യേശു മറ്റു മനുഷ്യ​രെ​പ്പോ​ലെ ആയിരു​ന്നില്ല. ഭൂമി​യിൽ ജനിക്കു​ന്ന​തി​നു​മുമ്പ്‌ ഒരു ആത്മരൂ​പി​യാ​യി അവൻ സ്വർഗ​ത്തിൽ വസിച്ചി​രു​ന്നു. (യോഹ​ന്നാൻ 8:23) ദൈവ​ത്തി​ന്റെ ആദ്യത്തെ സൃഷ്ടി​യാണ്‌ അവൻ. അതിനു​ശേ​ഷ​മുള്ള സൃഷ്ടി​കർമ​ങ്ങ​ളിൽ അവൻ ദൈവ​ത്തോ​ടൊ​പ്പ​മു​ണ്ടാ​യി​രു​ന്നു. യഹോ​വ​യാം ദൈവം നേരിട്ടു സൃഷ്ടി​ച്ചത്‌ അവനെ മാത്ര​മാണ്‌. അതു​കൊ​ണ്ടു​തന്നെ അവൻ ദൈവ​ത്തി​ന്റെ ‘ഏകജാ​ത​പു​ത്രൻ’ എന്ന്‌ വിളി​ക്ക​പ്പെ​ട്ടി​രി​ക്കു​ന്നു. ദൈവ​ത്തി​ന്റെ വക്താവാ​യി യേശു സേവി​ച്ചി​ട്ടു​ള്ള​തി​നാൽ അവനെ “വചനം” എന്നു വിശേ​ഷി​പ്പി​ച്ചി​രി​ക്കു​ന്നു.—യോഹ​ന്നാൻ 1:1-3, 14; സദൃശ​വാ​ക്യ​ങ്ങൾ 8:22, 23, 30-ഉം കൊ​ലോ​സ്യർ 1:15, 16-ഉം വായി​ക്കുക.

യഹോവ, യേശു​വി​ന്റെ ജീവൻ സ്വർഗ​ത്തിൽനിന്ന്‌ മറിയ എന്ന ഒരു യഹൂദ കന്യക​യു​ടെ ഗർഭപാ​ത്ര​ത്തി​ലേക്ക്‌ മാറ്റു​ക​യാ​യി​രു​ന്നു. അതു​കൊണ്ട്‌ യേശു​വിന്‌ ഒരു മനുഷ്യ പിതാവ്‌ ഇല്ലായി​രു​ന്നു. (ലൂക്കോസ്‌ 1:30-35) യേശു ഭൂമി​യിൽ വന്നതിന്‌ മൂന്നു​കാ​ര​ണ​ങ്ങ​ളുണ്ട്‌: (1) ദൈവ​ത്തെ​ക്കു​റി​ച്ചുള്ള സത്യം പഠിപ്പി​ക്കുക. (2) ദൈ​വേഷ്ടം ചെയ്യു​ന്ന​തിൽ മാതൃ​ക​വെ​ക്കുക. (3) തന്റെ പൂർണ​ത​യുള്ള ജീവൻ “മറുവില”യായി നൽകുക.—മത്തായി 20:28-ഉം യോഹ​ന്നാൻ 18:37-ഉം വായി​ക്കുക.

ബന്ധനത്തിൽ ആയിരി​ക്കുന്ന ഒരാളെ വീണ്ടെ​ടു​ക്കാൻ കൊടു​ക്കുന്ന വിലയാണ്‌ മറുവില. ആദിയിൽ മനുഷ്യ​നെ സൃഷ്ടി​ച്ച​പ്പോൾ അവൻ വാർധ​ക്യം പ്രാപി​ക്ക​ണ​മെ​ന്നും മരിക്ക​ണ​മെ​ന്നും ദൈവം ഉദ്ദേശി​ച്ചി​രു​ന്നില്ല. എന്തു​കൊ​ണ്ടാണ്‌ അങ്ങനെ പറയു​ന്നത്‌? തന്റെ കൽപ്പന ലംഘിച്ച്‌ പാപം ചെയ്യു​ന്ന​പക്ഷം മരിക്കും എന്ന്‌ ആദ്യമ​നു​ഷ്യ​നായ ആദാമി​നോട്‌ ദൈവം പറഞ്ഞി​രു​ന്നു. പാപം ചെയ്‌തി​ല്ലാ​യി​രു​ന്നെ​ങ്കിൽ ആദാം മരിക്കി​ല്ലാ​യി​രു​ന്നു. നൂറ്റാ​ണ്ടു​കൾക്കു​ശേ​ഷ​മാണ്‌ ആദാം മരിച്ച​തെ​ങ്കി​ലും പാപം ചെയ്‌ത ആ ദിവസം​തന്നെ ആദാം മരിക്കാൻ തുടങ്ങി​യെന്നു പറയാം. (ഉല്‌പത്തി 2:16, 17; 5:5) പാപവും അതിന്റെ ശിക്ഷയായ മരണവും ആദാം തന്റെ എല്ലാ പിൻഗാ​മി​കൾക്കും കൈമാ​റി​ക്കൊ​ടു​ത്തു. അങ്ങനെ ആദാമി​ലൂ​ടെ മരണം മനുഷ്യ​കു​ടും​ബ​ത്തി​ലേക്കു കടന്നു​വന്നു. നമുക്ക്‌ മറുവില ആവശ്യ​മാ​യി വന്നത്‌ അങ്ങനെ​യാണ്‌.—റോമർ 5:12; 6:23 വായി​ക്കുക.

നമ്മെ മരണത്തിൽനി​ന്നു വിടു​വി​ക്കാൻ ആവശ്യ​മായ മറുവില നൽകാൻ ആർക്കു കഴിയും? മരിക്കു​മ്പോൾ സ്വന്തം പാപത്തി​നുള്ള ശിക്ഷ മാത്രമേ നാം ഏറ്റുവാ​ങ്ങു​ന്നു​ള്ളൂ. മറ്റുള്ള​വ​രു​ടെ പാപങ്ങൾക്കു പരിഹാ​രം ചെയ്യാൻ അപൂർണ​നായ ഒരു മനുഷ്യ​നും കഴിയില്ല.—സങ്കീർത്തനം 49:7-9 വായി​ക്കുക.

യേശു​വിന്‌ ഒരു മനുഷ്യ പിതാവ്‌ ഇല്ലാതി​രു​ന്ന​തു​കൊ​ണ്ടു​തന്നെ അവൻ അപൂർണത കൈവ​ശ​പ്പെ​ടു​ത്തി​യില്ല. അവൻ മരിച്ചത്‌ സ്വന്തം പാപം നിമി​ത്തമല്ല, മറ്റുള്ള​വ​രു​ടെ പാപങ്ങൾക്കു പരിഹാ​ര​മാ​യി​ട്ടാണ്‌. മനുഷ്യ​വർഗ​ത്തോ​ടുള്ള അതിരറ്റ സ്‌നേ​ഹ​മാണ്‌ അവർക്കു​വേണ്ടി മരിക്കാൻ തന്റെ പുത്രനെ ഭൂമി​യി​ലേക്ക്‌ അയയ്‌ക്കു​ന്ന​തിന്‌ ദൈവത്തെ പ്രേരി​പ്പി​ച്ചത്‌. തന്റെ പിതാ​വി​നെ അനുസ​രി​ച്ചു​കൊണ്ട്‌ നമ്മുടെ പാപങ്ങൾക്കാ​യി സ്വജീവൻ അർപ്പി​ക്കു​ക​വഴി യേശു​വും നമ്മോ​ടുള്ള സ്‌നേഹം തെളി​യി​ച്ചു.—യോഹ​ന്നാൻ 3:16-ഉം റോമർ 5:18, 19-ഉം വായി​ക്കുക.

ഭൂമി​യി​ലാ​യി​രി​ക്കെ യേശു രോഗി​കളെ സുഖ​പ്പെ​ടു​ത്തു​ക​യും മരിച്ച​വരെ ഉയിർപ്പി​ക്കു​ക​യും ദുരിതം അനുഭ​വി​ക്കു​ന്ന​വരെ സഹായി​ക്കു​ക​യും ചെയ്‌തു. അതുവഴി, അനുസ​ര​ണ​മുള്ള മനുഷ്യർക്കാ​യി ഭാവി​യിൽ താൻ എന്തു ചെയ്യു​മെന്ന്‌ യേശു കാണി​ച്ചു​ത​രു​ക​യാ​യി​രു​ന്നു. (ലൂക്കോസ്‌ 18:35-42; യോഹ​ന്നാൻ 5:28, 29) യേശു മരി​ച്ചെ​ങ്കി​ലും ദൈവം അവനെ ഉയിർപ്പി​ച്ചു, ഒരു ആത്മരൂ​പി​യാ​യി. (1 പത്രോസ്‌ 3:18) സ്വർഗാ​രോ​ഹ​ണ​ത്തി​നു​ശേഷം യേശു ദൈവ​ത്തി​ന്റെ വലത്തു​ഭാ​ഗത്ത്‌ ഉപവി​ഷ്ട​നാ​യി. ഭൂമിയെ ഭരിക്കാ​നുള്ള അധികാ​രം ദൈവ​ത്തിൽനി​ന്നു ലഭിക്കു​ന്ന​തു​വരെ അവൻ തന്റെ കാത്തി​രിപ്പ്‌ തുടർന്നു. (എബ്രായർ 10:12, 13) ഇന്ന്‌ യേശു സ്വർഗ​ത്തിൽ രാജാ​വാ​യി വാഴ്‌ച തുടങ്ങി​യി​രി​ക്കു​ന്നു. ആ സദ്വാർത്ത അവന്റെ അനുഗാ​മി​കൾ ഭൂമി​യി​ലെ​മ്പാ​ടും ഘോഷി​ച്ചു​കൊ​ണ്ടി​രി​ക്കു​ക​യാണ്‌.—ദാനീ​യേൽ 7:13, 14-ഉം മത്തായി 24:14-ഉം വായി​ക്കുക.

പെട്ടെ​ന്നു​തന്നെ യേശു തന്റെ രാജാ​ധി​കാ​രം ഉപയോ​ഗിച്ച്‌ ഭൂമി​യി​ലെ സകല കഷ്ടപ്പാ​ടു​കൾക്കും അവസാനം വരുത്തും. ദുരി​ത​ങ്ങൾക്കു കാരണ​ക്കാ​രാ​യ​വ​രെ​യും അവൻ ഇല്ലാതാ​ക്കും. യേശു​വിൽ വിശ്വ​സി​ക്കു​ക​യും അവനെ അനുസ​രി​ക്കു​ക​യും ചെയ്യുന്ന ദശലക്ഷങ്ങൾ പറുദീ​സാ​ഭൂ​മി​യിൽ നിത്യം ജീവി​ക്കും!—സങ്കീർത്തനം 37:9-11 വായി​ക്കുക.