Yɩɩn-sõamyã sebre 36:1-12
Yɩɩlã taoor soab yĩnga. A Zeova tʋm-tʋmd a Davɩɩd yɩɩlle.
36 Kɩɩsg gomda ne nin-wẽng a sũurã pʋgẽ.Yẽ pa tol n mi wẽn-zoeer ye.+
2 Bala a belgda a meng wʋsgn pa tõe n yã a kongrã, la a kisg-a ye.+
3 A noorã goam yaa wẽng la belgre.A pa tar yam n na n maan sẽn yaa sõma ye.
4 Baa a gãagã zugu, a magda mag-wẽnse.
A rɩka sor sẽn pa sõma.A pa zãgsd sẽn yaa wẽng maaneg ye.
5 Zeova, yãmb maan-neerã tata saasẽ.+Yãmb kɩs-sɩdã zẽk n taa sawatã.
6 Yãmb tɩrlmã yaa wa tãn-bɛda.*+Yãmb bʋ-kaoor toor-toorã yaa wa ko-zulums sẽn yalme.+
Zeova, yãmb n kogend* ninsaalbã la rũmsã.+
7 Mam Wẽnnaam, ad yãmb maan-neerã tara yõod wʋsgo!+
Yaa yãmb pɩgsã maasmẽ la ãdem-biisã wat n soondedẽ.+
8 Bãmb rɩta rɩɩb wʋsg yãmb roogẽ wã n tɩgda.+B yũuda yãmb bõn-sõma wã sẽn zoet wa kʋɩlg koomã.+
9 Yaa yãmb nengẽ la vɩɩmã yita.+Yãmb vẽenemã maasem yĩnga, tõnd tõe n yãa vẽenem.+
10 Ket-y n wilgd-y neb nins sẽn mi yãmbã y maan-neerã,+la y wilg sũ-tɩrs rãmbã yãmb tɩrlmã.+
11 Ra bas-y tɩ wuk-m-meng soab naoor tab maam,wall tɩ nin-wẽns rig maam ye.
12 Yaa be la tʋʋm-wẽns-maandbã lʋɩyã.B lub-b lame, tɩ b pa tõe n yik ye.+
