Bũmb nins fãa b sẽn da reng n togs Mesi wã zugã wilgdame t’a Zeezi n yaa Mesi wã bɩ?
Biiblã sẽn yete
N-ye. A Zeezi sẽn wa n be tẽngã zugã, a pidsa bũmb wʋsg b sẽn da reng n togs Mesi wã sẽn yaa “Wẽnnaam nin-tũusdgã” wɛɛngẽ, soab ning sẽn da na n wa lebg “dũni fãagdã.” (Dãniyɛll 9:25; 1 Zã 4:14) Baa a Zeezi kũumã poore, a kell n pidsa bũmb b sẽn da reng n togs Mesi wã wɛɛngẽ.—Yɩɩn-sõamyã 110:1; Tʋʋma 2:34-36.
“Mesi” rat n yeelame tɩ bõe?
Ebre wã gom-bil ning sẽn yaa Mashiach (Mesi) wã, ne gɛrkã gom-bil ning sẽn yaa Khristos (Kiristã) rat n yeelame tɩ “b sẽn zae a soaba” bɩ “b sẽn yãk a soaba.” Dẽnd “Zeezi Kirist” rat n yeelame tɩ “Zeezi, b sẽn zae a soabã,” bɩ “Zeezi sẽn yaa Mesi wã.”
Pĩnd wẽndẽ wã, b ra tõe n yãka ned n kõ-a zu-sobendo. Wakat kãnga b pʋdgda a zugã kaam n wilg tɩ yaa yẽ la b yãk-yã. (Maan-kʋʋre 8:12; 1 Sãmwɛll 16:13) Wẽnnaam yãka a Zeezi t’a na n yɩ Mesi wã. Wilgdame t’a tara zu-sobend sẽn yaa kãsenga. (Tʋʋma 2:36) La Wẽnnaam pa pʋdg a Zeezi zugã kaam ye. A zae-a-la ne vʋʋsem sõngo.—Matye 3:16.
Neb wʋsg ra tõe n pidsa bũmb nins b sẽn deng n togs Mesi wã zugã bɩ?
Ayo. Fo sã n yãnd nug-tikr sebr zugu, yaa vẽeneg tɩ pa neb a yiib n tik b nug ye. Yaa nin-yend bala. Woto me, Biiblã bãngr-goamã pidsda Mesi bɩ Kirist a ye bal zugu. La Biiblã yetame tɩ “belgr kiris-rãmb la belgr no-rɛɛsdb n na n puki. B na n maana bõn-kãsemse, la bõn-yɛɛsdse, hal tɩ b sã n tõe menga, b na n tudga nin-tũusdsã mense.”—Matye 24:24.
Mesi wã nan na n waame bɩ?
Ayo. Biiblã da reng n wilgame tɩ Mesi wã na n yɩɩ Israyɛll rĩm a Davɩɩd yagenga. (Yɩɩn-sõamyã 89:3, 4) La zʋɩf-rãmbã sebr ning sẽn gomd a Davɩɩd yaab-rãmbã roogã yellã menemame. Tõe tɩ yaa Rom sodaasã sẽn wa n sãam Zerizalɛm yʋʋmd 70 wã la b sãam seb-kãense. a Bala sẽn sɩng ne wakat kãnga, ned ra pa le tar bũmb a sẽn tõe n tik n wilg t’a yaa a Davɩɩd yageng ye. La Zeezi wakatẽ wã, sɛb nins b sẽn gʋls n gom a Davɩɩd roogã yellã ra beeme. Baa bɛɛbã makame, la b pa tõog n wilg t’a Zeezi pa a Davɩɩd yageng ye.—Matye 22:41-46.
Bãngr-goam a wãn n be Biiblã pʋgẽ n gomd Mesi wã yelle?
D pa tõe n bãng b sõorã takɩ ye. Nebã sẽn sõt bãngr-goamã to-to wã pa yembr ye. Bee ne vɛrse-rãmbã. Wala makre, Ezayi 53:2-7 wã goma bũmb wʋsg Mesi wã wɛɛngẽ. Kẽer yetame tɩ gom-kãensã fãa sẽn naag taab yaa bãngr-gomd a yembre, tɩ sãnda yetẽ tɩ vɛrse fãa yaa bãngr-gomde.
Bãngr-goam kẽer a Zeezi sẽn pidsi
Bãngr-gomdã |
Sẽn be vɛrse ning pʋgẽ |
A pidsgã |
|---|---|---|
A Abrahaam yagenga |
||
A Abrahaam biig a Izaak yagenga |
||
A na n doga Zida sẽn yaa Israyɛll buudã pʋgẽ |
||
A na n yii rĩm a Davɩɩd pendẽ wã |
||
Pa-kuil n na n dog-a |
||
A na n doga Betlehɛm |
||
B na n pʋda a yʋʋr t’a Emanuwɛlle b |
||
A pa na n dog n yaa nin-kãseng ye |
||
B na n kʋʋ kom-bõoneg a rogmã poore |
||
B na n bool-a lame t’a yi Ezɩpti |
||
B na n bool-a lame tɩ Nazarɛt neda c |
||
Koe-toagsd n na n lʋɩ a taoore |
||
B na n yãk-a-la yʋʋmd 29 wã t’a yɩ Mesi d |
||
Wẽnnaam na n yeelame t’a yaa yẽ Biiga |
||
A na n talla yẽesem Wẽnnaam doogã yĩnga |
||
A na n moona koe-noogã |
||
A na n moona koɛɛgã Galile tɩ vẽenem kãseng yãge |
||
A na n maana yel-soalem wa a Moyiizi |
||
A na n taasa nebã Wẽnnaam koees wa a Moyiizi |
||
A na n sãooga neb wʋsg bãase |
||
A pa na n bao neb a taabã pẽgr ye |
||
A na n zoe sẽn namsd-bã nimbãanega |
||
A na n goma Wẽnnaam tɩrlmã yelle |
||
A na n yɩɩ sagend sẽn ka to |
||
A na n wilga nebã a Zeova yʋʋrã |
||
A na n wẽeda yel-bũna |
||
A na n yɩɩ taoor lʋɩta |
||
Neb wʋsg pa na n tẽ-a ye |
||
A na n yɩɩ kug-lakdga |
||
Nebã na n kisg-a lame |
||
B na n kisg-a-la zaalem |
||
A na n zomba bõn-bil n kẽ Zerizalɛm |
||
Kambã na n kils-a lame |
||
A na n waa ne a Zeova yʋʋre |
||
A zoa n na n zãmb-a |
||
B na n zãmb-a-la ligd-koeems bãmb 30 poore e |
||
A zo-rãmbã na n zoe n bas-a lame |
||
Kaset rãmb n na n yag-a ziri |
||
A pa na n leok a kɩɩsdbã ye |
||
B na n tʋbsa kolkood n waal-a |
||
B na n wẽe a zugã |
||
B na n pãb-a-la ne kalwaase |
||
A pa na n lebs neb nins sẽn na n pãb-a wã ye |
||
Nanambsã na n sũu taab n kʋ-a |
||
B na n kaa a nusã ne a karsã ra-luk zugu |
||
Neb n na n maan poeer n pʋɩ a futã |
||
B na n naag-a-la ne yel-wẽn-maandbã |
||
B na n paoog-a lame, la b yaal-a |
||
A na n namsa yel-wẽn-maandbã yĩnga |
||
Na n wõnda wa Wẽnnaam bas-a lame |
||
B na n kõ-a-la miisim ne tɩɩm sẽn yaa toog n dat t’a yũ |
||
Ko-yũud n na n yõk-a nand t’a ki |
||
A na n basa a sɩɩgã Wẽnnaam nugẽ |
||
A na n saka kũum |
||
A na n kõo a vɩɩmã tɩ yɩ maoong yel-wẽnã yĩnga |
||
B pa na n kao a kõabã ye |
||
B na n kõs-a lame |
||
B na n mum-a-la ne rakã-rãmba |
||
Wẽnnaam na n vʋʋg-a lame |
||
B na n ledga ned ning sẽn zãmb-a wã |
||
A na n tɩ zĩnda Wẽnnaam rɩtgo |
a A McClintock ne a Strong sebr a yembr pʋgẽ, b yeelame: “Sãmbg kae tɩ zʋɩf-rãmbã sebr ning sẽn gomd a Davɩɩd roogã yellã menema Zerizalɛm sãoongã sasa, la pa sẽn deng sãoongã ye.”
b Ebre wã yʋʋr ning sẽn yaa Emanuwɛllã rat n yeelame tɩ “Wẽnd-be-ne-do.” Wilgda a Zeezi sẽn yaa Mesi wã tʋʋm sẽn na n yɩ a soaba. A sẽn wa tẽngã zugã, ne a tʋʋmã wilgdame tɩ Wẽnnaam bee ne a nebã.—Luk 2:27-32; 7:12-16.
c Wõnda “Nazarɛt nedã” yaa Ebre gomd sẽn yaa netser. Rat n yeelame tɩ “tɩ-tobengo.”
d Y sã n dat vẽnegr n paase, bɩ ges “A Daniɛll bãngr-goamã sẽn deng n togs Mesi wã waoong to-to.”
e Bãngr-gom-kãngã bee Zakari sebrã pʋgẽ. La Biibl-gʋlsd a Matye yeelame tɩ yaa “no-rɛɛs a Zeremi” goama. (Matye 27:9) Biiblã sɛb nins b sẽn boond tɩ “no-rɛɛsdbã” pʋgẽ, wõnda yaa a Zeremi sebrã n yaa pipi. (Luk 24:44) Tõe t’a Matye pʋda a Zeremi yʋʋrã n na n gom seb-kãens fãa yelle, bala a Zakari sebrã me naagame.
Découvrez aussi…
GŨUSG GASGÃ
A Zezi: Bõe yĩng t’a ki?
BIIBLÃ SẼN YETE
Kos-y Biibl zãmsgo
Y tõe n paamame t’a Zeova Kaset soab wa zãms yãmb Biiblã, yãmb y ye bala.