Proverbji 26:1-28
26 Bħalma mhux suppost tagħmel il-borra fis-sajf u x-xita fi żmien il-ħsad,Mhux suppost tonora lil xi ħadd stupidu.
2 Bħalma għasfur ikollu għal xiex jaħrab u ħuttafa għal xiex ittir,Ħadd ma jisħet lil xi ħadd għalxejn b’xejn.
3 Il-frosta hi għaż-żiemel, l-ilġiem għal ħalq il-ħmar,U l-bastun biex jiġu kkastigati n-nies stupidi.
4 Twiġibx lil xi ħadd stupidu skont il-bluha tiegħu,Ħalli ma taqax għal-livell tiegħu.*
5 Jekk twieġeb l-istupidu, urih kemm hu bla sens dak li qed jgħid,Ħalli ma jaħsibx li hu għaref.
6 Min iħalli xi ħaġa f’idejn xi ħadd stupiduJkun qisu qed jagħmel ħsara lil saqajh stess biex isir zopp u jweġġaʼ lilu nnifsu.*
7 Il-proverbju tan-nies stupidiHu bħal saqajn bla saħħa* taʼ xi ħadd li jzappap.
8 Li tonora lil xi ħadd stupiduHu bħal li torbot ġebla maʼ żbandola.
9 Il-proverbju tan-nies stupidiHu bħal pjanta bix-xewk f’id xi ħadd fis-sakra.
10 Min iħaddem lil xi ħadd stupidu jew lil min jinzerta għaddejIkun qisu arċier li jispara fuq kull ħaġa li jara.*
11 L-istupidu jerġaʼ jagħmel l-affarijiet taʼ bluhaBħalma kelb imur lura u jiekol dak li qalaʼ.
12 Ġieli rajt lil xi ħadd li jaħseb li hu għaref?
Hemm iktar tama għal xi ħadd stupidu milli għalih.
13 L-għażżien jgħid: “Hemm iljun fit-triq,Hemm iljun fil-pjazza!”
14 L-għażżien jibqaʼ jdur fuq is-sodda tiegħuBħalma bieb jibqaʼ jdur fuq iċ-ċappetti tiegħu.
15 L-għażżien idaħħal idu fl-iskutella tal-ikel,Imma hu wisq għajjien biex iressaqha maʼ ħalqu.
16 L-għażżien jaħseb li hu iktar għarefMinn sebaʼ min-nies li jwieġbu b’mod għaqli.
17 Xi ħadd li jkun għaddej u jirrabja ħafna minħabba* ġlieda li mhix tiegħuHu bħal xi ħadd li jaqbad widnejn taʼ kelb.
18 Bħal xi ħadd miġnun li jispara vleġeġ tan-nar u lanez qattiela
19 Hu min iqarraq b’sieħbu* u mbagħad jgħidlu: “Kont qed niċċajta!”
20 Fejn m’hemmx injam in-nar jintefa,U fejn m’hemmx min jimmalafama jieqaf il-ġlied.
21 Min iħobb jargumenta jaqlaʼ l-ġlied.
Hu bħal faħam u njam li jqabbdu n-nar.
22 Il-kliem taʼ min jimmalafama hu bħal ikel b’togħma tajba;Dan jinbelaʼ malajr u jinżel fl-istonku.
23 Kliem ħelu minn* qalb ħażinaHu bħal kisja fidda fuq biċċa fuħħar.
24 Min jobgħod lil oħrajn juża kliem biex jaħbi l-mibegħda tiegħu,Imma minn ġewwa jibqaʼ bil-ħsieb li jqarraq.
25 Għalkemm jitkellem bil-ħlewwa, tafdahx,Għax qalbu ħażina għalkollox.*
26 Għalkemm jaħbi l-mibegħda tiegħu bil-qerq,Il-ħażen tiegħu se jinkixef fil-kongregazzjoni.
27 Min iħaffer ħofra se jaqaʼ fiha,U kull min igerbeb ġebla, tiġi lura fuqu.
28 Min jigdeb, jobgħod lil min iweġġaʼ bil-gideb tiegħu,U min ifaħħar lil oħrajn biex jingħoġob, iġib qerda.
Noti taʼ taħt
^ Jew “Ħalli ma ssirx bħalu.”
^ Letteralment “u jixrob il-vjolenza.”
^ Jew “imdendlin.”
^ Jew “li jweġġaʼ lil kulħadd.”
^ Jew forsi “jindaħal fi.”
^ Jew “jagħmel ċajta li tweġġaʼ lil sieħbu.”
^ Letteralment “Xofftejn kollhom ħeġġa flimkien maʼ.”
^ Letteralment “f’qalbu hemm sebaʼ affarijiet li ma jaħmilx.”
