Yɩɩn-sõamyã sebre 20:1-9
-
Rĩm ning Wẽnnaam sẽn yãkã fãagre
-
Kẽer teega saar-dãmb la wed-moose, ‘la tõnd yẽ boonda a Zeova yʋʋrã’ (7)
-
Yɩɩlã taoor soab yĩnga. A Davɩɩd yɩɩlle.
20 Bɩ a Zeova leok foo yel-pakr wakate.
Bɩ a Zakoob Wẽnnaamã yʋʋr kogl foo.+
2 Bɩ a pa zĩ-sõngẽ wã n tool-f sõngre.+Bɩ a pa Siyõ+ n teel-fo.
3 Bɩ a tẽeg f kũun toor-toorã fãa yelle.Bɩ f maoong sẽn yõogd bugmã ta a yam t’a reege. (Sela)
4 Bɩ a kõ foom bũmb nins f sũurã sẽn datã.+Bɩ a kɩt tɩ f magbã fãa yãk nenga.
5 Tõnd na n kɩdma sũ-noogo, fo sẽn fãag tõndã yĩnga.+Tõnd na n zẽka d tãb-kaoã d Wẽnnaamã yʋʋr yĩnga.+
Bɩ a Zeova reeg f kosgã fãa.
6 Masã, mam bãnga vẽeneg t’a Zeova fãagda a sẽn yãk* a soabã.+
A paada a saasã sẽn yaa sõngẽ wã n leok a pʋʋsgo,n fãag-a ne a nug-rɩtgã sẽn tar pãngã.+
7 Neb kẽer teega saar-dãmba,* tɩ sãnda teeg wed-moose,+la tõnd yẽ boonda d Wẽnnaam a Zeova yʋʋre.+
8 B pãs n lʋɩɩme,la tõnd yẽ yikame n le paam pãnga.+
9 Zeova, fãag-y rĩmã!+
Wẽnnaam* na n leoka tõnd daar ning d sẽn na n bool n kos sõngrã.+
Vẽnegr toor-toore
^ Ebre, “zae.” Ges-y gom-biis võor bilgrã zĩigẽ.
^ Yaa bũmb sẽn wõnd sarɛt tɩ wed-moos tatẽ.
^ Pa rẽ bɩ, “Rĩmã.”
