യഹോ​വ​യു​ടെ പേര്‌ അറിയു​ന്ന​തിൽനി​ന്നും അവനു​മാ​യി അടുക്കു​ന്ന​തിൽനി​ന്നും നിങ്ങളെ തടയുന്ന ഒരാളുണ്ട്‌. ദുഷ്ടനായ ഈ എതിരാ​ളി ആരാണ്‌? ബൈബിൾ ഇങ്ങനെ വിശദീ​ക​രി​ക്കു​ന്നു: “ഈ ലോക​ത്തി​ന്റെ ദൈവം അവിശ്വാ​സി​ക​ളു​ടെ മനസ്സ്‌ അന്ധമാ​ക്കി​യി​രി​ക്കു​ന്നു.” ഭക്തികെട്ട ഈ ലോക​ത്തി​ന്റെ ദൈവം പിശാ​ചായ സാത്താ​നാണ്‌. നിങ്ങളു​ടെ ഹൃദയം “ദൈവ​പ​രി​ജ്ഞാന”ത്താൽ ശോഭി​ക്കാ​തെ അന്ധകാ​ര​ത്തി​ലാ​യി​രി​ക്കാൻ അവൻ ആഗ്രഹി​ക്കു​ന്നു. യഹോ​വ​യു​ടെ പേരും അതിന്റെ മഹത്ത്വ​വും നിങ്ങൾ അറിയ​രു​തെ​ന്നാണ്‌ അവന്റെ ഉദ്ദേശ്യം. എങ്ങനെ​യാണ്‌ സാത്താൻ ആളുക​ളു​ടെ ഹൃദയ​ങ്ങളെ അന്ധമാ​ക്കി​യി​രി​ക്കു​ന്നത്‌?—2 കൊരി​ന്ത്യർ 4:4-6.

ദൈവ​ത്തി​ന്റെ പേര്‌ അറിയു​ന്ന​തിൽനിന്ന്‌ ആളുകളെ തടയാൻ സാത്താൻ വ്യാജ​മ​തത്തെ കൂട്ടു​പി​ടി​ച്ചി​രി​ക്കു​ന്നു. ഉദാഹ​ര​ണ​ത്തിന്‌, പുരാതന നാളു​ക​ളിൽ ചില യഹൂദ​ന്മാർ തിരു​വെ​ഴു​ത്തു​കളെ മറിക​ടന്ന്‌ ദൈവ​നാ​മം ഉപയോ​ഗി​ക്കു​ന്ന​തിൽനിന്ന്‌ ആളുകളെ വിലക്കി. ഇത്‌ ക്രമേണ ഒരു സമ്പ്രദാ​യ​മാ​യി മാറി. ക്രിസ്‌തീയ യുഗത്തി​ന്റെ ആദ്യ നൂറ്റാ​ണ്ടോ​ടെ, സിന​ഗോ​ഗു​ക​ളിൽ വിശുദ്ധ ലിഖി​തങ്ങൾ പരസ്യ​മാ​യി വായി​ക്കാൻ നിയോ​ഗി​ക്ക​പ്പെ​ട്ട​വർക്ക്‌ തിരു​വെ​ഴു​ത്തു​ക​ളിൽ ദൈവ​നാ​മം പ്രത്യ​ക്ഷ​പ്പെ​ടു​ന്നി​ട​ത്തെ​ല്ലാം അദോ​നായ്‌ (കർത്താവ്‌ എന്നർഥം) എന്ന വാക്ക്‌ ഉപയോ​ഗി​ക്കാൻ നിർദേശം ലഭിച്ചി​ട്ടു​ണ്ടാ​കണം. കാലാ​ന്ത​ര​ത്തിൽ ഈ സമ്പ്രദാ​യം ദൈവ​വു​മാ​യുള്ള ആളുക​ളു​ടെ ബന്ധത്തെ സാരമാ​യി ബാധിച്ചു. എന്നാൽ യേശു ഇക്കാര്യ​ത്തിൽ എന്തു നിലപാ​ടാണ്‌ സ്വീക​രി​ച്ചത്‌? യഹോ​വ​യു​ടെ നാമം ഉപയോ​ഗി​ക്കു​ന്നതു സംബന്ധിച്ച്‌ യേശു​വി​ന്റെ മനോ​ഭാ​വം എന്തായി​രു​ന്നു?

തന്റെ പിതാ​വി​നോ​ടു പ്രാർഥി​ക്കവെ യേശു പറഞ്ഞു: “ഞാൻ നിന്റെ നാമം അവരെ അറിയി​ച്ചി​രി​ക്കു​ന്നു; ഇനിയും അറിയി​ക്കും.” (യോഹ​ന്നാൻ 17:26) എബ്രായ തിരു​വെ​ഴു​ത്തു​ക​ളിൽ ദൈവ​ത്തി​ന്റെ മഹനീയ നാമം പ്രത്യ​ക്ഷ​പ്പെ​ടുന്ന ഭാഗങ്ങൾ വായി​ക്കു​ക​യോ വ്യാഖ്യാ​നി​ക്കു​ക​യോ ഉദ്ധരി​ക്കു​ക​യോ ചെയ്യു​മ്പോ​ഴെ​ല്ലാം യേശു തീർച്ച​യാ​യും ആ നാമം ഉച്ചരി​ച്ചി​ട്ടു​ണ്ടാ​കണം. അതെ, തനിക്കു​മു​മ്പു​ണ്ടാ​യി​രുന്ന പ്രവാ​ച​ക​ന്മാ​രെ​പ്പോ​ലെ യേശു​വും ദൈവ​ത്തി​ന്റെ പേര്‌ യാതൊ​രു വിമു​ഖ​ത​യു​മി​ല്ലാ​തെ ഉപയോ​ഗി​ച്ചി​രി​ക്കണം. യേശു​വി​ന്റെ ശുശ്രൂ​ഷ​യു​ടെ നാളു​ക​ളിൽ, ദൈവ​നാ​മം ഉപയോ​ഗി​ക്കാ​ത്ത​വ​രാ​യി ഏതെങ്കി​ലും യഹൂദ​ന്മാർ ഉണ്ടായി​രു​ന്നെ​ങ്കിൽത്തന്നെ യേശു ആ സമ്പ്രദാ​യം പിൻപ​റ്റി​യി​ല്ലെന്ന്‌ നിസ്‌തർക്ക​മാ​യി പറയാ​നാ​കും. കാരണം, മതനേ​താ​ക്ക​ന്മാ​രെ രൂക്ഷമാ​യി വിമർശി​ച്ചു​കൊണ്ട്‌ അവൻ പറഞ്ഞു: “നിങ്ങളു​ടെ പാരമ്പ​ര്യ​ത്താൽ നിങ്ങൾ ദൈവ​ത്തി​ന്റെ വചനത്തെ അസാധു​വാ​ക്കി​യി​രി​ക്കു​ന്നു.”—മത്തായി 15:6.

യേശു​വി​ന്റെ മരണത്തി​നും പുനരു​ത്ഥാ​ന​ത്തി​നും ശേഷം അവന്റെ വിശ്വസ്‌ത അനുഗാ​മി​ക​ളും ദൈവ​നാ​മം ആളുകൾക്കു വെളി​പ്പെ​ടു​ത്തി​ക്കൊ​ടു​ത്തി​രു​ന്നു. ( “ആദ്യകാല ക്രിസ്‌ത്യാ​നി​കൾ ദൈവ​നാ​മം ഉപയോ​ഗി​ച്ചി​രു​ന്നോ?” എന്ന ചതുരം കാണുക.) എ.ഡി. 33-ലെ പെന്തെ​ക്കൊ​സ്‌ത്‌ നാളിൽ (ക്രിസ്‌തീ​യസഭ സ്ഥാപി​ത​മായ ദിവസം) യഹൂദ​രും യഹൂദ മതാനു​സാ​രി​ക​ളും അടങ്ങുന്ന ഒരു മഹാസ​ദ​സ്സി​നോട്‌ യോവേൽ പ്രവാ​ച​കന്റെ പുസ്‌ത​ക​ത്തിൽനിന്ന്‌ ഒരു ഭാഗം ഉദ്ധരി​ച്ചു​കൊണ്ട്‌ പത്രോസ്‌ അപ്പൊ​സ്‌തലൻ പറഞ്ഞു: “യഹോ​വ​യു​ടെ നാമം വിളി​ച്ച​പേ​ക്ഷി​ക്കുന്ന ഏവനും രക്ഷിക്ക​പ്പെ​ടും.” (പ്രവൃ​ത്തി​കൾ 2:21; യോവേൽ 2:32) ആദ്യകാല ക്രിസ്‌ത്യാ​നി​കൾ പല ജനതക​ളെ​യും യഹോ​വ​യു​ടെ നാമം അറിയാൻ സഹായി​ച്ചു. അതു​കൊ​ണ്ടാണ്‌ യെരു​ശ​ലേ​മിൽ നടന്ന, അപ്പൊ​സ്‌ത​ല​ന്മാ​രു​ടെ​യും മൂപ്പന്മാ​രു​ടെ​യും ഒരു യോഗ​ത്തിൽ ക്രിസ്‌തു​ശി​ഷ്യ​നായ യാക്കോബ്‌ ‘ദൈവം തന്റെ നാമത്തി​നാ​യി വിജാ​തീ​യ​രിൽനിന്ന്‌ ഒരു ജനത്തെ എടുക്കാ​നാ​യി അവരി​ലേക്ക്‌  ശ്രദ്ധതി​രി​ച്ചി​രി​ക്കു​ന്നു’ എന്നു പറഞ്ഞത്‌.—പ്രവൃ​ത്തി​കൾ 15:14.

ദൈവ​നാ​മ​ത്തി​ന്റെ ശത്രു​വായ സാത്താന്‌ എന്നിട്ടും തൃപ്‌തി​യാ​യില്ല. അപ്പൊ​സ്‌ത​ല​ന്മാ​രു​ടെ മരണ​ശേഷം ഉടനെ​തന്നെ അവൻ വിശ്വാ​സ​ത്യാ​ഗ​ത്തി​ന്റെ വിത്തുകൾ വിതയ്‌ക്കാൻ തുടങ്ങി. (മത്തായി 13:38, 39; 2 പത്രോസ്‌ 2:1) ഉദാഹ​ര​ണ​ത്തിന്‌, ക്രൈ​സ്‌ത​വ​ലോ​ക​ത്തി​ലെ ഒരു എഴുത്തു​കാ​ര​നായ ജസ്റ്റിൻ മാർട്ടിർ ജനിക്കു​ന്നത്‌ ക്രിസ്‌തു​വി​ന്റെ അപ്പൊ​സ്‌ത​ല​ഗ​ണ​ത്തി​ലെ അവസാ​നത്തെ ആളായ യോഹ​ന്നാൻ മരിക്കുന്ന അതേ കാലഘ​ട്ട​ത്തിൽത്ത​ന്നെ​യാ​യി​രു​ന്നു. എന്നിട്ടും, തന്റെ ലിഖി​ത​ങ്ങ​ളിൽ ജസ്റ്റിൻ ദൈവത്തെ പരാമർശി​ച്ചി​രു​ന്നത്‌, “പേരി​ല്ലാത്ത ദൈവം” എന്നാണ്‌.

വിശ്വാ​സ​ത്യാ​ഗി​ക​ളായ ക്രിസ്‌ത്യാ​നി​കൾ ക്രിസ്‌തീയ ഗ്രീക്ക്‌ തിരു​വെ​ഴു​ത്തു​ക​ളു​ടെ പകർപ്പു​കൾ ഉണ്ടാക്കി​യ​പ്പോൾ അവർ യഹോ​വ​യു​ടെ നാമം നീക്കം ചെയ്‌ത്‌ “കർത്താവ്‌” എന്ന്‌ അർഥം​വ​രുന്ന കിരി​യോസ്‌ എന്ന ഗ്രീക്കു​പദം പകരം​വെച്ചു. എബ്രായ തിരു​വെ​ഴു​ത്തു​ക​ളു​ടെ സ്ഥിതി​യും മറിച്ചാ​യി​രു​ന്നില്ല. ദൈവ​നാ​മം ഉറക്കെ വായി​ക്കു​ന്നത്‌ നിറു​ത്തി​ക്കളഞ്ഞ വിശ്വാ​സ​ത്യാ​ഗി​ക​ളായ യഹൂദ ശാസ്‌ത്രി​മാർ ദൈവ​നാ​മം തിരു​വെ​ഴു​ത്തു​ക​ളിൽനിന്ന്‌ എടുത്തു​മാ​റ്റി പകരം  അദോ​നായ്‌ എന്ന പദം ഉപയോ​ഗി​ച്ചു. 130-ലേറെ സ്ഥലങ്ങളിൽ അവർ ഇങ്ങനെ ചെയ്‌തി​ട്ടുണ്ട്‌. ബൈബി​ളി​ന്റെ ലത്തീൻ പരിഭാ​ഷ​യായ വൾഗേ​റ്റിൽനി​ന്നും (എ.ഡി. 405-ൽ ജെറോം പൂർത്തി​യാ​ക്കി​യത്‌) ദൈവ​ത്തി​ന്റെ പേര്‌ നീക്കം ചെയ്‌തി​ട്ടുണ്ട്‌.

ദൈവ​ത്തി​ന്റെ പേര്‌ ബൈബി​ളിൽ ഏതാണ്ട്‌ 7,000 പ്രാവ​ശ്യം പ്രതി​പാ​ദി​ച്ചി​ട്ടു​ണ്ടെന്ന്‌ ഇന്ന്‌ പണ്ഡിത​ന്മാർക്ക്‌ അറിയാം. അതു​കൊണ്ട്‌, സത്യ​വേ​ദ​പു​സ്‌തകം, ന്യൂ ഇൻഡ്യ ബൈബിൾ വേർഷൻ, (NIBV) കത്തോ​ലി​ക്ക​രു​ടെ ജെറു​സ​ലേം ബൈബിൾ (ഇംഗ്ലീഷ്‌) തുടങ്ങിയ പ്രചാ​ര​മാർജിച്ച ബൈബിൾ ഭാഷാ​ന്ത​ര​ങ്ങ​ളിൽ ഉടനീളം ദൈവ​നാ​മം ഉപയോ​ഗി​ച്ചി​രി​ക്കു​ന്നു. ചില ഭാഷാ​ന്ത​ര​ങ്ങ​ളിൽ ദൈവ​നാ​മം “യാഹ്‌വെ” എന്നാണ്‌ കൊടു​ത്തി​ട്ടു​ള്ളത്‌.

എന്നാൽ ബൈബിൾ പരിഭാഷ സ്‌പോൺസർ ചെയ്‌തി​ട്ടുള്ള പല സഭകളും ഈ ഭാഷാ​ന്ത​ര​ങ്ങ​ളിൽനിന്ന്‌ ദൈവ​നാ​മം നീക്കം ചെയ്യാൻ പണ്ഡിത​ന്മാ​രു​ടെ​മേൽ സമ്മർദം ചെലു​ത്തി​യി​ട്ടുണ്ട്‌. ഉദാഹ​ര​ണ​ത്തിന്‌, കത്തോ​ലി​ക്കാ ബിഷപ്പു​മാ​രു​ടെ യോഗ​ങ്ങ​ളു​ടെ പ്രസി​ഡ​ന്റു​മാ​രെ സംബോ​ധന ചെയ്‌തു​കൊ​ണ്ടുള്ള ഒരു കത്തിൽ (2008 ജൂൺ 29-ാം തീയതി​യി​ലു​ള്ളത്‌) വത്തിക്കാൻ ഇങ്ങനെ അഭി​പ്രാ​യ​പ്പെട്ടു: “ഇസ്രാ​യേ​ലി​ന്റെ ദൈവ​ത്തി​ന്റെ പേര്‌ ഉച്ചരി​ക്കുന്ന ഒരു സമ്പ്രദാ​യം ഈ അടുത്ത​കാ​ലത്ത്‌ ഉയർന്നു​വ​ന്നി​ട്ടുണ്ട്‌.” തുടർന്ന്‌ കത്ത്‌ ഇപ്രകാ​രം നിർദേശം നൽകി: “ദൈവ​നാ​മം ഉപയോ​ഗി​ക്കു​ക​യോ ഉച്ചരി​ക്കു​ക​യോ അരുത്‌. . . . ആധുനിക ഭാഷക​ളി​ലേക്ക്‌ ബൈബിൾ പാഠം തർജമ ചെയ്യു​മ്പോൾ . . . ചതുര​ക്ഷ​രി​യു​ടെ (ദൈവ​നാ​മം) സ്ഥാനത്ത്‌ ‘കർത്താവ്‌’ എന്നർഥ​മുള്ള അദോ​നായ്‌/കിരി​യോസ്‌ എന്നു​വേണം ഉപയോ​ഗി​ക്കാൻ.” വത്തിക്കാ​ന്റെ ഈ ശാസനം ദൈവ​നാ​മം തുടച്ചു​നീ​ക്കാൻ ഉദ്ദേശി​ച്ചു​ള്ള​താ​ണെന്നു വ്യക്തം.

യഹോ​വ​യു​ടെ നാമ​ത്തോട്‌ അനാദ​രവു കാണി​ക്കു​ന്ന​തിൽ പ്രൊ​ട്ട​സ്റ്റ​ന്റു​കാ​രും പിന്നിലല്ല. പ്രൊ​ട്ട​സ്റ്റന്റു സഭ സ്‌പോൺസർ ചെയ്‌ത ന്യൂ ഇന്റർനാ​ഷണൽ വേർഷന്റെ (1978-ൽ പ്രസി​ദ്ധീ​ക​രി​ച്ചത്‌) എഡിറ്റർമാ​രു​ടെ വക്താവ്‌ ഇങ്ങനെ എഴുതി: “യഹോവ എന്നുത​ന്നെ​യാണ്‌ ദൈവ​ത്തി​ന്റെ പേര്‌. വാസ്‌തവം പറഞ്ഞാൽ ഞങ്ങൾ ഈ ഭാഷാ​ന്ത​ര​ത്തിൽ അത്‌ ഉപയോ​ഗി​ക്കേ​ണ്ട​തു​മാ​യി​രു​ന്നു. പക്ഷേ അങ്ങനെ ചെയ്‌തി​രു​ന്നെ​ങ്കിൽ, ഉദാഹ​ര​ണ​ത്തിന്‌ 23-ാം സങ്കീർത്ത​ന​ത്തിൽ, ‘യാഹ്‌വെ എന്റെ ഇടയനാ​കു​ന്നു’ എന്ന്‌ എഴുതി​യി​രു​ന്നെ​ങ്കിൽ ഈ പരിഭാ​ഷ​യ്‌ക്കു​വേണ്ടി മുടക്കിയ 22,50,000 ഡോള​റും വെള്ളത്തി​ലാ​യേനെ.”

ദൈവ​നാ​മം അറിയു​ന്ന​തിൽനിന്ന്‌ ലാറ്റിൻ അമേരി​ക്ക​ക്കാ​രെ അവരുടെ സഭ തടഞ്ഞി​രി​ക്കു​ക​യാണ്‌. യു​ണൈ​റ്റഡ്‌ ബൈബിൾ സൊ​സൈ​റ്റീ​സി​ന്റെ (UBS) ട്രാൻസ്‌ലേഷൻ കൺസൽട്ട​ന്റായ സ്റ്റീവൻ വോത്ത്‌ എഴുതു​ന്നു: “ലാറ്റിൻ അമേരി​ക്കൻ പ്രൊ​ട്ട​സ്റ്റ​ന്റു​കാർക്കി​ട​യിൽ നിലനിൽക്കുന്ന വിവാ​ദ​ങ്ങ​ളി​ലൊന്ന്‌, യഹോവ എന്ന പേര്‌ ഉപയോ​ഗി​ക്കു​ന്ന​തു​മാ​യി ബന്ധപ്പെ​ട്ടു​ള്ള​താണ്‌. . . . അടുത്ത​കാ​ല​ത്താ​യി രൂപം​കൊ​ണ്ട​തും പ്രചാ​ര​മാർജി​ച്ചു​കൊ​ണ്ടി​രി​ക്കു​ന്ന​തു​മായ ഒരു പെന്തെ​ക്കൊ​സ്‌ത്‌ സഭ റെയ്‌നാ-വാലെറാ ഭാഷാ​ന്തരം (1960 പതിപ്പ്‌) ആവശ്യ​പ്പെട്ടു. . . . എന്നാൽ അതിൽനിന്ന്‌ യഹോവ എന്ന നാമം നീക്കം​ചെ​യ്‌ത്‌, പകരം സെനോർ [കർത്താവ്‌] എന്ന പദം ഉപയോ​ഗി​ക്ക​ണ​മെന്ന നിബന്ധന അവർ മുന്നോ​ട്ടു​വെച്ചു.” വോത്ത്‌ പറയു​ന്ന​പ്ര​കാ​രം, ആദ്യം UBS ആ ആവശ്യം നിരാ​ക​രി​ച്ചെ​ങ്കി​ലും പിന്നീട്‌ അതിനു വഴങ്ങി. “യഹോവ എന്ന  പദം ഇല്ലാത്ത” ഒരു റെയ്‌നാ-വാലെറാ ബൈബിൾ പതിപ്പ്‌ അവർ പുറത്തി​റക്കി.

ദൈവ​ത്തി​ന്റെ വചനത്തിൽനിന്ന്‌ അവന്റെ നാമം നീക്കി​യിട്ട്‌ പകരം “കർത്താവ്‌” എന്ന്‌ ഉപയോ​ഗി​ക്കു​ന്ന​തു​മൂ​ലം സത്യ​ദൈ​വത്തെ തിരി​ച്ച​റി​യാൻ വായന​ക്കാർക്ക്‌ സാധി​ക്കാ​തെ പോകു​ന്നു. അത്‌ ആശയക്കു​ഴ​പ്പ​ത്തിന്‌ ഇടയാ​ക്കു​ന്നു. ഉദാഹ​ര​ണ​ത്തിന്‌, “കർത്താവ്‌” എന്ന പദം യഹോ​വയെ ആണോ അതോ അവന്റെ പുത്ര​നായ യേശു​വി​നെ​യാ​ണോ കുറി​ക്കു​ന്ന​തെന്ന്‌ വായന​ക്കാർക്ക്‌ പലപ്പോ​ഴും മനസ്സി​ലാ​ക്കാൻ കഴിയാ​റില്ല. “യഹോവ എന്റെ കർത്താ​വി​നോട്‌ [ഉയിർപ്പി​ക്ക​പ്പെട്ട യേശു​വി​നോട്‌] അരുളി​ച്ചെ​യ്‌തു: ‘ഞാൻ നിന്റെ ശത്രു​ക്കളെ നിനക്കു പാദപീ​ഠ​മാ​ക്കു​വോ​ളം നീ എന്റെ വലത്തു​ഭാ​ഗത്ത്‌ ഇരിക്കുക’” എന്ന ദാവീ​ദി​ന്റെ വാക്കുകൾ പല ഭാഷാ​ന്ത​ര​ങ്ങ​ളും “കർത്താവു എന്റെ കർത്താ​വി​നോ​ടു അരുളി​ച്ചെ​യ്‌തു” എന്നാണ്‌ പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌. (പ്രവൃ​ത്തി​കൾ 2:34, 35, സത്യ​വേ​ദ​പു​സ്‌തകം) ഡേവിഡ്‌ ക്ലൈൻസ്‌ എഴുതിയ, “യാഹ്‌വെ​യും ക്രിസ്‌തീയ ദൈവ​ശാ​സ്‌ത്ര​ത്തി​ലെ ദൈവ​വും” എന്ന ഉപന്യാ​സ​ത്തിൽ ഇങ്ങനെ പറയുന്നു: “ക്രിസ്‌ത്യാ​നി​ക​ളു​ടെ മനസ്സിൽനിന്ന്‌ യാഹ്‌വെ എന്ന നാമം മായ്‌ക്ക​പ്പെട്ടു. ഇത്‌ അവരുടെ ശ്രദ്ധ മുഴുവൻ ക്രിസ്‌തു​വിൽ കേന്ദ്രീ​ക​രി​ക്ക​പ്പെ​ടാൻ ഇടയാക്കി.” ഫലമോ? യേശു തന്റെ പ്രാർഥ​നകൾ അർപ്പിച്ച ആ സത്യ​ദൈവം, യഹോവ എന്ന വ്യതി​രിക്ത നാമമുള്ള വേറിട്ട ഒരു വ്യക്തി​യാ​ണെന്ന സത്യം പള്ളിക്കാ​രായ ക്രിസ്‌ത്യാ​നി​കൾ അറിയാ​തെ​പോ​കു​ന്നു.

ആളുക​ളു​ടെ മനസ്സിനെ അന്ധമാ​ക്കാൻ സാത്താൻ എത്ര കഠിന​മാ​യാണ്‌ യത്‌നി​ക്കു​ന്നത്‌! എങ്കിൽപ്പോ​ലും നിങ്ങൾക്ക്‌ യഹോ​വയെ അടുത്ത​റി​യാൻ മാർഗ​മുണ്ട്‌.

ദൈവ​നാ​മം തുടച്ചു​നീ​ക്കാ​നുള്ള പോരാ​ട്ട​ത്തി​ലാണ്‌ സാത്താൻ. അതിന്‌ അവൻ തന്ത്രപൂർവം വ്യാജ​മ​തത്തെ കരുവാ​ക്കി​യി​രി​ക്കു​ന്നു. എന്നിരു​ന്നാ​ലും, ഭൂമി​യി​ലോ സ്വർഗ​ത്തി​ലോ ഉള്ള ഒരു ശക്തിക്കും പരമാ​ധീശ കർത്താ​വായ യഹോ​വയെ തടയാ​നാ​കില്ല. തന്നെയും തന്റെ ഉദ്ദേശ്യ​ങ്ങ​ളെ​യും കുറി​ച്ചുള്ള സത്യം അറിയാൻ ആഗ്രഹി​ക്കു​ന്ന​വർക്ക്‌ സത്യ​ദൈവം തന്റെ നാമം തീർച്ച​യാ​യും വെളി​പ്പെ​ടു​ത്തി​ക്കൊ​ടു​ക്കും.

ബൈബിൾ പഠിച്ചു​കൊണ്ട്‌ നിങ്ങൾക്ക്‌ ദൈവ​ത്തോട്‌ അടുക്കാൻ കഴിയും. അതിനു നിങ്ങളെ സഹായി​ക്കാൻ യഹോ​വ​യു​ടെ സാക്ഷി​കൾക്ക്‌ സന്തോ​ഷ​മേ​യു​ള്ളൂ. അവർ ഇക്കാര്യ​ത്തിൽ യേശു​വി​ന്റെ മാതൃക പിൻപ​റ്റു​ന്നു. “ഞാൻ നിന്റെ നാമം അവരെ അറിയി​ച്ചി​രി​ക്കു​ന്നു” എന്ന്‌ ദൈവ​ത്തോ​ടു പ്രാർഥി​ക്കവെ അവൻ പറഞ്ഞു. (യോഹ​ന്നാൻ 17:26) മനുഷ്യ​വർഗ​ത്തിന്‌ അനു​ഗ്ര​ഹങ്ങൾ ചൊരി​യാ​നാ​യി യഹോവ വഹിച്ചി​ട്ടുള്ള വിവിധ റോളു​ക​ളെ​ക്കു​റിച്ച്‌ വ്യക്തമാ​ക്കുന്ന തിരു​വെ​ഴു​ത്തു​കൾ അവന്റെ മഹനീയ വ്യക്തി​ത്വ​ത്തി​ന്റെ മനോ​ഹ​ര​മായ വശങ്ങൾ മനസ്സി​ലാ​ക്കാൻ നിങ്ങളെ സഹായി​ക്കും.

പണ്ടു ജീവി​ച്ചി​രുന്ന ദൈവ​ദാ​സ​നായ ഇയ്യോ​ബി​നെ​പ്പോ​ലെ “ദൈവ​ത്തി​ന്റെ സഖ്യത” നിങ്ങൾക്കും ആസ്വദി​ക്കാ​നാ​കും. (ഇയ്യോബ്‌ 29:4) ദൈവ​വ​ചനം എത്രയ​ധി​കം പഠിക്കു​ന്നു​വോ യഹോ​വ​യു​ടെ നാമത്തി​ന്റെ അർഥത​ലങ്ങൾ നിങ്ങൾക്ക്‌ അത്രയ​ധി​കം വ്യക്തമാ​കും. ഈ പരിജ്ഞാ​നം, തന്റെ നാമം അന്വർഥ​മാ​ക്കുന്ന രീതി​യിൽ യഹോവ (“ഞാൻ എന്തായി​ത്തീ​രാൻ ഇച്ഛിക്കു​ന്നു​വോ അതായി​ത്തീ​രും”) പ്രവർത്തി​ക്കു​മെന്ന ബോധ്യ​മു​ണ്ടാ​യി​രി​ക്കാൻ നിങ്ങളെ സഹായി​ക്കും. (പുറപ്പാ​ടു 3:14) അതെ, മനുഷ്യ​വർഗ​ത്തോ​ടു ചെയ്‌തി​രി​ക്കുന്ന സകല വാഗ്‌ദാ​ന​ങ്ങ​ളും യഹോവ നിശ്ചയ​മാ​യും നിവർത്തി​ക്കും. (w10-E 07/01)