വികസി​ത​രാ​ജ്യ​ങ്ങ​ളെ അപേക്ഷിച്ച്‌ പല വികസ്വ​ര​രാ​ജ്യ​ങ്ങ​ളി​ലും അന്ധർക്കു സൗകര്യ​ങ്ങൾ കുറവാണ്‌. സഹായി​ക്കു​ന്ന​തി​നു പകരം ചില​പ്പോ​ഴെ​ങ്കി​ലും സമൂഹം അവരെ ഒറ്റപ്പെ​ടു​ത്തു​ന്നു. കാഴ്‌ച​യു​ള്ള​വർക്ക്‌ എളുപ്പം ചെയ്യാൻപ​റ്റു​ന്ന പലതും അന്ധർക്കു ചെയ്യാൻ കഴിയില്ല. ഉദാഹ​ര​ണ​ത്തിന്‌, കടയിൽ പോയി സാധനം വാങ്ങു​ന്ന​തും പോകാ​നു​ള്ള ബസ്സ്‌ കണ്ടുപി​ടി​ക്കു​ന്ന​തും പണം കൈകാ​ര്യം ചെയ്യു​ന്ന​തും മറ്റും അവർക്കു ബുദ്ധി​മു​ട്ടാണ്‌. വായന​യും പ്രശ്‌ന​മാ​യി​രു​ന്നേ​ക്കാം. കാരണം, എല്ലാവർക്കും ബ്രയിൽ ലിപി വശമില്ല. ഇനി, അറിയാ​മെ​ങ്കിൽത്ത​ന്നെ അവരുടെ ഭാഷയി​ലു​ള്ള ബ്രയിൽപ്ര​സി​ദ്ധീ​ക​ര​ണങ്ങൾ കണ്ടെത്തു​ന്ന​തും അത്ര എളുപ്പമല്ല.

100-ലധികം വർഷമാ​യി യഹോ​വ​യു​ടെ സാക്ഷികൾ അന്ധർക്കു​വേ​ണ്ടി പ്രസി​ദ്ധീ​ക​ര​ണ​ങ്ങൾ തയ്യാറാ​ക്കു​ന്നു. മലാവി​യി​ലെ ഒരു ഭാഷയായ ചിചെ​വ​യിൽ ബ്രയിൽപ്ര​സി​ദ്ധീ​ക​ര​ണങ്ങൾ ലഭ്യമാ​ക്കു​ന്ന​തി​നു​വേണ്ടി അടുത്ത​കാ​ലത്ത്‌ യഹോ​വ​യു​ടെ സാക്ഷികൾ ബ്രയിൽ ലിപി​യിൽ പ്രസി​ദ്ധീ​ക​ര​ണ​ങ്ങൾ അച്ചടി​ക്കു​ന്ന​തി​നും ബയൻഡു ചെയ്യു​ന്ന​തി​നും ഉള്ള ഉപകര​ണ​ങ്ങൾ നെതർലൻഡ്‌സിൽനിന്ന്‌ അങ്ങോട്ട്‌ അയച്ചു.

യഹോ​വ​യു​ടെ സാക്ഷി​ക​ളു​ടെ ബ്രസീൽ ബ്രാ​ഞ്ചോ​ഫീ​സിൽനി​ന്നുള്ള ലിയോയ്‌ക്ക്‌ ബ്രയിൽപ്ര​സി​ദ്ധീ​ക​ര​ണങ്ങൾ തയ്യാറാ​ക്കു​ന്ന​തിൽ പരിച​യ​മു​ണ്ടാ​യി​രു​ന്നു. അദ്ദേഹം മലാവി​യിൽ ചെന്ന്‌ അഞ്ചു പേർ അടങ്ങുന്ന ഒരു സംഘത്തെ ബ്രയിൽപ്ര​സി​ദ്ധീ​ക​ര​ണങ്ങൾ തയ്യാറാ​ക്കു​ന്ന​തി​നു​ള്ള ഉപകര​ണ​ങ്ങ​ളു​ടെ പ്രവർത്ത​ന​വും അതിനു​വേ​ണ്ടി സാക്ഷികൾ തയ്യാറാ​ക്കി​യ കമ്പ്യൂട്ടർ പ്രോ​ഗ്രാ​മും പഠിപ്പി​ച്ചു. ചിചെവ ഭാഷയി​ലെ സാധാരണ ലിപികൾ ബ്രെയി​ലി​ലേ​ക്കു മാറ്റു​ന്ന​തിന്‌ ഈ പ്രോ​ഗ്രാ​മിൽ രണ്ടു ലിപി​യു​ടെ​യും അക്ഷരങ്ങൾ അടങ്ങുന്ന ഒരു പട്ടിക ഒരുക്കണം. ഈ പ്രോ​ഗ്രാം ഉപയോ​ഗിച്ച്‌, വിവരങ്ങൾ ബ്രയിൽ ലിപി​യി​ലേ​ക്കു മാറ്റാൻ മാത്രമല്ല, അന്ധർക്ക്‌ എളുപ്പം വായി​ക്കാൻ പറ്റുന്ന വിധത്തി​ലാ​ക്കാ​നും കഴിയും. ബ്രയിൽ ലിപി​യി​ലു​ള്ള സാഹി​ത്യ​ങ്ങ​ളെ​ക്കു​റിച്ച്‌ മലാവി​യി​ലു​ള്ള ചിലർ പറഞ്ഞത്‌ എന്താ​ണെ​ന്നു നോക്കാം.

സ്വന്തമാ​യി ഒരു റേഡി​യോ പ്രോ​ഗ്രാം നടത്തുന്ന അന്ധയായ ചെറു​പ്പ​ക്കാ​രി​യാണ്‌ മുന്യാ​ര​ഡ​സി. ഒപ്പം മറ്റുള്ള​വ​രെ ബൈബിൾ പഠിപ്പി​ക്കാൻ മാസ​ന്തോ​റും 70 മണിക്കൂർ ചെലവ​ഴി​ക്കു​ന്നു​മുണ്ട്‌. മുന്യാ​ര​ഡ​സി പറയുന്നു: “മുമ്പൊ​ക്കെ ഇംഗ്ലീ​ഷി​ലു​ള്ള പ്രസി​ദ്ധീ​ക​ര​ണ​ങ്ങ​ളാണ്‌ എനിക്കു ബ്രയി​ലിൽ കിട്ടി​യി​രു​ന്നത്‌. എന്നാൽ മാതൃ​ഭാ​ഷ​യിൽ അവ ലഭിക്കാൻ തുടങ്ങി​യ​തോ​ടെ അവ എന്റെ ഹൃദയത്തെ സ്‌പർശി​ക്കു​ന്നു. സഹവി​ശ്വാ​സി​കൾ ഒരുപാ​ടു ശ്രമവും പണവും ചെലവ​ഴിച്ച്‌ ബ്രയി​ലി​ലു​ള്ള പ്രസി​ദ്ധീ​ക​ര​ണ​ങ്ങൾ ഞങ്ങളുടെ ഭാഷയിൽ ലഭ്യമാ​ക്കു​ന്ന​തിൽ ഞാൻ വളരെ നന്ദിയു​ള്ള​വ​ളാണ്‌. ഞങ്ങളെ അവർ മറന്നി​ട്ടി​ല്ല, ഞങ്ങളെ​യും വളരെ വില​പ്പെ​ട്ട​വ​രാ​യി കാണുന്നു എന്നൊക്കെ തിരി​ച്ച​റി​യാൻ ഇത്‌ എന്നെ സഹായി​ച്ചു.”

വടക്കൻ മലാവി​യി​ലാണ്‌ ഫ്രാൻസിസ്‌ താമസി​ക്കു​ന്നത്‌. കാഴ്‌ച​ശ​ക്തി​യി​ല്ലാ​ത്ത​തു​കൊണ്ട്‌, മുമ്പൊ​ക്കെ മറ്റാ​രെ​ങ്കി​ലും അദ്ദേഹ​ത്തി​നു വായി​ച്ചു​കൊ​ടു​ക്ക​ണ​മാ​യി​രു​ന്നു. എന്നാൽ ആദ്യമാ​യി ചിചെവ ബ്രയി​ലിൽ പ്രസി​ദ്ധീ​ക​ര​ണ​ങ്ങൾ കിട്ടി​യ​പ്പോൾ അദ്ദേഹം പറഞ്ഞു: “എനിക്ക്‌ ഇതു വിശ്വ​സി​ക്കാൻ പറ്റുന്നില്ല! ഞാൻ സ്വപ്‌നം കാണു​ക​യാ​ണോ?”

അന്ധയായ ലോയിസ്‌ എല്ലാ മാസത്തി​ലും ഒരു നിശ്ചിത മണിക്കൂർ ദൈവ​വേ​ലയ്‌ക്കു​വേണ്ടി മാറ്റി​വെ​ക്കു​ന്നു. ജീവിതം മെച്ച​പ്പെ​ടു​ത്തു​ന്ന​തിന്‌ 52 പേരെ സഹായി​ക്കാൻ അവർക്കു കഴിഞ്ഞി​ട്ടുണ്ട്‌. എങ്ങനെ? ആളുകളെ ബൈബിൾ പഠിപ്പി​ക്കു​മ്പോൾ ലോയിസ്‌, യഹോ​വ​യു​ടെ സാക്ഷികൾ പുറത്തി​റ​ക്കു​ന്ന ബ്രയി​ലി​ലു​ള്ള പ്രസി​ദ്ധീ​ക​ര​ണം ഉപയോ​ഗി​ക്കു​ന്നു. അവരുടെ വിദ്യാർഥി​കൾ ഉപയോ​ഗി​ക്കു​ന്ന​താ​കട്ടെ, സാധാരണ ലിപി​യിൽ അച്ചടിച്ച പ്രസി​ദ്ധീ​ക​ര​ണ​ങ്ങ​ളും.

മുമ്പു പറഞ്ഞ, ബ്രസീ​ലു​കാ​ര​നാ​യ ലിയോ പറഞ്ഞു: “ബ്രയി​ലി​ലു​ള്ള ബൈബിൾപ്ര​സി​ദ്ധീ​ക​ര​ണങ്ങൾ ആളുക​ളു​ടെ കൈയിൽ കൊടു​ക്കു​മ്പോ​ഴു​ള്ള സംതൃപ്‌തി പറഞ്ഞറി​യി​ക്കാ​നാ​കി​ല്ല. അവരുടെ സ്വന്തം ഭാഷയിൽ ഇത്തരം പ്രസി​ദ്ധീ​ക​ര​ണ​ങ്ങൾ ലഭ്യമാ​ണെന്ന്‌ അറിയു​മ്പോ​ഴു​ള്ള അവരുടെ സന്തോഷം ഒന്നു കാണേ​ണ്ട​താണ്‌! യഹോ​വ​യോ​ടു തങ്ങൾ വളരെ നന്ദിയു​ള്ള​വ​രാ​ണെ​ന്നു പലരും പറഞ്ഞു. ക്രിസ്‌തീ​യ യോഗ​ങ്ങൾക്കും പ്രസം​ഗ​പ്ര​വർത്ത​ന​ത്തി​നും സ്വന്തമാ​യി തയ്യാറാ​കാൻ പറ്റുന്ന​തിൽ വളരെ സന്തോ​ഷ​മു​ണ്ടെ​ന്നും പറഞ്ഞു. അവരുടെ വ്യക്തി​പ​ര​മാ​യ പഠനം ഇപ്പോൾ ശരിക്കും വ്യക്തി​പ​ര​മാ​യ പഠനമാണ്‌! കാരണം വായി​ക്കാ​നാ​യി അവർക്ക്‌ ഇപ്പോൾ മറ്റാ​രെ​യും ആശ്രയി​ക്കേ​ണ്ട​ല്ലോ. യഹോ​വ​യോട്‌ അടുക്കാ​നും ആത്മീയ​മാ​യി വളരാൻ കുടും​ബാം​ഗ​ങ്ങ​ളെ സഹായി​ക്കാ​നും ഈ പ്രസി​ദ്ധീ​ക​ര​ണ​ങ്ങൾ അവരെ സഹായി​ക്കു​ന്നു.”