യശയ്യ 63:1-19
63 ഏദോമിൽനിന്ന്‌+ വരുന്ന ഇവൻ ആരാണ്‌?വർണ്ണാഭവും* മനോഹരവും ആയ വസ്‌ത്രങ്ങൾ അണിഞ്ഞ്‌മഹാശക്തിയോടെ ബൊസ്രയിൽനിന്ന്‌+ വരുന്നവൻ ആരാണ്‌?
“ഇതു ഞാനാണ്‌, നീതിയോടെ സംസാരിക്കുകയുംമഹാശക്തിയോടെ രക്ഷിക്കുകയും ചെയ്യുന്നവൻ!”
2 എന്താണ്‌ അങ്ങയുടെ വസ്‌ത്രം ചുവന്നിരിക്കുന്നത്‌,മുന്തിരിച്ചക്കു* ചവിട്ടുന്നവന്റെ+ വസ്‌ത്രംപോലിരിക്കുന്നത്‌?
3 “ഞാൻ തനിയെ മുന്തിരിച്ചക്കു ചവിട്ടി,
മറ്റാരും എന്നോടൊപ്പമില്ലായിരുന്നു.
ഞാൻ കോപത്തോടെ അവരെ ചവിട്ടിക്കൊണ്ടിരുന്നു,ക്രോധത്തോടെ അവരെ ചവിട്ടിയരച്ചു.+
അവരുടെ രക്തം എന്റെ വസ്‌ത്രത്തിൽ തെറിച്ചു,അതിൽ ആകെ രക്തക്കറ പുരണ്ടു.
4 പ്രതികാരം ചെയ്യാൻ ഞാൻ ഒരു ദിവസം നിശ്ചയിച്ചിരിക്കുന്നു,+വീണ്ടെടുക്കാനുള്ളവരുടെ വർഷം വന്നുചേർന്നിരിക്കുന്നു.
5 ഞാൻ ചുറ്റും നോക്കി, സഹായിക്കാൻ ആരുമില്ലായിരുന്നു,ആരും തുണയ്‌ക്കാനില്ലെന്നു കണ്ട്‌ ഞാൻ ഞെട്ടിപ്പോയി.
അതുകൊണ്ട്‌, എന്റെ സ്വന്തം കൈ എനിക്കു രക്ഷ* നൽകി,+എന്റെ ക്രോധം എന്നെ തുണച്ചു.
6 ഞാൻ കോപത്തോടെ ജനതകളെ ചവിട്ടിമെതിച്ചു,എന്റെ ക്രോധം കുടിപ്പിച്ച്‌ അവരെ ലഹരിപിടിപ്പിച്ചു,+ഞാൻ അവരുടെ രക്തം നിലത്ത്‌ ഒഴുക്കി.”
7 യഹോവ ഇസ്രായേൽഗൃഹത്തിന്‌ അനേകം നന്മകൾ ചെയ്‌തതിനാൽ,കരുണയോടും വലിയ അചഞ്ചലസ്‌നേഹത്തോടും കൂടെയഹോവ ഞങ്ങൾക്കുവേണ്ടി ഇതെല്ലാം ചെയ്‌തുതന്നതിനാൽ,+യഹോവ കാണിച്ച അചഞ്ചലസ്‌നേഹത്തെക്കുറിച്ചുംദൈവത്തിന്റെ പ്രശംസാർഹമായ പ്രവൃത്തികളെക്കുറിച്ചും ഞാൻ സംസാരിക്കും.
8 “ഇത്‌ എന്റെ ജനമാണ്‌, എന്നോട്‌ അവിശ്വസ്‌തത കാട്ടുകയില്ലാത്ത എന്റെ മക്കൾ”+ എന്നു പറഞ്ഞ്‌
ദൈവം അവരുടെ രക്ഷകനായിത്തീർന്നു.+
9 അവരുടെ വേദനകൾ ദൈവത്തെയും വേദനിപ്പിച്ചു.+
ദൈവത്തിന്റെ സ്വന്തം സന്ദേശവാഹകൻ* അവരെ രക്ഷിച്ചു.+
സ്‌നേഹത്തോടും അനുകമ്പയോടും കൂടെ ദൈവം അവരെ വീണ്ടെടുത്തു,+അക്കാലമെല്ലാം അവരെ എടുത്തുകൊണ്ട്‌ നടന്നു.+
10 എന്നാൽ അവർ ദൈവത്തെ ധിക്കരിച്ച്‌+ ദൈവത്തിന്റെ പരിശുദ്ധാത്മാവിനെ* ദുഃഖിപ്പിച്ചു.+
അപ്പോൾ ദൈവം അവരുടെ ശത്രുവായിത്തീർന്നു,+ദൈവം അവർക്കെതിരെ പോരാടി.+
11 അവർ പഴയ കാലത്തെക്കുറിച്ച്‌ ഓർത്തു,ദൈവത്തിന്റെ ദാസനായ മോശയുടെ നാളുകളെക്കുറിച്ച്‌ ചിന്തിച്ചു:
“തന്റെ ആട്ടിൻപറ്റത്തിന്റെ ഇടയന്മാരോടൊപ്പം+
അവരെ കടലിൽനിന്ന്‌ പുറത്ത്‌ കൊണ്ടുവന്നവൻ+ എവിടെ?അവനു തന്റെ പരിശുദ്ധാത്മാവിനെ കൊടുത്തവൻ+ എവിടെ?
12 മോശയുടെ വലതുകൈയോടൊപ്പം തന്റെ മഹത്ത്വമാർന്ന കരം നീട്ടിയവൻ,+തനിക്ക്‌ അനശ്വരമായ ഒരു നാമം ഉണ്ടാക്കാനായി+അവരുടെ മുന്നിൽ ജലാശയങ്ങളെ വിഭജിച്ചവൻ,+ എവിടെ?
13 സമതലത്തിലൂടെ* പോകുന്ന ഒരു കുതിരയെ എന്നപോലെഇളകിമറിയുന്ന* വെള്ളത്തിലൂടെ ഇടറിവീഴാതെ അവരെ നടത്തിയവൻ എവിടെ?
14 യഹോവയുടെ ആത്മാവ്‌ അവർക്കു വിശ്രമം നൽകി;+താഴ്‌വരയിലേക്കു വന്ന കന്നുകാലിക്കൂട്ടങ്ങളെപ്പോലെ അവർ വിശ്രമിച്ചു.”
അങ്ങയ്‌ക്കു ശ്രേഷ്‌ഠമായ ഒരു നാമം ഉണ്ടാക്കാനായി+അങ്ങ്‌ ഈ വിധത്തിൽ അങ്ങയുടെ ജനത്തെ നയിച്ചു.
15 ഉന്നതവും മഹത്ത്വപൂർണവും ആയ വാസസ്ഥലത്തുനിന്ന്‌,വിശുദ്ധമായ സ്വർഗത്തിൽനിന്ന്‌, അങ്ങ്‌ നോക്കിക്കാണേണമേ;
അങ്ങയുടെ തീക്ഷ്‌ണതയും ശക്തിയും എവിടെ?അങ്ങയുടെ കരുണയും+ അനുകമ്പയും*+ ഉണരാത്തത്‌ എന്ത്‌?
അങ്ങ്‌ അതെല്ലാം എനിക്കു നിഷേധിച്ചിരിക്കുന്നു.
16 അങ്ങാണു ഞങ്ങളുടെ പിതാവ്‌.+അബ്രാഹാം ഞങ്ങളെ തിരിച്ചറിയില്ലെങ്കിലുംഇസ്രായേലിനു ഞങ്ങളെ മനസ്സിലാകില്ലെങ്കിലുംയഹോവേ, അങ്ങാണു ഞങ്ങളുടെ പിതാവ്‌.
‘പണ്ടുമുതൽ ഞങ്ങളെ വീണ്ടെടുക്കുന്നവൻ’ എന്നാണ്‌ അങ്ങയുടെ പേര്‌.+
17 യഹോവേ, ഞങ്ങൾ അങ്ങയുടെ വഴികൾ വിട്ട്‌ അലയാൻ അങ്ങ്‌ അനുവദിച്ചത്‌* എന്തിന്‌?
അങ്ങ്‌ ഞങ്ങളുടെ ഹൃദയം കല്ലുപോലെയാകാൻ അനുവദിച്ചത്‌* എന്ത്‌?
അങ്ങനെ ഞങ്ങൾ ദൈവഭയമില്ലാത്തവരായിത്തീർന്നിരിക്കുന്നു.+അങ്ങയുടെ ഈ ദാസന്മാർക്കുവേണ്ടി, അങ്ങയുടെ അവകാശമായ ഗോത്രങ്ങൾക്കുവേണ്ടി, മടങ്ങിവരേണമേ.+
18 അങ്ങയുടെ വിശുദ്ധജനം അൽപ്പകാലം അതു കൈവശം വെച്ചു,
ഞങ്ങളുടെ ശത്രുക്കൾ അങ്ങയുടെ വിശുദ്ധമന്ദിരം ചവിട്ടിമെതിച്ചിരിക്കുന്നു.+
19 അങ്ങ്‌ ഇതുവരെ ഭരിച്ചിട്ടില്ലാത്ത ജനതയെപ്പോലെ ജീവിച്ചുംഅങ്ങയുടെ പേരിൽ അറിയപ്പെടാത്തവരെപ്പോലെ കഴിഞ്ഞും ഞങ്ങൾ മടുത്തു.
അടിക്കുറിപ്പുകള്‍
^ മറ്റൊരു സാധ്യത “ചുവന്നതും.”
^ അഥവാ “ജയം.”
^ അഥവാ “ദൈവത്തിന്റെ സന്നിധിയിൽ നിൽക്കുന്ന ദൂതൻ.”
^ ദൈവത്തിന്റെ ശക്തിയെ കുറിക്കുന്നു.
^ അഥവാ “വിജനഭൂമിയിലൂടെ.”
^ അഥവാ “ആഴമുള്ള.”
^ അക്ഷ. “ആന്തരാവയവങ്ങളും.”
^ അഥവാ “ഇടയാക്കിയത്‌.”
^ അക്ഷ. “കല്ലുപോലെയാക്കിയത്‌.”