ഇല്ല. ഞങ്ങളുടെ സംഘടന സിനിമകൾ, പുസ്‌തകങ്ങൾ, പാട്ടുകൾ ഇവ ഓരോന്നും പരിശോധിച്ച്‌ ഏതൊക്കെ ഒഴിവാക്കണം എന്നതിനെക്കുറിച്ചുള്ള നിർദ്ദേശങ്ങൾ എല്ലാവർക്കും നൽകുന്നില്ല. എന്തുകൊണ്ട്‌?

  ശരിയും തെറ്റും തിരിച്ചറിയുന്നതിന്‌ ഓരോരുത്തരും തങ്ങളുടെ “വിവേചനാപ്രാപ്‌തി” പരിശീലിപ്പിക്കാൻ ബൈബിൾ പ്രോത്സാഹിപ്പിക്കുന്നു.—എബ്രായർ 5:14.

  വിനോദങ്ങൾ തിരഞ്ഞെടുക്കുമ്പോൾ അവയെ വിലയിരുത്താൻ സഹായിക്കുന്ന ചില അടിസ്ഥാനതത്ത്വങ്ങൾ ബൈബിൾ നൽകുന്നുണ്ട്‌. a ജീവിതത്തിന്റെ മറ്റു വശങ്ങളിൽ നമ്മൾ ചെയ്യാറുള്ളതുപോലെ ‘കർത്താവിനു പ്രസാദകരമായത്‌ എന്തെന്ന്‌ സദാ പരിശോധിച്ച്‌ ഉറപ്പാക്കുക’ എന്നതാണ്‌ ഞങ്ങളുടെ ലക്ഷ്യം.—എഫെസ്യർ 5:10.

  ബൈബിൾ പറയുന്നതനുസരിച്ച്‌ കുടുംബത്തലവന്മാർക്ക്‌ ഒരു പരിധിവരെ അധികാരമുള്ളതിനാൽ കുടുംബാംഗങ്ങൾ ചില പ്രത്യേക വിനോദങ്ങൾ തിരഞ്ഞെടുക്കുന്നത്‌ അവർ വിലക്കിയേക്കാം. (1 കൊരിന്ത്യർ 11:3; എഫെസ്യർ 6:1-4) എന്നാൽ, സാക്ഷികൾ പൊതുവേ ഏതെല്ലാം സിനിമകളും പാട്ടുകളും തിരഞ്ഞെടുക്കണമെന്നോ ഏതൊക്കെ കലാകാരന്മാർ സ്വീകാര്യരാണെന്നോ നിഷ്‌കർഷിക്കാൻ ആരെയും അധികാരപ്പെടുത്തിയിട്ടില്ല.—ഗലാത്യർ 6:5.