Proverbji 22:1-29
22 Li jkollok reputazzjoni tajba* hu aħjar milli jkollok ħafna ġid;Li tkun irrispettat* hu aħjar milli jkollok il-fidda u d-deheb.”
2 Is-sinjur u l-fqir għandhom din il-ħaġa komuni bejniethom:*
It-tnejn Ġeħova għamilhom.
3 L-għaqli jaħrab xħin jara l-periklu,Imma dak taʼ bla esperjenza jibqaʼ sejjer u jbati l-konsegwenzi.
4 Min hu umli u jirrispetta ħafna lil* ĠeħovaSe jiġi mbierek,* onorat, u jirċievi l-ħajja.
5 Fit-triq taʼ bniedem diżonest hemm ix-xewk u n-nases,Imma kull min japprezza ħajtu* jżomm ’il bogħod minnhom.
6 Għallem tifel* minn liema triq għandu jgħaddi,U lanqas meta jixjieħ ma jitlaq minnha.
7 Is-sinjur imexxi fuq il-fqir,U dak li jissellef huwa lsir taʼ dak li jsellfu.
8 Kull min jiżraʼ l-inġustizzja se jaħsad diżastru,U l-awtorità ħarxa tiegħu* se tispiċċa.
9 Xi ħadd ġeneruż se jiġi mbierek,Għax hu jaqsam l-ikel tiegħu mal-foqra.
10 Keċċi lil min iwaqqaʼ l-affarijiet għaċ-ċajt,U l-ġlied jieqaf;Ma jibqax ikun hemm argumenti* u tgħajjir.
11 Min m’għandux ħażen f’qalbu u jitkellem bil-ħlewwa,Ir-re se jkun il-ħabib tiegħu.
12 Ġeħova jipproteġi l-għarfien,Imma jwaqqaʼ l-kliem tat-traditur.
13 L-għażżien jgħid: “Hemm iljun barra!
Dan se joqtolni f’nofs il-pjazza!”
14 Il-kliem taʼ mara midinba* hu bħal ħofra fonda.
Min hu kkundannat minn Ġeħova se jaqaʼ fiha.
15 It-tfal* ikunu jixtiequ jaġixxu bi bluha,Imma li jiġu ddixxiplinati b’mod sod* jgħinhom biex ma jagħmlux hekk.
16 Min jieħu vantaġġ mill-fqir biex isir iktar sinjurU min jagħti rigali lis-sinjuriSe jispiċċa fqir.
17 Agħti kas* il-kliem tal-għorrief u ismaʼ minnu,Ħalli tkun tistaʼ żżomm f’qalbek dak li ngħallmek,
18 Għax int se tkun ferħan jekk dejjem tiftakar dawn l-affarijiet,U mbagħad dejjem tkun lest titkellem dwarhom.
19 Illum jien qed nagħtik l-għarfien,Ħalli jkollok il-fiduċja f’Ġeħova.
20 Jien diġà ktibtlekBiex nagħtik il-pariri u l-għarfien,
21 U biex ngħallmek kliem veru u taʼ min joqgħod fuqu,Ħalli tkun tistaʼ tagħti informazzjoni eżatta lil min jistaqsik.
22 Tisraqx lill-fqir għax hu fqir,U taħqarx lill-batut f’bieb il-belt,
23 Għax Ġeħova stess se jiddefendihom fil-kawża tagħhom,U hu se jeqred lil dawk li jisirquhom.
24 Tagħmilhiex maʼ min jitilgħulu malajrU toqgħodx maʼ min jirrabja malajr,
25 Ħalli ma ssirx bħalu u taqaʼ* f’nassa.
26 Issirx bħal* dawk li jieħdu b’idejn xi ħadd biex jagħmlu ftehim,Li jagħmlu tajjeb għad-dejn taʼ ħaddieħor.
27 Jekk ma jkollokx biex tħallas,Se jiħdulek is-sodda minn taħtek.
28 Iċċaqlaqx il-marka tal-fruntieraLi għamlu missirijietek żmien twil ilu.
29 Ġieli rajt lil xi ħadd tas-sengħa f’xogħlu?
Hu joqgħod quddiem ir-rejiet,U mhux quddiem in-nies komuni.
Noti taʼ taħt
^ Jew “isem tajjeb.” Letteralment “isem.”
^ Letteralment “L-approvazzjoni.”
^ Letteralment “iltaqgħu flimkien.”
^ Letteralment “jibżaʼ minn.”
^ Letteralment “ikollu l-ġid.”
^ Jew “ruħu.”
^ Jew “tifla; żagħżugħ; żagħżugħa.”
^ Letteralment “il-bastun tar-rabja tiegħu.”
^ Jew “kawżi legali.”
^ Jew “Iż-żgħażagħ.”
^ Letteralment “il-bastun tad-dixxiplina.”
^ Letteralment “Mejjel widintek għal.”
^ Jew “ruħek taqaʼ.”
^ Jew “Tagħmilhiex maʼ.”
