ​ഗം ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന ദൈവ​ത്തി​ന്റെ വാഗ്‌ദാ​ന​ങ്ങ​ളെ​യോ ഉദ്ദേശ്യ​ങ്ങ​ളെ​യോ അർഥമാ​ക്കു​ന്നു. a ആ ഉദ്ദേശ്യ​ങ്ങ​ളിൽ ഒന്നാണ്‌ അനുസ​ര​ണ​മുള്ള മനുഷ്യർ ഈ ഭൂമി​യിൽ സമാധാ​ന​ത്തോ​ടെ​യും ഐക്യ​ത്തോ​ടെ​യും എന്നേക്കും ജീവി​ക്കണം എന്നത്‌.—ഉൽപത്തി 1:28; സങ്കീർത്തനം 37:29; വെളി​പാട്‌ 21:3, 4.

 ദൈവ​ത്തി​ന്റെ വാക്കുകൾ അഥവാ ഉദ്ദേശ്യം ‘ജീവനു​ള്ള​താണ്‌’ എന്നു പറയു​ന്നത്‌ എന്തു​കൊ​ണ്ടാണ്‌? അങ്ങനെ പറയാ​നുള്ള ഒരു കാരണം, അതിൽ വിശ്വ​സി​ക്കു​ന്ന​വ​രു​ടെ ഹൃദയ​ങ്ങളെ സ്വാധീ​നി​ക്കാ​നുള്ള ശക്തി അതിനുണ്ട്‌. അങ്ങനെ അത്‌ അവർക്ക്‌ പ്രത്യാ​ശ​യും ജീവി​ത​ത്തിന്‌ ഉദ്ദേശ്യ​വും നൽകുന്നു. (ആവർത്തനം 30:14; 32:47) അതു​പോ​ലെ ദൈവ​ത്തി​ന്റെ വാഗ്‌ദാ​നം ജീവനു​ള്ള​താണ്‌ എന്നു പറയു​ന്ന​തി​ന്റെ മറ്റൊരു കാരണം ജീവനുള്ള ദൈവം തന്റെ വാഗ്‌ദാ​നങ്ങൾ പൂർണ​മാ​യി നിവർത്തി​ക്കു​ന്ന​തി​നു​വേണ്ടി ഇപ്പോ​ഴും പ്രവർത്തി​ച്ചു​കൊ​ണ്ടി​രി​ക്കു​ന്നു എന്നതാണ്‌. (യോഹ​ന്നാൻ 5:17) മനുഷ്യ​രിൽനിന്ന്‌ വ്യത്യ​സ്‌ത​മാ​യി ദൈവം ഒരിക്ക​ലും ഒരു വാഗ്‌ദാ​നം കൊടു​ത്തിട്ട്‌ അതു മറന്നു​ക​ള​യു​ക​യോ അതു നിവർത്തി​ക്കാൻ പരാജ​യ​പ്പെ​ടു​ക​യോ ഇല്ല. (സംഖ്യ 23:19) ദൈവ​ത്തി​ന്റെ വാക്കുകൾ ‘ഫലം കാണാതെ ദൈവ​ത്തി​ന്റെ അടു​ത്തേക്കു മടങ്ങി​വ​രില്ല’ എന്നു ബൈബിൾ പറയുന്നു.—യശയ്യ 55:10, 11.

 ‘ദൈവ​ത്തി​ന്റെ വാക്കുകൾ ശക്തി ചെലു​ത്തു​ന്നു.’ ‘ശക്തി ചെലു​ത്തു​ന്നത്‌’ എന്ന പ്രയോ​ഗത്തെ “ശക്തിയു​ള്ളത്‌,” “ചൈത​ന്യ​മു​ള്ളത്‌,” “ആ വാക്കു​കൾകൊണ്ട്‌ എന്തു നടപ്പാ​ക്കാൻ ഉദ്ദേശി​ക്കു​ന്നു​വോ അതെല്ലാം നടപ്പാ​ക്കു​ന്നു” എന്നെല്ലാം പരിഭാ​ഷ​പ്പെ​ടു​ത്താം. അതെ, ദൈവ​മായ യഹോവ b പറയു​ന്ന​തോ വാഗ്‌ദാ​നം ചെയ്യു​ന്ന​തോ ആയ കാര്യ​ങ്ങ​ളെ​ല്ലാം ഉറപ്പാ​യും നടക്കും. (സങ്കീർത്തനം 135: 6; യശയ്യ 46:10) ശരിക്കും​പ​റ​ഞ്ഞാൽ നമ്മുടെ പ്രതീ​ക്ഷ​കളെ കടത്തി​വെ​ട്ടുന്ന രീതി​യിൽ തന്റെ വാഗ്‌ദാ​നങ്ങൾ നടപ്പാ​ക്കാൻ ദൈവ​ത്തി​നാ​കും.—എഫെസ്യർ 3:20. c

 ദൈവ​വ​ച​ന​ത്തി​നു മൂല്യം കല്‌പിക്കുന്നവരുടെ ജീവി​ത​ത്തി​ലും വ്യക്തി​ത്വ​ത്തി​ലും നല്ല മാറ്റങ്ങൾ വരുത്താൻ സഹായി​ച്ചു​കൊ​ണ്ടും ദൈവ​വ​ചനം ‘ശക്തി ചെലു​ത്തു​ന്നു.’ ദൈവം പഠിപ്പി​ക്കുന്ന കാര്യങ്ങൾ അവരുടെ ജീവി​ത​ത്തി​ന്റെ ഭാഗമാ​കു​ന്നു. അതായത്‌ അവരുടെ ചിന്തക​ളെ​യും ജീവി​ത​രീ​തി​യെ​യും ലക്ഷ്യങ്ങ​ളെ​യും അതു സ്വാധീ​നി​ക്കു​ന്നു. (റോമർ 12:2; എഫെസ്യർ 4:24) അങ്ങനെ ദൈവ​വ​ചനം ദൈവ​ത്തിൽനി​ന്നു​ള്ള​താ​യി സ്വീക​രി​ക്കു​ന്ന​വ​രിൽ ‘അതു പ്രവർത്തി​ക്കു​ന്നു.’—1 തെസ്സ​ലോ​നി​ക്യർ 2:13.

 “ദൈവ​ത്തി​ന്റെ വാക്കുകൾ . . . ഇരുവാ​യ്‌ത്ത​ല​യുള്ള ഏതു വാളി​നെ​ക്കാ​ളും മൂർച്ച​യു​ള്ള​തും ആണ്‌.” ആലങ്കാ​രി​ക​മാ​യി പറഞ്ഞാൽ, മനുഷ്യ​നിർമി​ത​മായ ഏതു വാളി​നെ​ക്കാ​ളും മൂർച്ച​യും തുളച്ചു​ക​യ​റാ​നുള്ള ശക്തിയും ദൈവ​വ​ച​ന​ത്തി​നുണ്ട്‌. അതായത്‌ ഒരു മനുഷ്യ​ന്റെ​യും പഠിപ്പി​ക്ക​ലു​കൾക്ക്‌ കഴിയാ​ത്തത്ര രീതി​യിൽ ദൈവ​ത്തി​ന്റെ വചനത്തിന്‌ ഒരാളു​ടെ ഹൃദയത്തെ തൊടാൻ, അയാളു​ടെ ഉള്ളിലെ വ്യക്തിയെ സ്വാധീ​നി​ക്കാൻ കഴിയും. അതെക്കു​റി​ച്ചാണ്‌ എബ്രായർ 4:12-ൽ തുടർന്ന്‌ പറയു​ന്നത്‌.

 ‘ദൈവ​ത്തി​ന്റെ വാക്കുകൾ ദേഹി​യെ​യും ആത്മാവി​നെ​യും വേർതി​രി​ക്കും​വി​ധം ഉള്ളി​ലേക്കു തുളച്ചു​ക​യ​റു​ന്നു; മജ്ജയെ​യും സന്ധിക​ളെ​യും വേർപെ​ടു​ത്തു​ന്നു.’ ബൈബി​ളിൽ “ദേഹി” എന്ന പദം ഒരു വ്യക്തി പുറമേ എങ്ങനെ കാണ​പ്പെ​ടു​ന്നു എന്നതി​നെ​യും “ആത്മാവ്‌” എന്ന പദം ആ വ്യക്തി ഉള്ളിൽ എങ്ങനെ​യുള്ള ഒരാളാണ്‌ എന്നതി​നെ​യും കുറി​ക്കു​ന്നു. (ഗലാത്യർ 6:18) ആലങ്കാ​രി​ക​മാ​യി പറഞ്ഞാൽ, ദൈവ​ത്തി​ന്റെ വാക്കുകൾ നമ്മുടെ ‘മജ്ജയി​ലേക്കു’ തുളച്ചു​ക​യ​റു​ന്നു, അതായത്‌ ഉള്ളി​ന്റെ​യു​ള്ളി​ലെ ചിന്തക​ളി​ലേ​ക്കും വികാ​ര​ങ്ങ​ളി​ലേ​ക്കും. അങ്ങനെ മറ്റു മനുഷ്യർക്കു കാണാൻ കഴിയാത്ത നമ്മുടെ ഉള്ളി​ന്റെ​യു​ള്ളി​ലെ വ്യക്തി എങ്ങനെ​യു​ള്ള​താണ്‌ എന്നു കാണി​ച്ചു​ത​ന്നു​കൊണ്ട്‌ നമ്മളിൽ നല്ല മാറ്റങ്ങൾ കൊണ്ടു​വ​രാൻ യഹോ​വ​യു​ടെ പഠിപ്പി​ക്ക​ലു​കൾക്ക്‌ ആകും. അതു നമുക്കും നമ്മുടെ സ്രഷ്ടാ​വി​നും സന്തോഷം നൽകും.

 ‘ദൈവ​ത്തി​ന്റെ വാക്കു​കൾക്ക്‌ ഹൃദയ​ത്തി​ലെ ചിന്തക​ളെ​യും ഉദ്ദേശ്യ​ങ്ങ​ളെ​യും തിരി​ച്ച​റി​യാ​നുള്ള കഴിവു​മുണ്ട്‌.’ ഒരു വ്യക്തി ദൈവ​വ​ച​ന​ത്തോ​ടു പ്രതി​ക​രി​ക്കുന്ന രീതി​യിൽനിന്ന്‌ അയാളു​ടെ ചിന്തകൾ, അതായത്‌ അയാളു​ടെ ഉദ്ദേശ്യ​ങ്ങ​ളും ആന്തരവും എന്താ​ണെന്നു മനസ്സി​ലാ​ക്കാ​നാ​കും. ആ കാര്യ​ങ്ങ​ളാ​യി​രി​ക്കും അദ്ദേഹ​ത്തി​ന്റെ സ്വഭാ​വ​ത്തെ​യും പെരു​മാ​റ്റ​ത്തെ​യും സ്വാധീ​നി​ക്കു​ന്നത്‌. ഉദാഹ​ര​ണ​ത്തിന്‌, ഒരു വ്യക്തി ദൈവ​വ​ച​ന​ത്തോട്‌ നല്ല രീതി​യിൽ പ്രതി​ക​രി​ക്കു​ക​യും ജീവി​ത​ത്തിൽ വേണ്ട മാറ്റങ്ങൾ വരുത്തു​ക​യും ചെയ്യു​ക​യാ​ണെ​ങ്കിൽ അദ്ദേഹം താഴ്‌മ​യുള്ള, ആത്മാർഥ​ഹൃ​ദ​യ​നായ വ്യക്തി​യാ​ണെന്ന്‌ അതിലൂ​ടെ മനസ്സി​ലാ​ക്കാം. സ്രഷ്ടാ​വി​നെ പ്രീതി​പ്പെ​ടു​ത്താ​നുള്ള ആഗ്രഹം ആ വ്യക്തി​ക്കുണ്ട്‌. അതേസ​മയം, ഒരു വ്യക്തി ദൈവ​വ​ച​ന​ത്തി​ന്റെ കുറ്റവും കുറവും കണ്ടുപി​ടി​ക്കാൻ ശ്രമി​ക്കു​ക​യാ​ണെ​ങ്കിൽ അയാൾ തനിക്ക്‌ അഹങ്കാ​ര​വും സ്വാർഥ​ത​യും പോലുള്ള മോശം ഗുണങ്ങൾ ഉണ്ടെന്നു കാണി​ക്കു​ക​യാ​യി​രി​ക്കും. ദൈവ​ത്തിന്‌ ഇഷ്ടമി​ല്ലാത്ത പ്രവൃ​ത്തി​കൾ ന്യായീ​ക​രി​ക്കാൻ അയാൾ ശ്രമി​ച്ചേ​ക്കാം.—യിരെമ്യ 17:9; റോമർ 1:24-27.

 ഒരു പരാമർശ​ഗ്രന്ഥം പറയു​ന്ന​ത​നു​സ​രിച്ച്‌, ദൈവ​വ​ച​ന​ത്തിന്‌ “ഒരു വ്യക്തി​യു​ടെ ഉള്ളി​ന്റെ​യു​ള്ളി​ലേക്കു കടന്നു​ചെ​ല്ലാ​നാ​കും.” ഒരു വ്യക്തി ഉള്ളി​ന്റെ​യു​ള്ളിൽ എങ്ങനെ​യുള്ള ഒരാളാ​ണെന്ന്‌ ദൈവ​ത്തി​നു കാണാൻ കഴിയും, ഒന്നും മറഞ്ഞി​രി​ക്കു​ന്നില്ല. അതു​പോ​ലെ ദൈവ​വ​ച​ന​ത്തിന്‌ ആ കാര്യ​ങ്ങ​ളെ​ല്ലാം കാണി​ച്ചു​ത​രാ​നും ആകും. എബ്രായർ 4:13 ഇങ്ങനെ പറയുന്നു: “എല്ലാം ദൈവ​ത്തി​ന്റെ കൺമു​ന്നിൽ നഗ്നമാ​യി​ക്കി​ട​ക്കു​ന്നു; ദൈവ​ത്തിന്‌ എല്ലാം വ്യക്തമാ​യി കാണാം. ആ ദൈവ​ത്തോ​ടാ​ണു നമ്മൾ കണക്കു ബോധി​പ്പി​ക്കേ​ണ്ടത്‌.”

 ബൈബി​ളി​ലെ എബ്രായർ എന്ന പുസ്‌തകം എ.ഡി. 61-ൽ അപ്പോ​സ്‌ത​ല​നായ പൗലോസ്‌ ദൈവ​പ്ര​ചോ​ദി​ത​നാ​യി എഴുതിയ ഒരു കത്താണ്‌. യരുശ​ലേ​മി​ലും യഹൂദ​യി​ലും ഉള്ള ജൂത​ക്രി​സ്‌ത്യാ​നി​കൾക്കാണ്‌ അദ്ദേഹം അത്‌ എഴുതി​യത്‌.

 3, 4 അധ്യാ​യ​ങ്ങ​ളിൽ പുരാതന ഇസ്രാ​യേ​ല്യർ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾക്ക്‌ ഒരു മുന്നറി​യി​പ്പിൻദൃ​ഷ്ടാ​ന്തം ആയിരി​ക്കു​ന്നത്‌ എങ്ങനെ​യാ​ണെന്ന്‌ പൗലോസ്‌ വിശദീ​ക​രി​ക്കു​ന്നു. (എബ്രായർ 3:8-12; 4:11) ഇസ്രാ​യേ​ല്യ​രെ അടിമ​ത്ത​ത്തിൽനിന്ന്‌ മോചി​പ്പി​ക്കും എന്നും ദൈവം കൊടു​ക്കുന്ന ദേശത്ത്‌ അവർ “സുരക്ഷി​ത​രാ​യി ജീവി​ക്കും” എന്നും യഹോവ ഉറപ്പു​കൊ​ടു​ത്ത​താണ്‌. (ആവർത്തനം 12:9, 10) എന്നാൽ ഈജി​പ്‌ത്‌ വിട്ടു​പോന്ന ഇസ്രാ​യേ​ല്യ​രു​ടെ ആ തലമു​റ​യ്‌ക്ക്‌ ദൈവ​ത്തി​ന്റെ വാഗ്‌ദാ​ന​ങ്ങ​ളി​ലുള്ള വിശ്വാ​സം കുറവാ​യി​രു​ന്നു. അവർ ദൈവ​ത്തോട്‌ തുടർച്ച​യാ​യി അനുസ​ര​ണ​ക്കേടു കാണിച്ചു. അതിന്റെ ഫലമായി അവർക്ക്‌ ‘ദൈവ​ത്തി​ന്റെ സ്വസ്ഥത​യിൽ’ പ്രവേ​ശി​ക്കാ​നും ദൈവ​വു​മാ​യി ഒരു സമാധാ​ന​ബന്ധം ആസ്വദി​ക്കാ​നും കഴിഞ്ഞില്ല. അവർ വിജന​ഭൂ​മി​യിൽവെ​ച്ചു​തന്നെ മരിച്ചു. അവരുടെ പിൻത​ല​മു​റ​ക്കാർ ദൈവം വാഗ്‌ദാ​നം ചെയ്‌ത ആ ദേശത്ത്‌ പ്രവേ​ശി​ച്ചെ​ങ്കി​ലും അവരും ദൈവ​ത്തോട്‌ അനുസ​ര​ണ​ക്കേടു കാണി​ച്ചു​കൊ​ണ്ടി​രു​ന്നു. അതു​കൊണ്ട്‌ പിന്നീട്‌ ആ ജനത്തിന്‌ വലിയ കഷ്ടതകൾ അനുഭ​വി​ക്കേ​ണ്ടി​വന്നു.—നെഹമ്യ 9:29, 30; സങ്കീർത്തനം 95:9-11; ലൂക്കോസ്‌ 13:34, 35.

 ക്രിസ്‌ത്യാ​നി​കൾ അവിശ്വ​സ്‌ത​രായ ഈ ഇസ്രാ​യേ​ല്യ​രിൽനിന്ന്‌ പാഠം ഉൾക്കൊ​ള്ള​ണ​മെന്ന്‌ പൗലോസ്‌ പറയുന്നു. ആ ജനത്തെ​പ്പോ​ലെ​യാ​കാ​തെ ദൈവ​വ​ചനം അനുസ​രി​ച്ചു​കൊ​ണ്ടും ദൈവ​ത്തി​ന്റെ വാഗ്‌ദാ​നങ്ങൾ പൂർണ​മാ​യി വിശ്വ​സി​ച്ചു​കൊ​ണ്ടും നമുക്ക്‌ ദൈവ​ത്തി​ന്റെ സ്വസ്ഥത​യിൽ പ്രവേ​ശി​ക്കാ​നാ​കും.—എബ്രായർ 4:1-3, 11.

 എബ്രായർ എന്ന പുസ്‌ത​ക​ത്തി​ന്റെ ചുരുക്കം മനസ്സി​ലാ​ക്കാൻ ഈ വീഡി​യോ കാണുക.