സങ്കീർത്തനം 111:1-10
111 യാഹിനെ സ്‌തുതിപ്പിൻ!*+
א (ആലേഫ്‌)
ഞാൻ പൂർണഹൃദയത്തോടെ യഹോവയെ സ്‌തുതിക്കും;+
ב (ബേത്ത്‌)
നേരുള്ളവർ കൂടിവരുന്നിടത്തും സഭയിലും മുഴുഹൃദയാ ദൈവത്തെ വാഴ്‌ത്തും.
ג (ഗീമെൽ)
2 യഹോവയുടെ സൃഷ്ടികൾ അതിഗംഭീരം;+
ד (ദാലെത്ത്‌)
അവയെ ഇഷ്ടപ്പെടുന്നവരെല്ലാം അവയെക്കുറിച്ച്‌ പഠിക്കുന്നു.+
ה (ഹേ)
3 ദൈവത്തിന്റെ പ്രവൃത്തികൾ മഹത്ത്വമേറിയത്‌! തേജസ്സുറ്റത്‌!
ו (വൗ)
ദിവ്യനീതി എന്നും നിലനിൽക്കുന്നു.+
ז (സയിൻ)
4 തന്റെ അത്ഭുതപ്രവൃത്തികൾ സ്‌മരിക്കപ്പെടാൻ ദൈവം ഇടയാക്കുന്നു.+
ח (ഹേത്ത്‌)
യഹോവ അനുകമ്പയുള്ളവൻ,* കരുണാമയൻ.+
ט (തേത്ത്‌)
5 തന്നെ ഭയപ്പെടുന്നവർക്കു ദൈവം ആഹാരം നൽകുന്നു.+
י (യോദ്‌)
തന്റെ ഉടമ്പടി ദൈവം എന്നെന്നും ഓർക്കുന്നു.+
כ (കഫ്‌)
6 തന്റെ അത്ഭുതങ്ങൾ ദൈവം തന്റെ ജനത്തിനു വെളിപ്പെടുത്തിയിരിക്കുന്നു;
ל (ലാമെദ്‌)
അതിനായി ജനതകളുടെ അവകാശം അവർക്കു നൽകി.+
מ (മേം)
7 ദൈവത്തിന്റെ കൈവേലകൾ സത്യസന്ധവും നീതിയുക്തവും,+
נ (നൂൻ)
ആജ്ഞകളോ വിശ്വാസയോഗ്യം.+
ס (സാമെക്‌)
8 അവയിൽ എപ്പോഴും ആശ്രയിക്കാം,* ഇന്നും എന്നും;
ע (അയിൻ)
സത്യവും നീതിയും അവയുടെ അടിസ്ഥാനം.+
פ (പേ)
9 ദൈവം തന്റെ ജനത്തെ മോചിപ്പിച്ചിരിക്കുന്നു.*+
צ (സാദെ)
തന്റെ ഉടമ്പടി എന്നും നിലനിൽക്കണമെന്നു ദൈവം കല്‌പിച്ചു.
ק (കോഫ്‌)
ദിവ്യനാമം വിശുദ്ധം, ഭയാദരവ്‌ ഉണർത്തുന്നത്‌.+
ר (രേശ്‌)
10 യഹോവയോടുള്ള ഭയഭക്തിയാണു ജ്ഞാനത്തിന്റെ തുടക്കം.+
ש (സീൻ)
ദിവ്യാജ്ഞകൾ* പാലിക്കുന്നവരെല്ലാം നല്ല ഉൾക്കാഴ്‌ച കാണിക്കുന്നു.+
ת (തൗ)
ദൈവത്തിനുള്ള സ്‌തുതികൾ എന്നെന്നും നിലനിൽക്കും.
അടിക്കുറിപ്പുകള്‍
^ അഥവാ “ഹല്ലേലൂയ!” യഹോവ എന്ന പേരിന്റെ ഹ്രസ്വരൂപമാണ്‌ “യാഹ്‌.”
^ അഥവാ “കൃപയുള്ളവൻ.”
^ അഥവാ “അവയ്‌ക്കെല്ലാം ഉറച്ച അടിസ്ഥാനമുണ്ട്‌.”
^ അക്ഷ. “വീണ്ടെടുത്തിരിക്കുന്നു.”
^ അക്ഷ. “അവ.”