KAMBʼAL 6
Kʼuʼ a Kiʼ a Watak Tiʼijooʼ a Kimen?
1. Kʼuʼ ti kichʼpan pektzil a yan tiʼijooʼ a kimen?
Leʼek ti kʼochi a Jesus Bʼetania natzʼ Jerusalen, u ʼamiingoj leʼek a Lazarojo ak cuatro kʼin kimik. Jesus bʼini u yetʼok ix Martaj etel ix Maria u familia a Lazaro tak tubʼaj mukbʼi a Lazaro. Tuseebʼal yabʼajooʼ a maka. Jedʼeʼek wa a tuklik bʼoon u kiʼil u yool ix Martaj etel ix Maria leʼek ti kaʼ likʼsabʼi a Lazaro ti kuxtal? Xoko Juan 11:21-24, 38-44.
Ak u yeel ix Martaj u kichʼpan pektzil a kimen. U yeel ti bʼelooʼ u kaʼa ti kaʼ likʼsabʼäl a kimen tuwich a yokʼolkabʼ tukaʼyeʼ u men Jehovah. Xoko Juan 11:24.
2. Kʼuʼ a walak u kʼämikooʼ a kimen?
A Dʼioso u yadʼaj tiʼi a Adʼan: «Tanatech y tanatech ti bʼel a kaʼa ti uskʼal.» —GENESIS 3:19.
A kristiyaano bʼetajaʼanooʼ etel u tanatil luʼum. (Genesis 2:7; 3:19) Maʼ yan a espiritu ichil ti bʼäkʼel. Luʼumal bʼäkʼel a yan toʼon, leʼek ti walak ti kimil teʼi jobʼi tulakal. Leʼek ti walak ti kimil, ti tzʼamen walak u kimil, y ti tukul walak u jobʼol. Maʼax kʼuʼ u yadʼaj a Lazaro tupektzil a kimil ti kaʼ likʼi, u men maʼax kʼuʼ u yeelooʼ a kimen. Xoko Salmo 146:4; Eclesiastes 9:5, 6, 10.
Walak wa u yajkuntik a kristiyaano ich kʼaakʼ a Dʼios tupach ti walakooʼ u kimil? A Bʼibʼle u yeʼa ti leʼek a kimen maʼax kʼuʼ u yeelooʼ, ti bʼoobʼeʼ maʼ jaj ti walak u chuwik a mak a Dʼios ich kʼaakʼ. Leʼek a tukul abʼeʼe ichʼibʼ a Dʼios tiʼi. Xoko Jeremias 7:31.
Cha’ante a vid’eo’ K’u’ a Walak u K’ämikoo’ a Kimen?
3. Jedʼeʼek wa u tzikbʼal a kimen toʼon?
A kimen maʼ jedʼeʼek u tʼan maʼax u yubʼaj. (Salmo 115:17) Pero yan a ʼaanjel a kʼasooʼ, y walakooʼ u tzikbʼal etel kristiyaano y u bʼetik u bʼajil jabʼix a mak a kimen. (Judas 6) Jehovah maʼ u kʼati kaʼ ti chiitooʼ a kimen. Xoko Deuteronomio 18:10, 11.
4. Mak a kaʼ watakooʼ ti kuxtal?
Ti milliones a kristiyaano a kimenooʼ kaʼ watakooʼ ti kuxtal yokʼolkabʼ. Kaʼax leʼek a maʼ u yeelooʼ a Dʼioso y etelooʼ u bʼetaj a kʼasa, bʼelooʼ u kaʼa ti likʼsabʼäl. Xoko Lucas 23:43; Hechos 24:15.
Leʼek a likʼsabʼäl u kaʼa bʼelooʼ u kaʼ u kambʼalte a jaj tupektzil a Dʼioso, y kaʼ u tzʼaaʼ ti meyaj u tzʼoksaj tanil u tzʼoksik a Jesus. ( Apocalipsis 20:11-13) Leʼek a kaʼ watakooʼ ti kuxtal y kaʼ u bʼetooʼ a kiʼi bʼelooʼ u kaʼa u yilaʼ u kiʼil a kuxtal ti bʼebʼeel yokʼolkabʼ. Xoko Juan 5:28, 29.
5. Etel a likʼsabʼäl kʼuʼ a tan u yadʼik toʼon tupektzil a Jehovah?
Chen u men u täkaaʼta u Mejen kaʼ kimik tiʼi ti wokʼlal yan tun toʼon kaʼ ti ilaʼ a kuxtal u men. Leʼek a likʼsabʼäl, tan u yeʼik toʼon u yakunaj y u chʼaʼ otzilil a Jehovah. Leʼek ti kaʼ likʼikooʼ a kimen ti kuxtal, Mak a kʼati a ilaʼ? Xoko Juan 3:16; Romanos 6:23.
