Yɩɩn-sõamyã sebre 130:1-8
Rʋʋbã yɩɩlle.
130 Zeova, mam bee zĩ-zulumsẽ wã n boond yãmba.+
2 Zeova, kelg-y mam koɛɛgã.
Bɩ y tʋbã kelg mam sẽn kot sõngrã sõma.
3 Zah,* yãmb sã n da getẽ-la* kongre,ãnda n da na n tõog n põs sɩbgre, Zeova?+
4 Bala sugr hakɩɩkã bee yãmb nengẽ,+sẽn na yɩl tɩ b zoe yãmba.+
5 Mam teega a Zeova. Mam mengã tõr* teega yẽ.Mam gũuda a gomdã pidsgu.
6 Mam gũuda a Zeova ne m sũur fãa,+n yɩɩd gũudb sẽn gũud beoogã vẽegr to-to wã.+N-ye, yɩɩda gũudb sẽn gũud beoogã vẽegr to-to wã.
7 Bɩ Israyɛll nebã kell n gũ a Zeova,bala a Zeova maanda sɩd a nonglmã pʋgẽ,+la a tar pãn-kãseng n na n fãage.
8 A na n kõo Israyɛll nebã sugr b kongrã fãa yĩnga.
