സുരക്ഷാ ഉദ്യോഗസ്ഥന്റെ അഭിനന്ദനം!
ഓസ്‌ട്രേലിയയിലെ സിഡ്‌നിയുടെ പ്രാന്തപ്രദേശത്തുള്ള രാജ്യഹാൾ നിർമാണസ്ഥലം സന്ദർശിച്ച ഗവണ്മെന്റ്‌ സുരക്ഷാ ഉദ്യോഗസ്ഥൻ പറഞ്ഞു: “സുരക്ഷയുടെ കാര്യത്തിൽ ഇത്രയധികം ശ്രദ്ധിക്കുന്ന ഒരു നിർമാണസ്ഥലം ഈ അടുത്തകാലത്തൊന്നും ഞാൻ സന്ദർശിച്ചിട്ടില്ല!”
ഉദ്യോഗസ്ഥൻ എഴുതി: “അടുക്കും ചിട്ടയും ഉള്ള ഒരു പണിസ്ഥലം ... നല്ല വൃത്തിയുമുണ്ട്‌. വരാനും പോകാനും ഉള്ള കവാടങ്ങൾ ഒന്നാന്തരം. എല്ലാ വൈദ്യുതകേബിളുകളും തറയിൽ മുട്ടാത്ത വിധത്തിൽ പ്ലാസ്റ്റിക്‌ കൊളുത്തുകൾ ഉപയോഗിച്ച്‌ ഉയരത്തിൽ തൂക്കിയിട്ടിരിക്കുന്നു. തീ അണയ്‌ക്കാനുള്ള ഉപകരണങ്ങൾ കൈയെത്തും ദൂരത്ത്‌ വെച്ചിരിക്കുന്നു ... നിർമാണസ്ഥലത്തുള്ള എല്ലാവരും നീണ്ട കൈയുള്ള വസ്‌ത്രങ്ങളും ഇറക്കമുള്ള പാന്റ്‌സും കട്ടിത്തൊപ്പിയും സുരക്ഷാ കണ്ണടകളും ധരിച്ചിട്ടുണ്ട്‌. ... സഹകരണമനഃസ്ഥിതിയുള്ളവരാണ്‌ എല്ലാവരും.”
“സാക്ഷികൾ എപ്പോഴും സുരക്ഷയ്‌ക്ക്‌ വലിയ പ്രാധാന്യം കൊടുക്കാറുണ്ട്‌,” നിർമാണസ്ഥലത്തിന്റെ മാനേജരായ വിക്‌ടർ ഓട്ടർ പറഞ്ഞു. “ജീവനെ ദൈവം വിലയുള്ളതായി കാണുന്നു. സുരക്ഷിതമായി ജോലി ചെയ്യുമ്പോൾ ഞങ്ങൾ ജീവനെക്കുറിച്ചുള്ള ദൈവത്തിന്റെ ഈ വീക്ഷണത്തെ ആദരിക്കുകയാണ്‌. മാത്രമല്ല, അത്‌ ഞങ്ങളുടെ ഇടയിലെ ഐക്യവും സന്തോഷവും വർധിപ്പിക്കുകയും ചെയ്യുന്നു. പകൽ മുഴുവൻ കഠിനാധ്വാനം ചെയ്‌താലും വൈകുന്നേരം സന്തോഷത്തോടെയാണു ഞാൻ വീട്ടിൽ തിരിച്ചെത്തിയിരുന്നത്‌!”
2012 ഏപ്രിൽ മാസത്തിൽ 127 പേർക്ക്‌ ഇരിക്കാവുന്ന ആ രാജ്യഹാളിന്റെ പണി പൂർത്തിയായി.
