• നിങ്ങൾ ഭക്ഷണകാ​ര്യ​ങ്ങൾക്കു നല്ലവണ്ണം ശ്രദ്ധ കൊടു​ക്കാൻ തീരു​മാ​ന​മെ​ടു​ത്ത​താണ്‌. പക്ഷേ ആ ഐസ്‌ക്രീം പാത്രം കണ്ടാൽ അതിൽ നിങ്ങളു​ടെ പേര്‌ എഴുതി നിങ്ങൾക്കു​വേണ്ടി മാറ്റി​വെ​ച്ചി​രി​ക്കു​ക​യാ​ണെന്നു നിങ്ങൾക്കു തോന്നു​ന്നു!

• പുകവലി നിറു​ത്താൻ നിങ്ങൾ തീരു​മാ​നി​ച്ച​താണ്‌. പക്ഷേ ഇത്‌ അറിയാ​വുന്ന നിങ്ങളു​ടെ കൂട്ടു​കാ​രൻ നിങ്ങളു​ടെ നേരെ വീണ്ടും ഒരു സിഗരറ്റ്‌ നീട്ടുന്നു.

• നിങ്ങൾ ഇന്നു വ്യായാ​മം ചെയ്യാൻ തീരു​മാ​നി​ച്ച​താണ്‌. പക്ഷേ അലമാ​ര​യിൽനിന്ന്‌ രാവിലെ ഷൂ കണ്ടുപി​ടി​ക്കു​ന്ന​തു​തന്നെ വലി​യൊ​രു പണിയാ​യി നിങ്ങൾക്കു തോന്നു​ന്നു.

ഈ രംഗങ്ങൾക്കെ​ല്ലാം എന്തെങ്കി​ലും സമാന​ത​യു​ണ്ടോ? നല്ല ശീലങ്ങൾ വളർത്തി​യെ​ടു​ക്കുന്ന കാര്യ​മാ​യാ​ലും ദുശ്ശീ​ലങ്ങൾ ഉപേക്ഷി​ക്കുന്ന കാര്യ​മാ​യാ​ലും, നമ്മുടെ സാഹച​ര്യ​ങ്ങൾക്കും നമ്മളോ​ടൊ​പ്പം സമയം ചെലവ​ഴി​ക്കുന്ന ആളുകൾക്കും അതിൽ വലി​യൊ​രു പങ്കുണ്ട്‌ എന്നാണ്‌ അനുഭ​വങ്ങൾ കാണി​ക്കു​ന്നത്‌.

കാര്യങ്ങൾ മുൻകൂ​ട്ടി​ക്കാ​ണാൻ ബൈബിൾ നമ്മളെ ഉപദേ​ശി​ക്കു​ന്നു. അങ്ങനെ ചെയ്‌താൽ ലക്ഷ്യങ്ങ​ളിൽനിന്ന്‌ നമ്മളെ അകറ്റി​ക്ക​ള​യാൻ സാധ്യ​ത​യുള്ള സാഹച​ര്യ​ങ്ങൾ വിവേ​ക​ത്തോ​ടെ ഒഴിവാ​ക്കാ​നും അനുകൂ​ല​മായ സാഹച​ര്യ​ങ്ങൾ ഒരുക്കാ​നും നമുക്കു കഴിയും. (2 തിമൊ​ഥെ​യൊസ്‌ 2:22) ചുരു​ക്കി​പ്പ​റ​ഞ്ഞാൽ, നമ്മുടെ സാഹച​ര്യ​ങ്ങൾ അനുകൂ​ല​മാ​ക്കി​യെ​ടു​ക്കുന്ന കാര്യ​ത്തിൽ നമ്മൾ ശ്രദ്ധയു​ള്ള​വ​രാ​യി​രി​ക്കണം.

• തെറ്റായ കാര്യങ്ങൾ ചെയ്യു​ന്നതു ബുദ്ധി​മു​ട്ടാ​ക്കുക. ഉദാഹ​ര​ണ​ത്തിന്‌, നല്ല രുചി​യു​ണ്ടെ​ങ്കി​ലും ആരോ​ഗ്യ​ത്തി​നു നന്നല്ലാത്ത ഭക്ഷണം ഒഴിവാ​ക്ക​ണ​മെ​ന്നു​ണ്ടോ? അത്തരം ഭക്ഷണസാ​ധ​നങ്ങൾ അടുക്ക​ള​യിൽ സൂക്ഷി​ക്കാ​തി​രി​ക്കുക. ഇങ്ങനെ ചെയ്‌താൽ പ്രലോ​ഭ​ന​മു​ണ്ടാ​കു​മ്പോൾ വഴങ്ങി​ക്കൊ​ടു​ക്കു​ന്നതു നിങ്ങൾക്കു ബുദ്ധി​മു​ട്ടാ​യി​രി​ക്കും, വഴങ്ങി​ക്കൊ​ടു​ക്കാ​തി​രി​ക്കു​ന്നത്‌ എളുപ്പ​വും.

• ശരിയായ കാര്യങ്ങൾ ചെയ്യു​ന്നത്‌ എളുപ്പ​മാ​ക്കുക. ഉദാഹ​ര​ണ​ത്തിന്‌, രാവിലെ എഴു​ന്നേ​റ്റാ​ലു​ടൻ വ്യായാ​മം ചെയ്യണ​മെന്നു നിങ്ങൾ തീരു​മാ​നി​ക്കു​ന്നെ​ന്നി​രി​ക്കട്ടെ. തലേദി​വസം രാത്രി​തന്നെ നിങ്ങളു​ടെ വ്യായാ​മ​വ​സ്‌ത്രം നിങ്ങളു​ടെ കിടക്ക​യ്‌ക്ക​രി​കിൽ തയ്യാറാ​ക്കി​വെ​ക്കുക. ഒന്നു തുടങ്ങി​ക്കി​ട്ടി​യാൽപ്പി​ന്നെ അതു തുടർന്നു​കൊ​ണ്ടു​പോ​കാൻ എളുപ്പ​മാ​യി​രി​ക്കും.

• സുഹൃ​ത്തു​ക്കളെ തിര​ഞ്ഞെ​ടു​ക്കു​ന്ന​തിൽ ശ്രദ്ധ വേണം. കാരണം ആരു​ടെ​കൂ​ടെ​യാ​ണോ നമ്മൾ സമയം ചെലവ​ഴി​ക്കു​ന്നത്‌, അവരെ​പ്പോ​ലെ നമ്മളും പെരു​മാ​റാ​നുള്ള സാധ്യത കൂടു​ത​ലാണ്‌. (1 കൊരി​ന്ത്യർ 15:33) അതു​കൊണ്ട്‌ നിങ്ങൾ നിറു​ത്താൻ ആഗ്രഹി​ക്കുന്ന ദുശ്ശീ​ലങ്ങൾ തുടരാൻ പ്രേരി​പ്പി​ക്കു​ന്ന​വ​രു​മാ​യുള്ള കൂട്ടു​കെ​ട്ടി​നു പരിധി വെക്കുക. പകരം നല്ല ശീലങ്ങൾ വളർത്താൻ സഹായി​ക്കു​ന്ന​വരെ കണ്ടുപി​ടിച്ച്‌ സുഹൃ​ത്തു​ക്ക​ളാ​ക്കുക. (g16-E No. 4)