পন্দুপ ০৩
বাইবল অসি নহাক্না থাজবা য়াগদ্রা?
বাইবলদা তুংগী নুংঙাইরবা আশা কয়া য়াওই অমসুং মসিনা ঐখোয়দা কান্নরবা পাউতাক কয়াসু পী। বাইবলদা য়াওরিবশিংসি নহাক্না হেন্না খঙনীংলম্বসু য়াই। অদুবু য়াম্না লিরবা লাইরিক অসিদা য়াওরম্লিবা ৱাশকশিং অমসুং পাউতাকশিংসি তশেংনমক থাজবা য়াগদ্রা হায়না নহাক্না চিংনবা ফাওরম্বসু য়াই। বাইবলদা ইরম্লিবা ৱাফমশিংসি তশেংনমক চুম্মী হায়বসি মীওই লাক্ষ কয়ানা থাজৈ। বাইবলসি নহাক্নসু থাজবা য়াগদ্রা হায়বদু খঙমিন্নসি।
১. বাইবলদা য়াওরম্লিবা ৱাফমশিংসি শেমজিন শাজিনবরা নত্রগা অচুম্বরা?
বাইবলদা য়াওরম্লিবশিংসি “অচুম্বগী ৱাহৈশিংনি” হায়না খঙহল্লি। (পাউ শন্দোকপা ১২:১০) মসিদা য়াওরম্লিবা থৌদোকশিংসি তশেংনমক থোকখিবা থৌদোকশিংনি, অদুগা য়াওরম্লিবা মীওইশিংসিসু তশেংনা হিংলম্বা মীওইশিংনি। (লূক ১:৩; ৩:১, ২ পাবীয়ু।) বাইবলদা য়াওরম্লিবা মীওইশিং, মফমশিং, থৌদোকশিং অমসুং শোক তারিকশিং অসি তশেংনা চুম্মী হায়বসি পুৱারী নৈনবা অমসুং অরিবা পোৎচৈশিং থিজিনবা মীশিংনসু য়ারবা ৱাফম্নি।
২. বাইবলসি অরিবা লাইরিক ওইরবসু মতমচুপ্পদা কান্নবা অমসুং থাজবা য়াবা লাইরিক্নি হায়রিবা করিগীনো?
বাইবল ইবা মতমদা লৈরম্বা মীশিংনা ময়েক শেংনা খঙদবা ৱাফম কয়া মসিদা য়াওই। খুদম ওইনা, সাইন্সকা মরী লৈনবা ৱাফমশিং ইরম্মী। ইরম্লিবা ৱাফমশিংদু মতমদুদা লৈরম্বা মী অয়াম্বনা থাজনরমদে। অদুবু সাইন্সনা চাওখৎলকপগী মতুংইন্না বাইবলদা ইরম্লিবা ৱাফমশিংদু তশেংনমক চুম্মী হায়বসি খঙবা ঙমলকখি। অদুনা বাইবলসি “মতম পূম্নমক্তা চেৎনা লেপ্তুনা লৈ।”—থাগৎ ঈশৈ ১১১:৮.
৩. তুংদা থোক্কদবা থৌদোকশিংগী মতাংদা বাইবলদা হায়রম্বশিং ঐখোয়না করিগী থাজগদৌরিবনো?
“হৌজিক থোক্ত্রিবা থৌদোক” কয়া বাইবলদা মাঙজৌননা হায়রম্মী। a (যিশাইয়া ৪৬:১০) মমাংঙৈদা থোক্কনি হায়না মাঙজৌননা হায়দোক্লম্বা থৌদোক কয়া চপচানা থোকখি। ঐখোয়গী মতমদা থোক্কনি হায়না মাঙজৌননা হায়রম্বশিংসু চপচানা থোক্লি। পুন্দুপ অসিদা বাইবলদা য়াওরম্বা মাঙজৌননা হায়দোক্লম্বা ৱাফম খরা ঐখোয়না খন্নগনি। ৱাফমশিংদু চপচানা থুংই হায়বসি খঙবা মতমদা নহাক্না ঙকপা ফাওগনি!
হেন্না খঙবীয়ু
বাইবলদা হায়রম্বা সাইন্সকা মরী লৈনবা ৱাফমশিংসি চুম্মী হায়বদু খঙমিন্নসি। অদুগা পুক্নীং চিংশিন্নীংঙাই ওইবা বাইবলদা মাঙজৌননা হায়দোক্লম্বা ৱাফম খরসু নৈনমিন্নসি।
৪. বাইবলদা হায়রম্বা সাইন্সকা মরী লৈনবা ৱাফমশিংসি চুম্মী
মমাংঙৈদদি মী অয়াম্বনা পৃথিবী অসি করিগুম্বা পোৎশক অমগী মথক্তা তোংদুনা লৈ হায়না থাজনরম্মী। ভিদিও অসি য়েংবীয়ু।
ঙসিদগী চহী ৩,৫০০ রোমগী মমাঙদা যোবকী লাইরিক্তা করি ইরম্বগে হায়বদু য়েংবীয়ু। যোব ২৬:৭ পাবীয়ু, অমসুং ৱাহং অসি নৈনবীয়ু:
-
পৃথিবীগী মতাংদা মসিদা হায়রম্লিবা ৱাফমসি করিগী ঙক্নীংঙাই ওইরিবনো?
পৃথিবীগী ঈশিংগী খোঙচৎকী মতাংদা ফজনা খঙবা ঙম্লকপসি ঙসিদগী চহী ২০০ রোমগী মমাঙদনি। অদুবু মসিগী মতাংদা বাইবলদদি চহী ৩,৫০০ রোমগী মমাঙদা ইরম্মী। যোব ৩৬:২৭, ২৮ পাবীয়ু, অমসুং মখাগী ৱাহংশিং অসি নৈনবীয়ু:
-
ঈশিংগী খোঙচৎকী মতাংদা য়াওরম্লিবা ৱাফমসি করিগী ঙক্নীংঙাই ওইরিবনো?
-
নহাক্না পাখ্রিবা ৱাহৈপরেংশিং অদুদগী বাইবলসি থাজবা য়াই হায়না খনব্রা?
৫. মরুওইবা থৌদোক কয়াগী মতাংদা বাইবলদা মাঙজৌননা ইরম্মী
যিশাইয়া ৪৪:২৭–৪৫:২ পাবীয়ু, অমসুং ৱাহং অসি নৈনবীয়ু:
-
বাবিলোনবু মায়থীবা পীগদবা চহী ২০০ গী মমাঙদা করম্বা ৱাফমশিং ময়েক শেংনা বাইবলদা ইরম্বগে?
খৃষ্টগী মমাঙ b শোক ৫৩৯ দা পারস্যগী নিংথৌ সাইরস অমসুং মহাক্কী লান্মীশিংনা বাবিলোন সহরবু খুদুম চনখি হায়বসি ইতিহাসকী লাইরিকশিংদা ময়েক শেংনা য়াওই। সহর অদুবু কোয়শিল্লিবা তুরেল অদুগী ঈশিংদু মখোয়না থৈদোক্তুনা ময়েং তাহনখি। অদুগা মখোয়না হান্ননা হাংদোক্তুনা লৈরম্লবা সহরদুগী থোঙজাউশিংদা চঙখি অমসুং লান অমত্তা শোক্নদনা মফম অদুবু খুদুম চনখি। ঙসি চহী ২,৫০০ রোমগী মতুংদসু বাবিলোনগী মাঙ তাক্লবা ফীভম ঐখোয়না উবা ফংলি। মসিগী মতাংদা বাইবলদা মাঙজৌননা করি হায়রম্বগে হায়বদু য়েংসি।
যিশাইয়া ১৩:১৯, ২০ পাবীয়ু, অমসুং ৱাহং অসি নৈনবীয়ু:
-
মসিদা য়াওরিবা বাবিলোনগী মতাংদা মাঙজৌননা হায়দোক্লম্বা ৱাফমসি করম্না থুংবগে?
বাবিলোনগী মাঙ তাক্লবা ফীভম হোজিক হৌজিকসু ইরাক্তা লৈ
৬. ঐখোয়না ঙসি উরিবা ফীভমশিংসি বাইবলদা মাঙজৌননা ইরম্মী
ঐখোয়না লৈরিবা মতমসি ‘অরোইবা মতমদনি’ হায়না বাইবলদা খঙহল্লি। (২ তীমোথি ৩:১) অরোয়বা মতমগী মতাংদা বাইবলদা মাঙজৌননা হায়দোক্লম্বশিংদু য়েংসি।
মাত্থি ২৪:৬, ৭ পাবীয়ু, অমসুং ৱাহং অসি নৈনবীয়ু:
-
অরোয়বা মতমদা ওইরক্কদবা ফীভমশিংগী মতাংদা করম্বা ৱাফমশিং ময়েক শেংনা বাইবলদা ইরম্বগে?
২ তীমোথি ৩:১-৫ পাবীয়ু, অমসুং ৱাহংশিং অসি নৈনবীয়ু:
-
অরোয়বা মতমদা ওইরক্কদবা মীশিংগী লমচৎ শাজৎকী মতাংদা বাইবলদা করি ফোঙদোক্লম্বগে?
-
হায়রিবা লমচৎ শাজৎশিং অসি নহাক্না উবা ফংব্রা?
মীশিংনা হায়নৈ: “বাইবলসি শেমজিন শাজিনবা ৱারীগী লাইরিক্নি।”
-
নহাক্কী মোৎ মতুংইন্না, বাইবলদা ইরম্লিবশিংসি চপচানা থাজবা য়াই হায়বগী খ্বাইদগী চাওবা প্রমাণসি করিনো?
তমখিবশিংগী শম্লপ্পা
ইতিহাস, সাইন্স অমসুং মাঙজৌননা হায়দোক্লম্বা ৱাফমশিংনা বাইবলদা ইরম্লিবশিংসি চপচানা থাজবা য়াই হায়বসি খঙহল্লি।
নহাক্না করম্না পাউখুম পীগনি
-
বাইবলদা য়াওরম্লিবা ৱাফমশিংসি শেমজিন শাজিনবরা নত্রগা অচুম্বরা?
-
সাইন্সকা মরী লৈনবা করম করম্বা অচুম্বা ৱাফমশিং বাইবলদা য়াওরম্বগে?
-
তুংদা ওইরক্কদবশিংগী মতাংদা বাইবলদা মাঙজৌননা হায়দোক্লম্মী হায়বসি নহাক য়ানিংব্রা? মরম হায়বীয়ু।
হেন্না কুপথনা থিজিনবীয়ু
বাইবলদা য়াওরম্বা সাইন্সকা মরী লৈনবা ৱাফমশিংসিদা অরানবা য়াওব্রা?
“বাইবলদা য়াওরম্বা সাইন্সকা মরী লৈনবা ৱাফমশিংসি চুম্ব্রা?” (ইংলিশ) (jw.org দা য়াওবা হীরম)
“অরোইবা মতমদা” ওইরক্কদবশিংগী মতাংদা বাইবলদা ইরম্বশিংদু ঙসি চপচানা থোক্লিব্রা?
গ্রিসকী লৈঙাক্কী মতাংদা বাইবলদা মাঙজৌননা হায়দোক্লম্বা ৱাফমশিংদু করম্না থুংখিবগে হায়বদু খঙবীয়ু।
“মাঙজৌননা হায়দোক্লম্বা ৱাহৈশিংনা”ঐখোয়বু কনখৎহল্লি (ইংলিশ) (৫:২২)
বাইবলদা মাঙজৌননা হায়দোক্লম্বা ৱাফমশিং খঙলকপদগী মীওই অমনা করম্না বাইবল থাজরকখিবগে হায়বদু খঙবীয়ু।
“ঈশ্বর লৈতে হায়না ঐনা খল্লম্মী” (ইংলিশ) (সন্ত্রিশগাই ৫ শুবা ২০১৭)
