Yɩɩn-sõamyã sebre 77:1-20
Yɩɩlã taoor soab yĩnga. Yɩɩnda ne Yedutun.* A Azaf yɩɩlle.+
77 Mam na n zẽka m koɛɛg n bool Wẽnnaam.Mam na n kelem n boola Wẽnnaam, t’a wʋm mam koɛɛgã.+
2 Mam yel-pakr daare, mam baooda a Zeova.+
Yʋngo, mam nusã zẽkdame n tees-a n pa sikdẽ ye.*
Ned pa tõe n bels maam* ye.
3 Mam sã n tẽeg Wẽnnaam yelle, mam wẽeda siri.+Mam sũurã sãamdame, tɩ m pãngã boogdẽ.+ (Sela)
4 Yãmb pa basd tɩ mam ninã mum ye.Mam maanda yɩɩr wʋsgo, n pa tõe n gom ye.
5 Mam tagsda hal pĩnd wẽndẽ yelle,+yʋʋm nins sẽn loog hal daar zãrã yelle.
6 Yʋngo, mam tẽegda m yɩɩllã.+Mam bʋgsda m sũurẽ wã.+Mam* feesdame n na n wʋm yɛlã vɩʋʋgo.
7 A Zeova na n daaga tõnd n bas wakat fãa yĩng bɩ?+
A pa na n tol n le zoe tõnd nimbãaneg la?+
8 A maan-neerã saa wakat fãa yĩng bɩ?
A pʋlengã na n lebga zaalem zãmaan woo zãmaan bɩ?
9 Wẽnnaam yĩmame n pa zoe tõnd nimbãaneg bɩ?+A sũ-puugrã kɩtame t’a nimbãan-zoeerã sa bɩ? (Sela)
10 Mam yeta wakat fãa yaa: “Ad bũmb ning sẽn sãamd m sũurã:*+
Sẽn ka-a to wã toeema yam tõnd wɛɛngẽ.”
11 Mam na n tẽega a Zah tʋʋmã yelle.Mam na n tẽega tʋʋm-kãsems nins yãmb sẽn tʋm hal pĩnd wẽndẽ wã yelle.
12 Mam na n bʋgsa yãmb tʋʋmã fãa zugu,la m tags yãmb manesmã yelle.+
13 Mam Wẽnnaam, yãmb soayã yaa sõamyã.
Mam Wẽnnaam, wẽnnaam-bʋg n yaa kãseng wa yãmba?+
14 Yãmb n yaa Wẽnnaam sɩd-sɩdã, sẽn maand bõn-kãsemse.+
Yãmb wilga buud toɛy-toɛyã yãmb pãngã.+
15 Ne yãmb pãngã,* yãmb fãaga y nin-buiidã+sẽn yaa a Zakoob yagens ne a Zozɛf yagensã. (Sela)
16 Mam Wẽnnaam, ko-rãmbã yãa yãmba.Ko-rãmbã yãa yãmba, n dãmbe.+
Ko-zulumsã gudgame.
17 Sawatã kiiga koom wʋsgo.
Sa-gãongã sẽn pid ne sawatã tãsame,tɩ yãmb pɛɛmã ra pɩʋʋmd ka la ka.+
18 Yãmb sa-tãsã rãamd+ ra yaa wa saar* nao rãamde.Sa-yãgbã kõo dũniyã nebã vẽenem.+Tẽngã miimame la a rigimdi.+
19 Yãmb sorã pasga mogrã.+Yãmb so-bukã pasga ko-rãmb wʋsgo.La nebã pa tõog n yã yãmb na-bogdã ye.
20 Yãmb wilga y nin-buiidã sor wa rũm-bõonego.+Yãmb ning-b-la a Moyiiz ne a Aarõ nusẽ.+
Vẽnegr toor-toore
^ Ges-y gom-biis võor bilgrã zĩigẽ.
^ Ebre, “n pa kiidẽ ye.”
^ Bɩ, “mam sɩɩgã.”
^ Ebre, “Mam vʋʋsmã.”
^ Bɩ, “sẽn kõsd maamã.”
^ Ebre, “kangã.”
^ Yaa bũmb sẽn wõnd sarɛt tɩ wed-moos tatẽ.
