स्मारकविधीची मोहीम

येशू गरीबीचा अंत करेल

प्ले

येशूचं लोकांवर किती प्रेम आहे, खासकरून गरीब आणि दुःखी लोकांवर, हे त्याने पृथ्वीवर असताना दाखवलं. (मत्तय ९:३६) इतकंच काय, तर त्याने लोकांसाठी स्वतःच्या जिवाचं बलिदान दिलं. (मत्तय २०:२८; योहान १५:१३) लवकरच देवाच्या राज्याचा राजा म्हणून, तो आपल्या अधिकाराचा वापर करून संपूर्ण पृथ्वीवरून गरीबीचा अंत करेल. अशा प्रकारे तो पुन्हा एकदा दाखवून देईल, की त्याचं माणसांवर किती प्रेम आहे.

येशू गरीबांसाठी नेमकं काय करणार आहे, याचं बायबलमध्ये फार सुंदर शब्दांमध्ये वर्णन करण्यात आलंय:

“त्याने लोकांमधल्या दीनदुबळ्यांचं समर्थन करावं. गोरगरिबांच्या मुलाबाळांना वाचवावं.”—स्तोत्र ७२:४.

येशूने आपल्यासाठी जे काही केलंय आणि पुढे जे काही करणार आहे, त्याबद्दल आपण कदर कशी दाखवू शकतो? लूक २२:१९ मध्ये येशूने त्याच्या शिष्यांना त्याच्या मृत्यूची आठवण करायला सांगितलं. त्यामुळे दरवर्षी यहोवाचे साक्षीदार त्याच्या मृत्यूच्या स्मारकविधीसाठी एकत्र जमतात. या वर्षी रविवार, २४ मार्च २०२४ ला आम्ही तुम्हाला आमच्यासोबत येशूच्या स्मारकविधीसाठी हजर राहायचं आमंत्रण देतो.

स्मारकविधीचं ठिकाण शोधा

स्मारकविधीच्या आधीच्या आठवड्यात बायबल आधारित एक खास भाषण होणार आहे. त्यासाठीसुद्धा आम्ही तुम्हाला आमंत्रण देतो. त्याचा विषय आहे: “देव मृत्यू नाहीसा करेल आणि आपल्या प्रियजनांना पुन्हा उठवेल!” पुनरुत्थानाचा तुमच्यासाठी आणि तुमच्या प्रिय जनांसाठी काय अर्थ होतो याबद्दल हे भाषण असेल.

खास भाषणाचं ठिकाण शोधा