ജർമനി​യിൽ അഭയാർഥി​ക​ളും കുടി​യേ​റ്റ​ക്കാ​രും ധാരാ​ള​മാ​യി എത്തിയ​തോ​ടെ ഇവിടത്തെ അന്യഭാ​ഷാ​വയൽ വളർന്നി​രി​ക്കു​ക​യാണ്‌. ഒൻപതു മാസം​കൊണ്ട് 229 അന്യഭാ​ഷാ​ഗ്രൂ​പ്പു​ക​ളും പ്രീ-ഗ്രൂപ്പു​ക​ളും തുടങ്ങി. 13 ഭാഷക​ളിൽ നടത്തുന്ന 30-ഓളം ഭാഷാ​പഠന കോഴ്‌സു​ക​ളിൽ ഏതാണ്ട് 800 പ്രചാ​രകർ പങ്കെടു​ക്കു​ന്നുണ്ട്.

നമ്മുടെ സഹോ​ദ​രങ്ങൾ അഭയാർഥി​ക്യാ​മ്പു​കൾ സന്ദർശിച്ച് അവരോ​ടും പ്രസം​ഗി​ക്കു​ന്നു. 200 കേന്ദ്ര​ങ്ങ​ളിൽ സാക്ഷീ​കരണ കൈവ​ണ്ടി​കൾ ഉപയോ​ഗി​ക്കു​ന്നു. ഇതിലൂ​ടെ 6,40,000-ത്തോളം പ്രസി​ദ്ധീ​ക​ര​ണ​ങ്ങ​ളാ​ണു കൊടു​ക്കാൻ കഴിഞ്ഞത്‌.

2016 മെയ്‌മു​തൽ ജൂ​ലൈ​വരെ ഒരു പ്രത്യേക പ്രചാ​ര​ണ​പ​രി​പാ​ടി​ക്കു ഭരണസം​ഘം അനുമതി നൽകി. ഏഴു രാജ്യ​ങ്ങ​ളിൽനി​ന്നുള്ള അറബി  സംസാ​രി​ക്കുന്ന 700-ഓളം പ്രചാ​രകർ ഈ പരിപാ​ടിക്ക് എത്തി. ഓസ്‌ട്രി​യ​യി​ലെ​യും ജർമനി​യി​ലെ​യും പത്തു സ്ഥലങ്ങളി​ലേക്കു പോയി അവി​ടെ​യുള്ള അറബി സംസാ​രി​ക്കുന്ന ആളുക​ളോട്‌ അവർ പ്രസം​ഗി​ച്ചു.

ബെലീ​സി​ലെ ഫേബേഴ്‌സ്‌ റോഡി​ലുള്ള ക്രയോൾസ​ഭ​യി​ലെ 50 പ്രചാ​രകർ സാക്ഷീ​ക​രി​ക്കാൻ പലപ്പോ​ഴും പൊടി നിറഞ്ഞ വഴിയി​ലൂ​ടെ നടന്നാണു പോകു​ന്നത്‌. മിക്ക സഹോ​ദ​ര​ങ്ങ​ളും പാവ​പ്പെ​ട്ട​വ​രാണ്‌. എങ്കിലും അവരെ​ല്ലാം വളരെ ഉദാര​മ​തി​ക​ളാണ്‌. കുറച്ച് വർഷങ്ങൾക്കു മുമ്പു​മു​തൽ, അവർ സാക്ഷീ​ക​ര​ണ​ത്തി​നു പോകു​മ്പോൾ വഴിയിൽ കിടക്കുന്ന നാണയങ്ങൾ പെറു​ക്കി​യെ​ടു​ക്കുന്ന ഒരു രീതി തുടങ്ങി. വർഷാ​വ​സാ​നം അവർ ആ നാണയ​ങ്ങ​ളെ​ല്ലാം ഒരുമി​ച്ചു​കൂ​ട്ടി, കഴുകി, തരംതി​രിച്ച്, എണ്ണി എടുക്കും.

ഈ നാണയ​ങ്ങ​ളിൽ മിക്കതും തീരെ ചെറിയ മൂല്യ​മു​ള്ള​വ​യാ​ണെ​ങ്കി​ലും ഓരോ വർഷവും ഏകദേശം 15,000 രൂപ (225 ഡോളർ) ഇങ്ങനെ കിട്ടും. ഇതിന്‍റെ പകുതി തുക അവരുടെ രാജ്യ​ഹാ​ളി​ന്‍റെ ചെലവിന്‌ എടുക്കും, ബാക്കി ലോക​വ്യാ​പ​ക​വേ​ലയ്‌ക്ക് അയച്ചു​കൊ​ടു​ക്കും.

ബുറു​ണ്ടി​യു​ടെ ദൈവ​ജ​ന​ത്തി​ന്‍റെ ചരി​ത്ര​ത്തി​ലെ പ്രധാ​ന​തീ​യ​തി​ക​ളിൽ ഒന്നാണ്‌ 2016 മാർച്ച് 5. അന്നു സഭകൾക്കു​വേ​ണ്ടി​യുള്ള ഒരു പ്രത്യേ​ക​പ​രി​പാ​ടി അവിടത്തെ പ്രധാന ദേശീ​യ​റേ​ഡി​യോ​നി​ലയം വഴി രാജ്യ​മെ​മ്പാ​ടും സം​പ്രേ​ഷണം ചെയ്‌തു. ലോകാ​സ്ഥാ​ന​പ്ര​തി​നി​ധി​യായ ആന്തണി ഗ്രിഫിൻ സഹോ​ദ​രന്‍റെ ബ്രാഞ്ച് സന്ദർശനം നടക്കു​ക​യാ​യി​രു​ന്നു അപ്പോൾ. ഏതാണ്ട് 40 ലക്ഷത്തോ​ളം ആളുക​ളാണ്‌ ആ റേഡി​യോ​പ​രി​പാ​ടി ശ്രദ്ധി​ച്ചത്‌!

ആ പ്രക്ഷേ​പണം നല്ല സാക്ഷ്യം കൊടു​ക്കു​ന്ന​തിന്‌ ഇടയായി. ആളുകൾ ഒരുപാ​ടു നല്ല അഭി​പ്രാ​യ​ങ്ങ​ളും പറഞ്ഞു. പ്രക്ഷേ​പ​ണ​ത്തി​നു സഹായിച്ച ഒരു ജോലി​ക്കാ​രൻ ഇങ്ങനെ പറഞ്ഞു: “നിങ്ങൾ ഇതു​പോ​ലുള്ള പരിപാ​ടി​കൾ ഇനിയും നടത്തണം!” മറ്റൊരു ഓഫീസർ ഇങ്ങനെ എഴുതി: “ഇതു​പോ​ലുള്ള പരിപാ​ടി​കൾ വീണ്ടും നടത്താൻ ഞാൻ നിങ്ങളെ പ്രോ​ത്സാ​ഹി​പ്പി​ക്കു​ന്നു. അതു തീർച്ച​യാ​യും അനേകം ആളുക​ളു​ടെ ജീവൻ രക്ഷിക്കും.” അനേകം ബസ്സുക​ളി​ലെ​യും പൊതു​യാ​ത്രാ​വാ​ഹ​ന​ങ്ങ​ളി​ലെ​യും  റേഡി​യോ​യി​ലൂ​ടെ ഈ പരിപാ​ടി ആളുകൾ കേട്ടു.

2016-ലെ സ്‌മാ​ര​ക​ത്തി​നു തൊട്ടു​മു​മ്പുള്ള ദിവസം. നേപ്പാ​ളി​ലെ ഒരു ചെറിയ സഭയിലെ സഹോ​ദ​രങ്ങൾ ആകെ സങ്കടത്തി​ലാ​യി. സ്‌മാ​രകം നടത്താൻ വാടകയ്‌ക്കെ​ടുത്ത കെട്ടി​ട​ത്തി​നു തൊട്ട​ടു​ത്തുള്ള സ്‌കൂ​ളിൽ ഒരു വലിയ സംഗീ​ത​പ​രി​പാ​ടി നടക്കാൻപോ​കു​ന്ന​താ​യി​രു​ന്നു കാരണം.

അത്തരം പരിപാ​ടി​കൾ വളരെ ഉച്ചത്തി​ലാ​യി​രി​ക്കും. സ്‌മാ​ര​ക​ത്തി​ന്‍റെ അന്നു രാവിലെ സഹോ​ദ​രങ്ങൾ ഹാൾ വൃത്തി​യാ​ക്കു​മ്പോൾ സംഗീ​ത​പ​രി​പാ​ടി​യു​ടെ ഒരു സംഘാ​ടകൻ അവരോ​ടു പറഞ്ഞു: “ഞങ്ങളുടെ പാട്ടല്ലാ​തെ നിങ്ങൾ ഇവിടെ ഒന്നും കേൾക്കാൻപോ​കു​ന്നില്ല.”

സംഗീ​ത​പ​രി​പാ​ടി ഉച്ചയാ​യ​പ്പോൾ തുടങ്ങി. പ്രതീ​ക്ഷി​ച്ച​തു​പോ​ലെ പരിപാ​ടി നല്ല ഉച്ചത്തി​ലാ​യി​രു​ന്നു. സഹോ​ദ​രങ്ങൾ ആദ്യം ഉദ്ദേശി​ച്ച​തി​ലും ശബ്ദമുള്ള ഉച്ചഭാ​ഷി​ണി ഉപയോ​ഗി​ച്ചെ​ങ്കി​ലും സംഗീ​ത​പ​രി​പാ​ടി​യു​ടെ കോലാ​ഹലം കാരണം മൈക്ക് പ്രവർത്തി​ക്കു​ന്നു​ണ്ടോ എന്നു കേട്ടു​നോ​ക്കാൻപോ​ലും കഴിഞ്ഞില്ല. സഹോ​ദ​ര​ങ്ങൾക്ക് ആകെ വിഷമ​മാ​യി. എങ്കിലും അവർ ഇക്കാര്യ​ത്തെ​ക്കു​റിച്ച് ഉള്ളുരു​കി പ്രാർഥി​ച്ചു. അവസാനം സ്‌മാ​ര​കാ​ച​രണം തുടങ്ങാ​റാ​യി. 30 മിനിട്ട് മാത്രമേ ബാക്കി​യു​ള്ളൂ. സഹോ​ദ​രങ്ങൾ വന്നുതു​ടങ്ങി. പെട്ടെന്ന് സംഗീ​ത​ഹാ​ളിൽനി​ന്നുള്ള പാട്ടു നിലച്ചു. കുടിച്ച് പൂസായ ചിലർ സംഗീ​ത​ഹാ​ളി​നു​ള്ളിൽവെച്ച് വഴക്കു​ണ്ടാ​ക്കി​യ​പ്പോൾ പോലീസ്‌ വന്ന് പരിപാ​ടി നിറു​ത്തി​വെ​പ്പി​ച്ച​താ​ണു കാരണം. അങ്ങനെ, സഹോ​ദ​ര​ങ്ങൾക്കു ശാന്തവും സമാധാ​ന​പ​ര​വും ആയ അന്തരീ​ക്ഷ​ത്തിൽ സ്‌മാ​രകം ആചരി​ക്കാൻ കഴിഞ്ഞു.

ഇറ്റലി​യി​ലെ ഒരു സാധാരണ മുൻനി​ര​സേ​വ​ക​നാ​ണു ജൂസെപ്പ്. ഇന്‍റർനെറ്റ്‌ കൺസൾട്ടിങ്‌ സ്ഥാപന​ത്തി​ലാ​ണു ജോലി. വീട്ടി​ലി​രുന്ന് ചെയ്യാ​വുന്ന ഒരു ജോലി​യാണ്‌ ഇത്‌. കഴിഞ്ഞ മെയ്‌ മാസത്തിൽ 70-ഓളം സഹപ്ര​വർത്ത​ക​രു​മൊത്ത്‌ അദ്ദേഹം കമ്പനി​യു​ടെ ഒരു മീറ്റി​ങ്ങിൽ പങ്കെടു​ക്കു​ക​യാ​യി​രു​ന്നു. കമ്പനി നടപ്പാ​ക്കേണ്ട ചില പുതിയ ആശയങ്ങ​ളെ​ക്കു​റിച്ച് ചർച്ച ചെയ്യാ​നാ​യി​രു​ന്നു ഈ മീറ്റിങ്ങ്. മാതൃ​ക​യാ​യി ഉപയോ​ഗി​ക്കാ​വുന്ന ഒരു വെബ്‌സൈ​റ്റി​നെ​ക്കു​റിച്ച്  പറഞ്ഞു​കൊ​ണ്ടാ​ണു കമ്പനി​യു​ടെ ചീഫ്‌ എക്‌സി​ക്യൂ​ട്ടീവ്‌ ഓഫീസർ (സിഇഒ) തുടങ്ങി​യത്‌. എന്നിട്ട് അദ്ദേഹം കമ്പ്യൂട്ടർ സ്‌ക്രീ​നിൽ ഒരു വെബ്‌സൈറ്റ്‌ കാണിച്ചു. jw.org-ന്‍റെ ആദ്യ​പേജ്‌ തെളി​ഞ്ഞു​വ​രു​ന്നതു കണ്ട ജൂസെപ്പ് അന്തം വിട്ടു​പോ​യി. സിഇഒ പറഞ്ഞു: “ഇതാണു ലോക​ത്തി​ലെ ഏറ്റവും മികച്ച വെബ്‌സൈറ്റ്‌!” പിന്നെ അദ്ദേഹം jw.org-ന്‍റെ പ്രത്യേ​ക​തകൾ വിശക​ലനം ചെയ്യാൻ തുടങ്ങി. എളുപ്പ​ത്തിൽ ഉപയോ​ഗി​ക്കാ​വുന്ന ഇതിലെ ലിങ്കുകൾ, ആകർഷ​ണീ​യ​മായ ചിത്രീ​ക​ര​ണങ്ങൾ, ഇതിന്‍റെ രൂപസം​വി​ധാ​നം എന്നിവ​യെ​ക്കു​റി​ച്ചെ​ല്ലാം അദ്ദേഹം പുകഴ്‌ത്തി​പ്പ​റഞ്ഞു.

“ഇത്രയ​ധി​കം ഭാഷക​ളിൽ ഈ വെബ്‌സൈ​റ്റു​ണ്ടെന്ന് അറിഞ്ഞ​പ്പോൾ എന്‍റെ സഹപ്ര​വർത്ത​കർക്ക് ആശ്ചര്യ​മാ​യി. ആ മീറ്റി​ങ്ങി​ന്‍റെ അവസാനം അവിടെ കൂടി​വ​ന്ന​വ​രോ​ടും സിഇഒ-യോടും എന്‍റെ ഓഫീസർ പറഞ്ഞു: ‘ജൂസെപ്പ് ഒരു യഹോ​വ​യു​ടെ സാക്ഷി​യാണ്‌.’ അപ്പോൾ സിഇഒ എന്നോടു പറഞ്ഞു: ‘നിങ്ങളു​ടെ സംഘട​നയെ തീർച്ച​യാ​യും അഭിന​ന്ദി​ക്കണം. ലോക​ത്തി​ലെ ഏതു കമ്പനി​യെ​യും സ്ഥാപന​ത്തെ​യും  സംഘട​ന​യെ​യും അസൂയ​പ്പെ​ടു​ത്തുന്ന ഒരു വെബ്‌സൈ​റ്റാ​ണു നിങ്ങൾ ഡിസൈൻ ചെയ്‌തി​രി​ക്കു​ന്നത്‌. പുതിയ വിവരങ്ങൾ ചേർക്കാ​നും ആർക്കും ബുദ്ധി​മു​ട്ടു കൂടാതെ ഉപയോ​ഗി​ക്കാ​നും അതിന്‍റെ ഉള്ളടക്ക​ത്തി​നും വിശദാം​ശ​ങ്ങൾക്കും ശ്രദ്ധ കൊടു​ക്കാ​നും നിങ്ങൾ എത്രമാ​ത്രം ശ്രമി​ക്കു​ന്നു​ണ്ടെന്ന് എനിക്ക് ഊഹി​ക്കാ​നേ കഴിയൂ.’ ഞാൻ ചെയ്യാത്ത ഒരു ജോലിക്ക് ഇത്ര​യേറെ പ്രശംസ കിട്ടി​യ​തിൽ എനിക്ക് അല്‌പം അസ്വസ്ഥത തോന്നി. എന്നാൽ യഹോ​വ​യു​ടെ സാക്ഷി​ക​ളെ​ക്കു​റിച്ച് ഒന്നും അറിഞ്ഞു​കൂ​ടാത്ത പലർക്കും ഒരു സാക്ഷ്യം കിട്ടി​യ​തിൽ എനിക്ക് വളരെ സന്തോ​ഷ​മാ​യി. ഇപ്പോൾ ഞാൻ ചില സഹപ്ര​വർത്ത​ക​രോ​ടു പതിവാ​യി സന്തോ​ഷ​വാർത്ത പറയു​ന്നുണ്ട്. അവരിൽ മൂന്നു പേരു​മാ​യി ബൈബിൾപ​ഠ​ന​വും നടത്തുന്നു.” ജൂസെപ്പ് ജോലി ചെയ്യുന്ന കമ്പനി jw.org വെബ്‌സൈ​റ്റി​നെ​ക്കു​റിച്ച് ഇപ്പോ​ഴും “പഠിക്കു​ന്നു.” ജൂസെ​പ്പാ​കട്ടെ, സഹപ്ര​വർത്ത​ക​രു​മാ​യി ബൈബിൾചർച്ചകൾ തുടരു​ക​യും ചെയ്യുന്നു.

അർജന്‍റീ​ന​യി​ലെ ഒരു യുവാ​വാ​ണു ജോർജ്‌. 2010-ന്‍റെ തുടക്ക​ത്തി​ലാ​ണു ജോർജ്‌ ഒരു സഹപാ​ഠി​യിൽനിന്ന് സന്തോ​ഷ​വാർത്ത ആദ്യമാ​യി കേട്ടത്‌. തുടർന്ന് അദ്ദേഹം ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുസ്‌തകം ഉപയോ​ഗിച്ച് ബൈബിൾ പഠിക്കാൻ തുടങ്ങി. ജോർജ്‌ ഫുട്‌ബോൾക​ളി​യിൽ തിളങ്ങി​നിന്ന കാലമാ​യി​രു​ന്നു അത്‌. ഒരു പ്രമുഖ ഫുട്‌ബോൾ ക്ലബ്ബിൽ ജോർജിന്‌ ഒരു നല്ല സ്ഥാനവും കിട്ടി. അങ്ങനെ​യി​രി​ക്കെ 2014 ഏപ്രി​ലിൽ ജർമനി​യിൽ കളിക്കാൻ പോകുന്ന ടീമിൽ ജോർജി​നെ​യും തിര​ഞ്ഞെ​ടു​ത്തു. ആരെയും മോഹി​പ്പി​ക്കുന്ന ഒരു വാഗ്‌ദാ​നം! ടീമിൽ സ്ഥിരമാ​യി കളിക്കാ​നുള്ള ക്ഷണം ജോർജി​നെ ആവേശ​ഭ​രി​ത​നാ​ക്കു​ക​യും അദ്ദേഹം ആ ക്ഷണം സ്വീക​രി​ക്കു​ക​യും ചെയ്‌തു. യൂറോ​പ്പി​ലേക്കു യാത്ര പുറ​പ്പെ​ടു​ന്ന​തിന്‌ ഏതാനും ദിവസം മുമ്പ് ജോർജി​ന്‍റെ പരിശീ​ലകൻ ഇങ്ങനെ പറഞ്ഞു: “നീയൊ​രു യഹോ​വ​യു​ടെ സാക്ഷി​യല്ലേ? വിദേ​ശത്ത്‌ പോയി നിന്‍റെ ജീവിതം നശിപ്പി​ക്ക​രുത്‌. ചെറു​പ്പ​ത്തിൽ ഞാനും ഒരു സാക്ഷി​യാ​യി​രു​ന്നു. ഒരു ഏഷ്യൻരാ​ജ്യ​ത്തെ ടീമിൽ ചേരാ​നുള്ള ക്ഷണം എനിക്കു കിട്ടി. അവർ തന്ന വാഗ്‌ദാ​ന​ങ്ങ​ളിൽ മയങ്ങി​പ്പോയ ഞാൻ കുടും​ബ​സ​മേതം അങ്ങോട്ടു പോയി. പക്ഷേ, ഞങ്ങൾ മടങ്ങി​യത്‌ വളരെ നിരാ​ശ​രാ​യി​ട്ടാണ്‌.” ജോർജ്‌ പറയുന്നു: “അദ്ദേഹ​ത്തി​ന്‍റെ അഭി​പ്രാ​യം എന്നെ  ചിന്തി​പ്പി​ച്ചു. യൂറോ​പ്പി​ലേക്കു പോ​കേണ്ടാ എന്നു തീരു​മാ​ന​മെ​ടുത്ത ഞാൻ 2015-ൽ ഒരു പ്രചാ​ര​ക​നാ​കു​ക​യും സ്‌നാ​ന​മേൽക്കു​ക​യും ചെയ്‌തു.”

2015 സെപ്‌റ്റം​ബ​റി​ലെ “യേശു​വി​നെ അനുക​രി​ക്കുക!” മേഖലാ കൺ​വെൻ​ഷൻ യുഗാ​ണ്ട​യി​ലെ കമ്പാല നഗരത്തിൽ വെച്ച് നടന്നു. കൂടി​വ​ന്ന​വരെ ആവേശ​ഭ​രി​ത​രാ​ക്കി​ക്കൊണ്ട് ഭരണസം​ഘ​ത്തി​ലെ മാർക്ക് സാൻഡെഴ്‌സൺ സഹോ​ദരൻ ലുഗാണ്ട ഭാഷയി​ലുള്ള വിശുദ്ധ തിരു​വെ​ഴു​ത്തു​കൾ—പുതിയ ലോക ഭാഷാ​ന്തരം പ്രകാ​ശനം ചെയ്‌തു.

ഒരു ബൈബിൾവി​ദ്യാർഥി പറഞ്ഞു: “ഈ മനോ​ഹ​ര​മായ ബൈബിൾ കിട്ടി​യ​തിൽ എനിക്കു വളരെ സന്തോ​ഷ​മുണ്ട്! ആളുക​ളെ​ല്ലാം പോപ്പി​നെ സ്വീക​രി​ക്കാൻ ഒരുങ്ങുന്ന സമയമാ​യി​രു​ന്നു അത്‌. അതി​ലേ​ക്കുള്ള ചെലവു​കൾക്കാ​യി വെഞ്ചരിച്ച കൊന്ത 3,400 രൂപയ്‌ക്ക് (30 ഡോളർ) കൊടു​ക്കു​ന്നു​ണ്ടാ​യി​രു​ന്നു. അനു​ഗ്രഹം കിട്ടാൻ പലരും അതു വാങ്ങാൻ ആഗ്രഹി​ച്ചെ​ങ്കി​ലും മിക്കവർക്കും പണമി​ല്ലാ​യി​രു​ന്നു. എന്നാൽ എനിക്കു ശരിക്കുള്ള അനു​ഗ്രഹം ഒരു വിലയും കൊടു​ക്കാ​തെ കിട്ടി. കൺ​വെൻ​ഷനു വന്നവർക്കെ​ല്ലാം യഹോവ ബൈബിൾ കൊടു​ത്തു, മനസ്സോ​ടെ സംഭാവന കൊടു​ക്കാൻ ആഗ്രഹി​ച്ച​വർക്കൊ​ക്കെ അങ്ങനെ ചെയ്യാ​മാ​യി​രു​ന്നു. യഹോ​വ​യു​ടെ വചനം മാതൃ​ഭാ​ഷ​യിൽ എന്നും വായിച്ച് ദൈവത്തെ കൂടുതൽ അടുത്ത്‌ അറിയു​മ്പോൾ ഞാൻ ശരിക്കും അനുഗൃ​ഹീ​ത​യാ​യി എന്ന് എനിക്കു തോന്നു​ന്നു. സ്വന്തമാ​യി ഒരു ബൈബിൾ തന്നതിനു ഞാൻ യഹോ​വ​യോട്‌ എന്നും നന്ദിയു​ള്ള​വ​ളാണ്‌.”

www.mt1130.com വെബ്‌സൈ​റ്റി​നെ താഴ്‌ത്തി​ക്കെ​ട്ടാൻ കോം​ഗോ (കിൻഷാസ) രാജ്യത്തെ ചില സഭാവി​ഭാ​ഗ​ങ്ങ​ളു​ടെ നേതാ​ക്ക​ന്മാർ ശ്രമിച്ചു. അതിന്‌ അവർ യഹോ​വ​യു​ടെ സാക്ഷി​ക​ളു​ടെ പ്രസി​ദ്ധീ​ക​ര​ണങ്ങൾ ഭൂതങ്ങ​ളു​ടെ ലോക​ത്താണ്‌ അച്ചടി​ക്കു​ന്ന​തെന്നു സഭയി​ലു​ള്ള​വരെ പറഞ്ഞു​വി​ശ്വ​സി​പ്പി​ച്ചു. ഈ അവകാ​ശ​വാ​ദം തെളി​യി​ക്കാൻ അവർ നമ്മുടെ സൈറ്റി​ന്‍റെ “www” എന്ന അക്ഷരങ്ങൾ വെളി​പാട്‌ പുസ്‌ത​ക​ത്തി​ലെ 666 എന്ന സംഖ്യ​യു​മാ​യി ബന്ധിപ്പി​ച്ചു. (വെളി. 13:18) അതു​കൊണ്ട് ചില ബൈബിൾവി​ദ്യാർഥി​കൾ പഠനം നിറുത്തി.

 മുൻനി​ര​സേ​വനം ചെയ്യുന്ന ഒരു ദമ്പതികൾ ഇക്കാര്യ​ത്തെ​ക്കു​റിച്ച് പ്രാർഥി​ച്ച​ശേഷം തങ്ങളുടെ ബൈബിൾവി​ദ്യാർഥി​ക​ളെ​യും അവരുടെ ഇണക​ളെ​യും വീട്ടി​ലേക്കു ക്ഷണിച്ചു. മൂന്നു കുടും​ബങ്ങൾ വന്നു. ഭക്ഷണത്തി​നു ശേഷം യഹോ​വ​യു​ടെ സാക്ഷികൾ​—സുവാർത്ത പ്രസം​ഗി​ക്കാൻ സംഘടി​തർ എന്ന വീഡി​യോ അവരെ കാണിച്ചു. നമ്മുടെ പ്രസി​ദ്ധീ​ക​ര​ണ​ങ്ങ​ളെ​ക്കു​റിച്ച് അവർ കേട്ടി​രുന്ന ആരോ​പ​ണങ്ങൾ തികച്ചും തെറ്റാ​ണെന്ന് അവർക്ക് അപ്പോൾ ബോധ്യ​മാ​യി. പിറ്റേ ആഴ്‌ച, അവരിൽ ഒരാളു​ടെ ഭർത്താവ്‌ 7,000 രൂപ (100 ഡോളർ) കൊണ്ടു​വന്ന് അതു ലോക​വ്യാ​പക പ്രവർത്ത​ന​ങ്ങൾക്കു സംഭാ​വ​ന​യാ​യി അയച്ചു​കൊ​ടു​ക്ക​ണ​മെന്നു നിർബ​ന്ധി​ച്ചു. അദ്ദേഹം ബൈബിൾ പഠിക്കാൻ തുടങ്ങി​യി​ട്ടു​പോ​ലും ഇല്ലായി​രു​ന്നു.

പാപ്പുവ ന്യൂഗി​നി​യിൽ ഉൾപ്ര​ദേ​ശത്ത്‌ താമസി​ക്കുന്ന ചില സഹോ​ദ​ര​ങ്ങൾക്ക് ഇന്‍റർനെറ്റ്‌ ലഭ്യമ​ല്ലെ​ങ്കി​ലും പുതിയ രാജ്യ​ഗീ​തങ്ങൾ പഠിക്കാൻ വലിയ ആഗ്രഹ​മാണ്‌. മുൺഡിപ്പ് സഭയിലെ സഹോ​ദ​രങ്ങൾ എന്താണു ചെയ്യു​ന്ന​തെ​ന്നോ? ഒരു സഹോ​ദ​രനെ ഇന്‍റർനെറ്റ്‌ സൗകര്യ​മുള്ള പട്ടണത്തി​ലേക്ക് അയയ്‌ക്കും. സഭയുടെ ഏറ്റവും അടുത്തുള്ള ആ പട്ടണത്തിൽ എത്താൻ രണ്ടു മണിക്കൂർ നടന്ന​ശേഷം വീണ്ടും രണ്ടു മണിക്കൂർ ബസ്സിൽ യാത്ര ചെയ്യു​ക​യും വേണം. അവിടെ എത്തിയിട്ട് സഹോ​ദരൻ നമ്മുടെ സൈറ്റി​ലുള്ള പാട്ടിന്‍റെ വരികൾ ഒരു ബുക്കിൽ എഴുതി​യെ​ടു​ക്കും. പിന്നെ തിരി​ച്ചു​വന്ന് എല്ലാവർക്കും കാണാ​നാ​യി രാജ്യ​ഹാ​ളി​ലെ ബോർഡിൽ ഈ വരികൾ എഴുതി​യി​ടും. സഭയി​ലു​ള്ളവർ ഇത്‌ എഴുതി​യെ​ടുത്ത്‌ പാടി​പ്പ​ഠി​ക്കും. യഹോ​വയെ ആരാധി​ക്കു​ന്ന​തി​ന്‍റെ ഭാഗമാ​യി ലോക​ത്തെ​മ്പാ​ടു​മുള്ള മറ്റു സഭക​ളോട്‌ ഒത്തു​ചേ​രാൻ കഴിയു​ന്നത്‌ അവർ അങ്ങേയറ്റം വിലമ​തി​ക്കു​ന്നു.