എന്റെ അപ്പൻ കൂടെ​ക്കൂ​ടെ വിളി​ച്ച​തു​കൊണ്ട്‌ അവസാനം ബൈബിൾപ​ഠ​ന​ത്തിന്‌ ഇരിക്കാൻ ഞാൻ തീരു​മാ​നി​ച്ചു. ബൈബി​ളിൽ പറഞ്ഞി​രി​ക്കുന്ന ശാസ്‌ത്രീ​യ​കാ​ര്യ​ങ്ങ​ളൊ​ക്കെ എത്ര കൃത്യ​ത​യു​ള്ള​താ​ണെന്ന്‌ കണ്ടപ്പോൾ എനിക്ക്‌ അതിശയം തോന്നി. അങ്ങനെ പതി​യെ​പ്പ​തി​യെ എനിക്ക്‌ മനസ്സി​ലാ​യി, ബൈബിൾ ദൈവ​ത്തി​ന്റെ വചനമാ​ണെ​ന്നും യഹോ​വ​യു​ടെ സാക്ഷികൾ അതു കൃത്യ​മാ​യി പഠിപ്പി​ക്കു​ക​യും അതിന്റെ നിലവാ​ര​ങ്ങൾക്കൊത്ത്‌ ജീവി​ക്കു​ക​യും ചെയ്യു​ന്ന​വ​രാ​ണെ​ന്നും. അങ്ങനെ 1970-ൽ എന്റെ അപ്പൻ സ്‌നാ​ന​മേറ്റ അതേ ദിവസം ഞാനും സ്‌നാ​ന​മേറ്റു. എന്റെ അമ്മയും രണ്ടു പെങ്ങന്മാ​രും കുറച്ച്‌ വർഷങ്ങൾക്കു ശേഷം സ്‌നാ​ന​മേറ്റു.

 എന്റെ സമപ്രാ​യ​ക്കാ​രിൽ പലർക്കും അടിച്ചു​പൊ​ളി​ച്ചുള്ള ജീവി​ത​ത്തോ​ടാ​യി​രു​ന്നു താത്‌പ​ര്യം. സത്യം പറയാ​ലോ, 17-ാമത്തെ വയസ്സൊ​ക്കെ ആയപ്പോൾ എനിക്കും അങ്ങനെ ജീവി​ക്കാൻ തോന്നി. എങ്കിലും, എന്നോ​ടൊ​പ്പം ബൈബിൾ പഠിച്ച സാക്ഷികൾ മുഴു​സ​മ​യ​സേ​വ​ന​ത്തി​ലുള്ള സന്തോ​ഷ​വും സംതൃ​പ്‌തി​യും ആസ്വദി​ക്കു​ന്നതു കണ്ടപ്പോൾ എനിക്കും അവരോ​ടൊ​പ്പം ചേരാൻ തോന്നി. അങ്ങനെ ഒടുവിൽ എന്റെ 21-ാമത്തെ വയസ്സിൽ ഞാൻ ആ പാത തിര​ഞ്ഞെ​ടു​ത്തു.

 മുൻനി​ര​സേ​വ​നം എനിക്ക്‌ എന്തെന്നി​ല്ലാത്ത സന്തോഷം തന്നു, അതു നേരത്തേ തുടങ്ങാ​ത്ത​തി​ലുള്ള വിഷമമേ ഉള്ളൂ. യട്ടെ​ബോ​റീ​യി​ലെ തുറമു​ഖത്ത്‌ ചരക്കു​ക​പ്പ​ലു​ക​ളിൽ വരുന്ന അന്യഭാ​ഷ​ക്കാ​രായ ജോലി​ക്കാ​രോട്‌ സാക്ഷീ​ക​രി​ക്കു​ന്നത്‌ എനിക്ക്‌ ഒത്തിരി ഇഷ്ടമാ​യി​രു​ന്നു.

 കഴിഞ്ഞ 50 വർഷത്തി​ല​ധി​ക​മാ​യി ഒരു പ്രത്യേക വിധത്തിൽ വ്യത്യസ്‌ത ഭാഷക്കാ​രി​ലേക്ക്‌ സന്തോ​ഷ​വാർത്ത എത്തിക്കു​ന്ന​തിൽ ഒരു പങ്കുവ​ഹി​ക്കാൻ എനിക്കു കഴിഞ്ഞു. അത്‌ എങ്ങനെ​യാ​യി​രു​ന്നെന്ന്‌ ഞാൻ നിങ്ങ​ളോട്‌ പറയാം.

മെപ്‌സി​നോ​ടൊ​പ്പ​മുള്ള യാത്ര

 മുൻനി​ര​സേ​വ​ന​ത്തോ​ടൊ​പ്പം ഞാൻ അച്ചടി​മേ​ഖ​ല​യിൽ പാർട്ട്‌-ടൈം ജോലി ചെയ്യാ​നും തുടങ്ങി. ആ കാലത്ത്‌ അച്ചടി​മേഖല പുതി​യൊ​രു തലത്തി​ലേക്ക്‌ ഉയരു​ക​യാ​യി​രു​ന്നു. അച്ചടി​ക്കാൻവേണ്ടി അച്ച്‌ നിരത്തു​ന്ന​തി​നു പകരം ചിത്ര​ങ്ങ​ളും അക്ഷരങ്ങ​ളും എല്ലാം ഫോട്ടോ രൂപത്തിൽ പകർത്താൻതു​ടങ്ങി. അച്ചടിക്ക്‌ ആവശ്യ​മായ പ്രിന്റിങ്‌ പ്ലേറ്റുകൾ തയ്യാറാ​ക്കു​ന്ന​തി​നുള്ള അതിനൂ​തന സാങ്കേ​തി​ക​വി​ദ്യ ഉപയോ​ഗി​ക്കാൻ ഞാൻ പഠിച്ചു.

 1980-ൽ ഒരു മുൻനി​ര​സേ​വി​ക​യായ ഹെലനെ ഞാൻ വിവാഹം കഴിച്ചു. എന്നെ​പ്പോ​ലെ​തന്നെ ഹെലനും ലോക​ത്തി​ന്റെ പല ഭാഗങ്ങ​ളി​ലുള്ള ആളുകളെ പരിച​യ​പ്പെ​ടാ​നും പുതി​യ​പു​തിയ സംസ്‌കാ​രങ്ങൾ പഠി​ച്ചെ​ടു​ക്കാ​നും ഇഷ്ടമാ​യി​രു​ന്നു. ഗിലെ​യാദ്‌ സ്‌കൂ​ളിൽ പങ്കെടുത്ത്‌ മിഷന​റി​മാ​രാ​യി സേവി​ക്കുക എന്നതാ​യി​രു​ന്നു ഞങ്ങളുടെ ലക്ഷ്യം.

 എങ്കിലും അച്ചടി​മേ​ഖ​ല​യിൽ എനിക്കുള്ള അനുഭ​വ​പ​രി​ചയം കാരണം ഹെല​നെ​യും എന്നെയും സ്വീഡ​നി​ലെ ബഥേലിൽ സേവി​ക്കാൻ ക്ഷണിച്ചു. പുതിയ സാങ്കേ​തി​ക​വി​ദ്യ ഉപയോ​ഗി​ച്ചു​കൊണ്ട്‌ അച്ചടി​ജോ​ലി​കൾ കൂടുതൽ മെച്ച​പ്പെ​ടു​ത്താ​നാ​യി​രു​ന്നു സംഘട​ന​യു​ടെ ഉദ്ദേശ്യം. അങ്ങനെ 1983-ൽ ഞങ്ങളെ ന്യൂ​യോർക്കി​ലുള്ള വാൾക്കിൽ ബഥേലി​ലേക്ക്‌ അയച്ചു. അവിടെ സഹോ​ദ​രങ്ങൾ പുതു​താ​യി വികസി​പ്പി​ച്ചു​കൊ​ണ്ടി​രുന്ന ബഹുഭാ​ഷാ ഇല​ക്ട്രോ​ണിക്‌ ഫോ​ട്ടോ​ടൈ​പ്പ്‌സെ​റ്റിങ്‌ സിസ്റ്റം (MEPS) a ഉപയോ​ഗി​ക്കാൻ എനിക്ക്‌ പരിശീ​ലനം കിട്ടി.

 മെപ്‌സ്‌ എന്നത്‌, വിവരങ്ങൾ വ്യത്യസ്‌ത ലിപി​ക​ളിൽ അഥവാ അക്ഷരങ്ങ​ളിൽ ടൈപ്പ്‌ ചെയ്‌ത്‌ ചിത്ര​ങ്ങ​ളു​മാ​യി യോജി​പ്പിച്ച്‌ വ്യത്യസ്‌ത പേജു​ക​ളാ​യി കമ്പോസ്‌ ചെയ്യാൻ സഹായി​ക്കുന്ന ഒരു കമ്പ്യൂട്ടർ സിസ്റ്റമാ​ണെന്ന്‌ ഞങ്ങൾക്കു മനസ്സി​ലാ​യി. മെപ്‌സ്‌ ഉപയോ​ഗിച്ച്‌ പുതിയ ലിപികൾ വികസി​പ്പി​ച്ചെ​ടു​ക്കുക എന്നതാ​യി​രു​ന്നു ഞങ്ങളുടെ ദൗത്യം. അങ്ങനെ​യാ​കു​മ്പോൾ നമ്മുടെ പ്രസി​ദ്ധീ​ക​ര​ണങ്ങൾ കൂടുതൽ ഭാഷക​ളിൽ അച്ചടി​ക്കാ​നാ​കും. അനേകം വർഷങ്ങൾ കടന്നു​പോ​യി​രി​ക്കു​ന്നു. ഇപ്പോൾ യഹോ​വ​യു​ടെ സാക്ഷികൾ 1,000-ത്തിലേറെ ഭാഷക​ളി​ലാണ്‌ സന്തോ​ഷ​വാർത്ത പ്രസി​ദ്ധീ​ക​രി​ക്കു​ന്നത്‌!

 അങ്ങനെ മെപ്‌സി​ലേക്ക്‌ പുതിയ ഭാഷകൾ ചേർക്കു​ന്ന​തിന്‌ എന്നെയും ഹെല​നെ​യും ഏഷ്യയി​ലേക്ക്‌ നിയമി​ച്ചു. കൂടുതൽ ഭാഷക​ളിൽ സന്തോ​ഷ​വാർത്ത ലഭ്യമാ​ക്കു​ന്ന​തിൽ സഹായി​ക്കാൻ ഞങ്ങൾക്കു വലിയ ആവേശ​മാ​യി​രു​ന്നു!

തികച്ചും വ്യത്യ​സ്‌ത​മാ​യൊ​രു സംസ്‌കാ​രം

 1986-ൽ ഹെലനും ഞാനും ഇന്ത്യയിൽ എത്തി. തികച്ചും വ്യത്യ​സ്‌ത​മാ​യൊ​രു സംസ്‌കാ​രം! ഇപ്പോൾ മുംബൈ എന്ന്‌ അറിയ​പ്പെ​ടുന്ന ബോം​ബെ​യിൽ എത്തിയ​പ്പോൾ അവിടത്തെ ചുറ്റു​പാ​ടു​കൾ കണ്ട്‌ ശരിക്കും വീർപ്പു​മു​ട്ടൽ തോന്നി. സ്വീഡിഷ്‌ സംസ്‌കാ​ര​വും ഇന്ത്യൻ സംസ്‌കാ​ര​വും തമ്മിൽ ഒരു സാമ്യ​വും ഇല്ലായി​രു​ന്നു. ആദ്യത്തെ ആഴ്‌ച, തിരി​ച്ചു​പോ​യാ​ലോ എന്നുത​ന്നെ​യാ​യി​രു​ന്നു ഞങ്ങളുടെ ചിന്ത.

 ആ ആഴ്‌ച കഴിഞ്ഞ​പ്പോൾ ഞങ്ങൾ രണ്ടു​പേ​രും ഒരു തീരു​മാ​ന​മെ​ടു​ത്തു: ‘മിഷന​റി​മാർ ആകുക എന്നതാ​യി​രു​ന്ന​ല്ലോ ഞങ്ങളുടെ ലക്ഷ്യം. ഇപ്പോൾ ഇതാ, ഒരു നിയമ​ന​വു​മാ​യി ഞങ്ങൾ വിദേ​ശത്ത്‌ വന്നിരി​ക്കു​ക​യാണ്‌. പിന്നെ അതെങ്ങ​നെയാ വിട്ടു​ക​ള​യുക. ഈ തടസ്സങ്ങ​ളെ​ല്ലാം മറിക​ട​ക്കണം.’

 അതു​കൊണ്ട്‌, ഇട്ടിട്ടു​പോ​കു​ന്ന​തി​നു പകരം ഈ പുതിയ ജീവി​ത​രീ​തി പറ്റുന്ന​തു​പോ​ലെ പഠി​ച്ചെ​ടു​ക്കാൻ ഞങ്ങൾ തീരു​മാ​നി​ച്ചു. അങ്ങനെ, പെട്ടെ​ന്നു​തന്നെ ഇന്ത്യ എന്ന നാടിനെ ഞങ്ങൾ സ്‌നേ​ഹി​ച്ചു​തു​ടങ്ങി. ഞങ്ങൾ രണ്ട്‌ ഇന്ത്യൻ ഭാഷക​ളും പഠിച്ചു, ഗുജറാ​ത്തി​യും പഞ്ചാബി​യും.

മ്യാൻമ​റി​ലേക്ക്‌

 1988-ൽ ഞങ്ങളെ മ്യാൻമ​റി​ലേക്ക്‌ അയച്ചു. ചൈന​യു​ടെ​യും ഇന്ത്യയു​ടെ​യും തായ്‌ലൻഡി​ന്റെ​യും ഇടയ്‌ക്ക്‌ കിടക്കുന്ന ഒരു സ്ഥലമാണ്‌ ഇത്‌. മ്യാൻമ​റി​ലെ രാഷ്ട്രീ​യ​സ്ഥി​തി തികച്ചും സംഘർഷം നിറഞ്ഞ​താ​യി​രു​ന്നു. ആ രാജ്യ​ത്തി​ന്റെ ഭൂരി​ഭാ​ഗ​വും പട്ടാള​നി​യ​മ​ത്തി​ന്റെ കീഴി​ലു​മാ​യി​രു​ന്നു. മ്യാൻമ​റിൽ ഉപയോ​ഗി​ച്ചി​രുന്ന ലിപി മെപ്‌സി​ലോ മറ്റൊരു കമ്പ്യൂട്ടർ പ്രോ​ഗ്രാ​മി​ലോ പ്രവർത്തി​പ്പി​ക്കാൻ പറ്റില്ലാ​യി​രു​ന്നു. അതു​കൊണ്ട്‌ ഞങ്ങൾ ആദ്യം ഈ പുതിയ ലിപി​ക്കു​വേ​ണ്ടി​യുള്ള അക്ഷരങ്ങൾ ഡിസൈൻ ചെയ്യണം, എന്നിട്ട്‌ അത്‌ വാൾക്കി​ലിൽ കൊണ്ടു​പോ​യി മെപ്‌സിൽ കയറ്റണം.

 എയർപോ​ട്ടിൽ എത്തിയ​പ്പോൾ ഈ അക്ഷരങ്ങ​ളു​ടെ ചിത്രങ്ങൾ ഹെലൻ അവളുടെ കൈയി​ലുള്ള ബാഗിൽ സൂക്ഷി​ച്ചി​രി​ക്കു​ക​യാ​യി​രു​ന്നു. അന്നത്തെ രാഷ്ട്രീ​യ​സ്ഥി​തി വളരെ മോശ​മാ​യി​രു​ന്ന​തു​കൊണ്ട്‌ മ്യാൻമർ ഭാഷയി​ലുള്ള പ്രസി​ദ്ധീ​ക​ര​ണങ്ങൾ ഞങ്ങളുടെ കൈയിൽ കണ്ടാൽ അതിർത്തി​യി​ലുള്ള അധികാ​രി​കൾ ഞങ്ങളെ അറസ്റ്റ്‌ ചെയ്യു​മാ​യി​രു​ന്നു. എന്നാൽ ഹെലനെ പരി​ശോ​ധി​ച്ച​പ്പോൾ അവൾ ബാഗ്‌ പിടി​ച്ചു​കൊണ്ട്‌ കൈകൾ ഉയർത്തി, അതു​കൊണ്ട്‌ ആരും ആ ബാഗ്‌ ശ്രദ്ധി​ച്ചില്ല!

 പുതിയ ലിപി​കൾക്കു പുറമേ, മ്യാൻമ​റി​ലുള്ള പരിഭാ​ഷ​കർക്ക്‌ ലാപ്‌ടോ​പ്പു​ക​ളും പ്രിന്റ​റു​ക​ളും മെപ്‌സ്‌ ഉപയോ​ഗി​ക്കു​ന്ന​തി​നുള്ള പരിശീ​ല​ന​വും ലഭിച്ചു. ആ പരിഭാ​ഷ​ക​രിൽ മിക്കവ​രും മുമ്പ്‌ ഒരു കമ്പ്യൂട്ടർ കണ്ടിട്ടു​പോ​ലു​മി​ല്ലാ​യി​രു​ന്നു. എങ്കിലും ആ പുതിയ വൈദ​ഗ്‌ധ്യം പഠി​ച്ചെ​ടു​ക്കാൻ അവർ തയ്യാറാ​യി. അധികം താമസി​യാ​തെ, ഒരു പേജ്‌ കമ്പോസ്‌ ചെയ്യാൻ കൈ​കൊണ്ട്‌ അച്ച്‌ നിരത്തുന്ന ആ പഴയ രീതി അവർ അവസാ​നി​പ്പി​ച്ചു. അങ്ങനെ നമ്മുടെ പ്രസി​ദ്ധീ​ക​ര​ണ​ങ്ങ​ളു​ടെ ഗുണനി​ല​വാ​രം പെട്ടെ​ന്നു​തന്നെ മെച്ച​പ്പെട്ടു.

നേപ്പാ​ളിൽ എത്തുന്നു

 1991-ൽ ഹെല​നെ​യും എന്നെയും നേപ്പാ​ളി​ലേക്ക്‌ നിയമി​ച്ചു. ഹിമാ​ല​യ​ത്തി​ന്റെ തെക്കു​ഭാ​ഗ​ത്താണ്‌ ഈ രാജ്യം സ്ഥിതി​ചെ​യ്യു​ന്നത്‌. ആ കാലത്ത്‌ നേപ്പാ​ളിൽ ഒരേ​യൊ​രു സഭയാണ്‌ ഉണ്ടായി​രു​ന്നത്‌. അതു​പോ​ലെ വളരെ കുറച്ച്‌ പ്രസി​ദ്ധീ​ക​ര​ണങ്ങൾ മാത്രമേ നേപ്പാളി ഭാഷയിൽ ലഭ്യമാ​യി​രു​ന്നു​ള്ളൂ.

 അധികം​വൈ​കാ​തെ ആ പ്രദേ​ശത്ത്‌ കൂടുതൽ പ്രസി​ദ്ധീ​ക​ര​ണങ്ങൾ പരിഭാഷ ചെയ്യാ​നും വിതരണം ചെയ്യാ​നും തുടങ്ങി. ഇന്ന്‌ നേപ്പാ​ളിൽ 40-ലധികം സഭകളി​ലാ​യി ഏകദേശം 3,000-ത്തോളം സാക്ഷി​ക​ളുണ്ട്‌. 2022-ലെ യേശു​ക്രി​സ്‌തു​വി​ന്റെ മരണത്തി​ന്റെ ഓർമ ആചരി​ക്കാൻ 7,500-ലധികം ആളുക​ളാണ്‌ കൂടി​വ​ന്നത്‌!

ലാഹു ഭാഷയിൽ ഒരു ലഘുപ​ത്രി​ക

 1990-കളുടെ മധ്യത്തിൽ തായ്‌ലൻഡി​ലെ ചിയാങ്‌ മായ്‌ എന്ന നഗരത്തിൽനി​ന്നുള്ള മിഷന​റി​മാർ ലാഹു മലമ്പ്ര​ദേശ ഗോ​ത്ര​ക്കാ​രോട്‌ സാക്ഷീ​ക​രി​ക്കാൻ തുടങ്ങി. ലാഹു ഭാഷ സംസാ​രി​ക്കുന്ന ആളുകൾ ചൈന, ലാവോസ്‌, മ്യാൻമർ, തായ്‌ലൻഡ്‌, വിയറ്റ്‌നാം എന്നീ രാജ്യ​ങ്ങ​ളു​ടെ അതിർത്തി​ക​ളി​ലാണ്‌ താമസി​ച്ചി​രു​ന്നത്‌. എന്നാൽ ആ ഭാഷയിൽ നമുക്ക്‌ ഒരു പ്രസി​ദ്ധീ​ക​ര​ണം​പോ​ലും ലഭ്യമ​ല്ലാ​യി​രു​ന്നു.

 ആ മിഷന​റി​മാ​രോ​ടൊ​പ്പം ബൈബിൾ പഠിച്ചു​കൊ​ണ്ടി​രുന്ന ഒരു ചെറു​പ്പ​ക്കാ​രൻ “നോക്കൂ! ഞാൻ സകലവും പുതു​താ​ക്കു​ന്നു” എന്ന ലഘുപ​ത്രിക തായ്‌ ഭാഷയിൽനിന്ന്‌ ലാഹു​വി​ലേക്ക്‌ പരിഭാഷ ചെയ്‌തു. എന്നിട്ട്‌ അദ്ദേഹ​വും ലാഹു ഭാഷ സംസാ​രി​ക്കുന്ന മറ്റു ഗ്രാമ​വാ​സി​ക​ളും കുറച്ച്‌ പണം ശേഖരിച്ച്‌ ആ പണവും ആ ലഘുപ​ത്രി​ക​യും വെച്ച്‌ ബ്രാ​ഞ്ചോ​ഫീ​സി​ലേക്ക്‌ ഒരു കത്ത്‌ അയച്ചു. ആ ലഘുപ​ത്രി​ക​യിൽനിന്ന്‌ തങ്ങൾ മനസ്സി​ലാ​ക്കിയ സത്യങ്ങൾ ലാഹു ഭാഷ സംസാ​രി​ക്കുന്ന എല്ലാവ​രും അറിയാൻ തങ്ങൾ ആഗ്രഹി​ക്കു​ന്നു​വെന്ന്‌ അവർ ആ കത്തിൽ പറഞ്ഞു.

 കുറച്ച്‌ വർഷങ്ങൾക്കു ശേഷം, എനിക്കും ഹെലനും ലാഹു പരിഭാ​ഷ​കരെ മെപ്‌സ്‌ ഉപയോ​ഗി​ക്കാൻ പരിശീ​ലി​പ്പി​ക്കു​ന്ന​തി​നുള്ള ഒരു അവസരം കിട്ടി. ആ പരിഭാ​ഷ​ക​രിൽ ഒരാൾ അടുത്തി​ടെ സ്‌നാ​ന​മേറ്റ, ചിയാങ്‌ മായ്‌ പരിഭാ​ഷാ ഓഫീ​സിൽ സേവി​ക്കുന്ന ഒരു സഹോ​ദ​ര​നാ​യി​രു​ന്നു. “നോക്കൂ!” ലഘുപ​ത്രിക ആദ്യം ലാഹു​വി​ലേക്ക്‌ പരിഭാഷ ചെയ്‌ത ആ ചെറു​പ്പ​ക്കാ​ര​നാണ്‌ ഈ സഹോ​ദ​ര​നെന്ന്‌ അറിഞ്ഞ​പ്പോൾ ഞങ്ങൾ ശരിക്കും അതിശ​യി​ച്ചു​പോ​യി.

 1995-ൽ ഹെലനും ഞാനും വീണ്ടും ഇന്ത്യയിൽ എത്തി. അവിടെ പരിഭാ​ഷ​ക​രോ​ടൊ​പ്പം ഞങ്ങൾ ബ്രാഞ്ചിൽ സേവിച്ചു. പരിഭാ​ഷ​കർക്ക്‌ അവരുടെ ജോലി​യിൽ ആവശ്യ​മായ മെപ്‌സ്‌ ടൂളുകൾ ലഭ്യമാ​ക്കു​ന്ന​തിൽ സഹായി​ക്കുക എന്നതാ​യി​രു​ന്നു ഞങ്ങളുടെ നിയമനം. ഇന്ന്‌ അവി​ടെ​യുള്ള പല ഭാഷക​ളിൽ ആവശ്യ​ത്തി​നുള്ള പ്രസി​ദ്ധീ​ക​ര​ണങ്ങൾ ലഭ്യമാണ്‌. ബൈബിൾ പഠിക്കാ​നും സ്‌നാ​ന​ത്തി​ലേക്ക്‌ പുരോ​ഗ​മി​ക്കാ​നും അത്‌ ആളുകളെ സഹായി​ക്കു​ന്നു.

അനു​ഗ്ര​ഹങ്ങൾ നിറഞ്ഞ ഒരു ജീവിതം

 1999 മുതൽ ഹെലനും ഞാനും ബ്രിട്ടൻ ബ്രാഞ്ചിൽ സേവിക്കാൻതുടങ്ങി. ലോകാ​സ്ഥാ​നത്തെ മെപ്‌സ്‌ പ്രോ​ഗ്രാ​മിങ്‌ ടീമി​നോ​ടൊ​പ്പ​മാണ്‌ ഞങ്ങൾ പ്രവർത്തി​ക്കു​ന്നത്‌. ലണ്ടനിൽ ഗുജറാ​ത്തി, പഞ്ചാബി വയലിൽ സാക്ഷീ​ക​രി​ക്കാൻ കഴിയു​ന്നത്‌ ഞങ്ങൾക്ക്‌ വലി​യൊ​രു സന്തോഷമാണ്‌. jw.org-ൽ പുതി​യൊ​രു ഭാഷ ഇറങ്ങു​മ്പോൾ ആ ഭാഷയി​ലു​ള്ളവർ ഞങ്ങളുടെ പ്രദേ​ശത്ത്‌ ഉണ്ടെങ്കിൽ അവരോട്‌ സാക്ഷീ​ക​രി​ക്കാൻ ഞങ്ങൾ ശ്രമി​ക്കും.

 എന്റെ സമപ്രാ​യ​ക്കാ​രെ​പ്പോ​ലെ “അടിച്ചു​പൊ​ളി​ച്ചുള്ള” ജീവി​ത​ത്തി​നു പകരം വളരെ നേര​ത്തേ​തന്നെ ആത്മീയ​ല​ക്ഷ്യ​ങ്ങൾ വെച്ചത്‌ ഓർക്കു​മ്പോൾ എനിക്ക്‌ ഇപ്പോൾ സന്തോഷം തോന്നു​ന്നു. പിന്തി​രിഞ്ഞ്‌ നോക്കു​മ്പോൾ മുഴു​സ​മ​യ​സേ​വനം ഏറ്റെടു​ത്ത​തിൽ ഞങ്ങൾക്ക്‌ ഒരു വിഷമ​വു​മില്ല. 30-തിലധി​കം രാജ്യങ്ങൾ സന്ദർശി​ക്കാൻ ഞങ്ങൾക്കു കഴിഞ്ഞു. അങ്ങനെ സന്തോ​ഷ​വാർത്ത എല്ലാ ജനതക​ളി​ലും ഗോ​ത്ര​ങ്ങ​ളി​ലും ഭാഷക്കാ​രി​ലും എത്തുന്നത്‌ നേരിട്ട്‌ കാണാൻ ഞങ്ങൾക്കാ​യി!—വെളി​പാട്‌ 14:6.