स्तोत्रं ७२:१-२०
शलमोनबद्दल.
७२ हे देवा, राजाला तुझे न्याय-निर्णय कळव;त्याला* तुझ्या नीतीबद्दल शिकव.+
२ तो तुझ्या लोकांचं नीतीने समर्थन करोआणि तुझ्या गोरगरिबांचा योग्य न्याय करो.+
३ पर्वत लोकांना शांती देवोतआणि टेकड्या नीती आणोत.
४ त्याने लोकांमधल्या दीनदुबळ्यांचं समर्थन करावं.*
गोरगरिबांच्या मुलाबाळांना वाचवावं,आणि फसवणूक करणाऱ्‍याला चिरडून टाकावं.+
५ हे देवा, जोपर्यंत सूर्य आहे,आणि जोपर्यंत चंद्र राहील,तोपर्यंत तुझे लोक पिढ्या न्‌ पिढ्या तुझं भय मानतील.+
६ तो कापलेल्या गवतावर पडणाऱ्‍या पावसाप्रमाणेआणि पृथ्वीवर बरसणाऱ्‍या सरींप्रमाणे असेल.+
७ त्याच्या शासनकाळात नीतिमानांची भरभराट होईल,*+आणि चंद्र नाहीसा होईपर्यंत विपुल शांती असेल.+
८ एका समुद्रापासून दुसऱ्‍या समुद्रापर्यंतआणि नदीपासून* पृथ्वीच्या कानाकोपऱ्‍यांपर्यंत त्याची प्रजा असेल.*+
९ वाळवंटात राहणारे राजाला नमन करतील,आणि तो आपल्या शत्रूंना धूळ चारेल.+
१० तार्शीशचे आणि बेटांचे राजे नजराणे आणतील.+
शबाचे आणि सबाचे राजे भेटी घेऊन येतील.+
११ सर्व राजे त्याला नमन करतील,आणि सगळी राष्ट्रं त्याची सेवा करतील.
१२ कारण साहाय्यासाठी हाक मारणाऱ्‍या गरिबांची;दीनदुबळ्या आणि असाहाय्य लोकांची तो सुटका करेल.
१३ दीनदुबळ्यांवर आणि गरिबांवर तो दया करेल;गोरगरिबांचे जीव तो वाचवेल.
१४ तो त्यांची अत्याचारापासून आणि हिंसेपासून सुटका करेल.
त्यांचं रक्‍त त्याच्या नजरेत मौल्यवान असेल.
१५ त्याला मोठं आयुष्य लाभो आणि त्याला शबाचं सोनं दिलं जावो.+
लोक सतत त्याच्यासाठी प्रार्थना करोत,आणि त्याला दिवसभर आशीर्वाद देवोत.
१६ पृथ्वी भरपूर उपज देईल;+पर्वतांच्या शिखरांवरही पुष्कळ धान्य उगवेल.
लबानोनच्या पिकासारखं राजाचं पीक असेल,+आणि शहरांमध्ये लोक जमिनीवरच्या गवतासारखे वाढतील.+
१७ त्याचं नाव सर्वकाळ राहो,+सूर्य असेपर्यंत त्याची भरभराट होवो.
लोक त्याच्या नावाने एकमेकांना आशीर्वाद देवोत;+सर्व राष्ट्रं त्याला धन्य म्हणोत!
१८ इस्राएलचा देव यहोवा याची स्तुती असो!+
तोच अद्‌भुत कार्यं करतो.+
१९ त्याच्या गौरवशाली नावाची सर्वकाळ स्तुती होवो!+
त्याच्या तेजाने संपूर्ण पृथ्वी भरून जावो!+
आमेन, आमेन.
२० इशायचा मुलगा दावीद+ याच्या प्रार्थना इथे संपतात.
तळटीपा
^ शब्दशः “राजाच्या मुलाला.”
^ शब्दशः “न्याय करावा.”
^ शब्दशः “कोंब फुटतील.”
^ किंवा “तो राज्य करेल.”
^ म्हणजे, फरात नदी.
