Yɩɩn-sõamyã sebre 6:1-10
Yɩɩlã taoor soab yĩnga. Segd n yɩɩla ne yʋʋm-teed sẽn tar rissi, b sẽn maneg tɩ zems ne Seminiti.* A Davɩɩd yɩɩlle.
6 Zeova, ra kibl-y maam y sũ-puugrã pʋgẽ ye.Ra rems-y maam y sũ-pu-kãsengã pʋgẽ ye.+
2 Zeova, zoe-y m nimbãanega, bala mam pãngã boogdame.
Zeova, sãoog-y-ma,+ bala mam kõabã rigdame.
3 Sɩd-sɩda, mam* sũurã sãama wʋsgo,+tɩ mam sokd yãmb a Zeova yaa: Na n kaoos n taa dabʋre?+
4 Zeova, lebg-y n wa n fãag-y maam.*+Fãag-y maam y maan-neerã yĩnga.+
5 Bala sẽn ki-bã pa gomd* yãmb yell ye.Yaoogã* pʋgẽ, ãnda n na n pẽg yãmba?+
6 Mam sirã kɩtame tɩ m pãngã sa.+Yʋngã tõre, mam madgda m gãagã ne nintãm.*Mam limda m gãagã ne nintãm.+
7 Mam ninã pãng booga m sũ-sãangã yĩnga.+Neb nins sẽn namsd maamã fãa yĩnga, mam ninã lebga yii.
8 Yãmb a neb nins sẽn maand sẽn yaa wẽngã, zãag-y ne maam,bala a Zeova na n wʋma mam yãbrã.+
9 A Zeova na n wʋma mam sẽn kot t’a zoe m nimbãanegã.+A Zeova na n deega mam pʋʋsgã.
10 A na n ninga mam bɛɛbã fãa yãnde, la a kẽes-b rabeem wʋsgo.B na n tiig n tarame n leb poorẽ ne yãnde.+
Vẽnegr toor-toore
^ Ges-y gom-biis võor bilgrã zĩigẽ.
^ Bɩ, “mam sɩɩgã.”
^ Bɩ, “mam sɩɩgã.”
^ Bɩ, “tẽegd.”
^ Ges-y gom-biis võor bilgrã zĩigẽ.
^ Ebre, “kɩtdame tɩ m gãagã rugda.”
