യേശു യരുശ​ലേ​മി​നു സമീപ​മുള്ള ബഥാന്യ​യിൽ എത്തിയ​പ്പോൾ സ്‌നേ​ഹി​ത​നായ ലാസർ മരിച്ചിട്ട്‌ നാലു ദിവസം കഴിഞ്ഞി​രു​ന്നു. ലാസറി​ന്റെ പെങ്ങന്മാ​രായ മാർത്ത​യു​ടെ​യും മറിയ​യു​ടെ​യും കൂടെ യേശു കല്ലറയു​ടെ അടുത്ത്‌ ചെന്നു. പെട്ടെ​ന്നു​തന്നെ ആളുകൾ അവിടെ തടിച്ചു​കൂ​ടി. യേശു ലാസറി​നെ തിരികെ ജീവനി​ലേക്കു കൊണ്ടു​വ​ന്ന​പ്പോൾ മാർത്ത​യ്‌ക്കും മറിയ​യ്‌ക്കും ഉണ്ടായ സന്തോ​ഷ​ത്തെ​ക്കു​റിച്ച്‌ ഒന്നു ചിന്തിച്ചു നോക്കി​യേ!​—യോഹ​ന്നാൻ 11:21-24, 38-44 വായി​ക്കുക.

മരിച്ച​വ​രെ​ക്കു​റി​ച്ചുള്ള സന്തോ​ഷ​വാർത്ത മുമ്പു​തന്നെ മാർത്ത​യ്‌ക്ക്‌ അറിയാ​മാ​യി​രു​ന്നു. ഭൂമി​യിൽ വീണ്ടും ജീവി​ക്കാൻവേണ്ടി യഹോവ മരിച്ച​വരെ ഉയിർപ്പി​ക്കു​മെന്നു മാർത്ത മനസ്സി​ലാ​ക്കി​യി​രു​ന്നു.​—ഇയ്യോബ്‌ 14:14, 15 വായി​ക്കുക.

മണ്ണു​കൊ​ണ്ടാ​ണു മനുഷ്യ​നെ ഉണ്ടാക്കി​യി​രി​ക്കു​ന്നത്‌. (ഉൽപത്തി 2:7; 3:19) മനുഷ്യ​ശ​രീ​ര​മെ​ടുത്ത ആത്മാക്കളല്ല നമ്മൾ. ശരീര​ത്തി​ന്റെ മരണത്തെ തുടർന്ന്‌ മരിക്കാ​തെ ജീവി​ക്കുന്ന ഒന്നും നമ്മുടെ ഉള്ളിലില്ല. നമ്മൾ മരിക്കു​മ്പോൾ നമ്മുടെ തലച്ചോ​റും മരിക്കു​ന്നു; നമ്മുടെ ചിന്തകൾ നശിക്കു​ന്നു. അതു​കൊ​ണ്ടു​തന്നെ മരിച്ചു​ക​ഴി​ഞ്ഞുള്ള അനുഭ​വ​ങ്ങ​ളെ​പ്പറ്റി ലാസർ ഒന്നും പറഞ്ഞില്ല. അതെ, മരിച്ചവർ ഒന്നും അറിയു​ന്നില്ല.​—സങ്കീർത്തനം 146:4; സഭാ​പ്ര​സം​ഗകൻ 9:5, 6, 10 വായി​ക്കുക.

മരിച്ച​തി​നു ശേഷം ആളുകളെ ദൈവം തീയി​ലിട്ട്‌ ദണ്ഡിപ്പി​ക്കു​ന്നു​ണ്ടോ? മരിച്ചവർ ഒന്നും അറിയു​ന്നില്ല എന്നു ബൈബിൾ വ്യക്തമാ​ക്കു​ന്ന​തി​നാൽ തീനര​ക​ത്തെ​ക്കു​റി​ച്ചുള്ള പഠിപ്പി​ക്കൽ ദൈവത്തെ നിന്ദി​ക്കുന്ന ഒരു നുണയാണ്‌. ആളുകളെ തീയി​ലിട്ട്‌ ദണ്ഡിപ്പി​ക്കു​ക​യെന്ന ആശയം​തന്നെ ദൈവ​ത്തിന്‌ അങ്ങേയറ്റം വെറു​പ്പാണ്‌.​—യിരെമ്യ 7:31 വായി​ക്കുക.

മരിച്ചവർ ഏത്‌ അവസ്ഥയിലാണ്‌? എന്ന വീഡിയോ കാണുക

മരിച്ച​വർക്കു സംസാ​രി​ക്കാ​നോ കേൾക്കാ​നോ കഴിയില്ല. (സങ്കീർത്തനം 115:17) എന്നാൽ ദുഷ്ടരായ ചില ദൂതന്മാ​രുണ്ട്‌. അവർ മരിച്ചു​പോയ ആളുക​ളാ​യി നടിച്ച്‌ മനുഷ്യ​രോ​ടു സംസാ​രി​ച്ചേ​ക്കാം. (2 പത്രോസ്‌ 2:4) മരിച്ച​വ​രോട്‌ ഉപദേശം തേടാൻ ശ്രമി​ക്കു​ന്ന​തി​നെ യഹോവ വിലക്കു​ന്നു.​—ആവർത്തനം 18:10, 11 വായി​ക്കുക.

മരിച്ചു​പോയ കോടി​ക്ക​ണ​ക്കിന്‌ ആളുകൾ ഭൂമി​യി​ലെ ജീവനി​ലേക്കു തിരി​ച്ചു​വ​രും. ദൈവത്തെ അറിയാ​ത്ത​വ​രും തെറ്റായ ജീവിതം നയിച്ചി​രു​ന്ന​വ​രും ആയ ചിലർപോ​ലും പുനരു​ത്ഥാ​ന​ത്തിൽ വരും.​—ലൂക്കോസ്‌ 23:43; പ്രവൃ​ത്തി​കൾ 24:15 വായി​ക്കുക.

പുനരു​ത്ഥാ​ന​ത്തിൽ വരുന്ന​വർക്കു ദൈവ​ത്തെ​ക്കു​റി​ച്ചുള്ള സത്യം പഠിക്കാ​നും യേശു​ക്രി​സ്‌തു​വി​നെ അനുസ​രി​ച്ചു​കൊണ്ട്‌ യേശു​വി​ലുള്ള വിശ്വാ​സം തെളി​യി​ക്കാ​നും ഉള്ള അവസരം കിട്ടും. (വെളി​പാട്‌ 20:11-13) ജീവനി​ലേക്കു മടങ്ങി​വ​രു​ക​യും നന്മ പ്രവർത്തി​ക്കു​ക​യും ചെയ്യു​ന്ന​വർക്കു ഭൂമി​യിൽ നിത്യം ജീവി​ക്കാൻ കഴിയും.​—യോഹ​ന്നാൻ 5:28, 29 വായി​ക്കുക.

നമുക്കു​വേണ്ടി മരിക്കാൻ തന്റെ പുത്രനെ അയച്ചു​കൊണ്ട്‌ ദൈവം മരിച്ച​വർക്കു പ്രത്യാ​ശ​യ്‌ക്കുള്ള വഴി തുറന്നു. അതു​കൊണ്ട്‌ യഹോ​വ​യ്‌ക്ക്‌ നമ്മളോ​ടുള്ള സ്‌നേ​ഹ​ത്തി​ന്റെ​യും അനർഹ​ദ​യ​യു​ടെ​യും തെളി​വാ​ണു പുനരു​ത്ഥാ​നം. മരിച്ചവർ ജീവനി​ലേക്കു വരു​മ്പോൾ പ്രത്യേ​കിച്ച്‌ ആരെ കാണാ​നാ​ണു നിങ്ങൾ ആഗ്രഹി​ക്കു​ന്നത്‌?​—യോഹ​ന്നാൻ 3:16; റോമർ 6:23 വായി​ക്കുക.