Yɩɩn-sõamyã sebre 109:1-31
Yɩɩlã taoor soab yĩnga. A Davɩɩd yɩɩlle.
109 Mam Wẽnnaam m sẽn pẽgde,+ ra kell-y n sĩnd-y ye.
2 Bala nin-wẽnsã ne zirẽ-be-nebã yaaga b noy n zabd ne maam.
B gomda mam yell n yagd ziri.+
3 B gũbga maam ne kisgr goama.B zabda ne maam zaalem bala.+
4 B kɩɩsda maam m nonglmã yĩnga.+La mam ket n pʋʋsdame.
5 B lebsa maam wẽng neer yĩnga,+la b kisg maam m nonglmã yĩnga.+
6 Yãk-y nin-wẽng t’a soog m bɛ wã.*Bɩ kɩɩsd* yaas a nug-rɩtgo.
7 B sã n wa kaood a bʋʋdo, bɩ b yeel t’a tara taale.*Bɩ b ges a pʋʋsgã meng wa yel-wẽnde.+
8 Bɩ a rayã sõor yɩ bilfu.+Bɩ ned a to reeg a tʋʋmdã n yɩ yel-gɛta.+
9 Bɩ a kambã* lebg kɩɩbse,*t’a pagã lebg pʋg-kõore.
10 Bɩ a kambã* lebg bõos-rãmb sẽn yeebde.Bɩ b zãag ne b zagsã sẽn lebg raboodã n tɩ bao rɩɩbo.
11 Bɩ a sam-soabã rees a sẽn tarã fãa.Bɩ sãamb zɛ a paoongã.
12 Bɩ ned baa a ye ra maan-a neer ye.Bɩ ned baa a ye ra zoe a kambã sẽn yaa kɩɩbsã* nimbãaneg ye.
13 Bɩ b menes a yagensã.+Bɩ b yẽes b yʋyã zãmaan-yɛng pʋgẽ.
14 Bɩ a Zeova tẽeg a yaab-rãmbã kongrã yelle.+Bɩ b ra yẽes a ma wã yel-wẽndã ye.
15 Bɩ a Zeova gũusd n get b sẽn maandã wakat fãa.Bɩ a yĩm b yʋyã yell tẽngã zugu.+
16 Bala a pa tẽeg n maan neer ye.+A ra rigda b sẽn weoogd a soabã+ sẽn yaa naong soab la ned ning sũur sẽn sãamã,n na n kʋ.+
17 A ra nonga neb kãabgo. Rẽ n kɩt tɩ kãab-wẽng wa a zugu.A ra pa rat n ning ned bark ye. Yaa rẽ yĩng la a sẽn pa paam bark baa bilfã.
18 A ra yera kãab-wẽns wa a fuugu.
Kãab-wẽnsã ra kẽe a yĩngã wa koom,la a kõabã wa kaam.
19 Bɩ a kãab-wẽnsã yɩ wa fuug ning a sẽn yerã,+la wa sẽbdg a sẽn sẽbd wakat fãa.
20 Woto n yaa yaood ning a Zeova sẽn yaood ned ning sẽn kɩɩsd maamã,*+la neb nins sẽn gomd maam wẽngã.
21 La yãmb a Zeova sẽn yaa Zu-soab sẽn ka to,sõng-y maam y yʋʋrã yĩnga.+
Fãag-y maam, bala yãmb maan-neerã yaa sõma.+
22 Bala mam pa tar sõangda, n le yaa naong soab+ me.B kõsa mam sũurã sẽn be m yãoogẽ wã.+
23 Mam loogda wa zaabr maasem.Mam yaa wa sʋʋr b sẽn fugs fuug zugu.
24 No-loeerã kɩtame tɩ mam rũmã pãng sa.Mam yaa bãanega, la m wagendẽ.*
25 Lebga maam la b tar n tʋʋda.+
B sã n yã maam, b girda b zutu.+
26 Mam Wẽnnaam a Zeova, sõng-y maam,fãag-y maam y maan-neerã yĩnga.
27 Bɩ b bãng tɩ rẽ tũu ne yãmb nugu.Zeova, bɩ b bãng tɩ yaa yãmb n maan dẽ.
28 Bɩ b kãab wẽnga, la bɩ yãmb ning barka.
B sã n wa yik n na n zab ne maam, bɩ b paam yãnde.La bɩ yãmb tʋm-tʋmdã kɩdem sũ-noogo.
29 Bɩ neb nins sẽn kɩɩsd maamã yeelg paoogr wa fuugu.Bɩ b yeelg yãnd wa kasaabo.*+
30 Mam noorã na n pẽga a Zeova wʋsgo.Mam na n pẽg-a-la neb kʋʋng taoore.+
31 Bala a na n yaasa naong soabã nug-rɩtgo,n fãag-a neb nins sẽn ningd-a* taalã nusẽ.
Vẽnegr toor-toore
^ Ebre, “soog-a.”
^ Bɩ, “rõat.”
^ Bɩ, “yaa nin-wẽnga.”
^ Ebre, “kom-dibli wã.”
^ Ebre, “kamb sẽn pa tar ba.”
^ Ebre, “kom-dibli wã.”
^ Ebre, “kambã sẽn pa tar ba wã.”
^ Bɩ, “mam sɩɩgã.”
^ Ebre, “Mam yĩn-nemsã faagame n pa le tar kaam ye.”
^ Bɩ, “kobr sẽn yaa bãg-vɩɩdo.”
^ Bɩ, “ningd a sɩɩgã.”
