Yɩɩn-sõamyã sebre 95:1-11
95 Wa-y tɩ d kils a Zeova ne sũ-noogo!
Bɩ d kils tõnd Fãagr pĩig kugrã,+ a tõogrã yĩnga.
2 Bɩ d kẽng a taoor* ne bark pʋʋsgo.+Bɩ d yɩɩle, la d kils-a a tõogrã yĩnga.
3 Bala a Zeova yaa Wẽnnaam sẽn yaa kãsenga,Rĩm-kãseng sẽn yɩɩd wẽnnaam-dãmb a taabã fãa.+
4 Tẽngã zĩ-zulums bee a nugẽ.Yẽ n so tãensã zĩ-zãntse.+
5 Mogrã a sẽn maanã yaa yẽ n so.+Yaa yẽ nusã n maan tẽn-koɛɛngã.+
6 Wa-y tɩ d waoog Wẽnnaam la d wõgemd a taoore.Bɩ d yĩgimd a Zeova sẽn yaa tõnd Naandã* taoore.+
7 Bala a yaa tõnd Wẽnnaam,tɩ tõnd yaa yẽ nin-buiidu.A geta tõnd yell* wa piis+ sẽn be a rũms wãbneg zĩigẽ.
Rũndã, yãmb sã n wʋm mam koɛɛgã,+
8 bɩ y ra riglim y sũyã wa y yaab-rãmbã sẽn diglim b sũyã Meriba* wã,+wa b sẽn maan to-to we-raoogẽ wã, b sẽn wa n be Masa* wã,+
9 wakat ning b sẽn mak maamã ye.+Baa b sẽn yã mam tʋʋmã, b baas n maka maam.+
10 Yʋʋm pis-naas pʋgẽ, mam yamã yii zãmaan-kãng nebã, tɩ m yeele:
“B yaa neb sũy sẽn lakd n basd maam wakat fãa.B pa bãng mam soayã ye.”
11 Woto wã, mam wẽena m sũ-puugrã pʋgẽ n yeel yaa:
“B pa na n kẽ mam vʋʋsgã pʋgẽ ye.”+
Vẽnegr toor-toore
^ Ebre, “a nengã taoore.”
^ Ebre, “Maandã.”
^ Ebre, “Tõnd bee yẽ nugẽ.”
^ Rat n yeel tɩ “Zabre.”
^ Rat n yeel tɩ “Makre.”
