SUĠĠETT PRINĊIPALI | IL-BIBBJA GĦADHA TGĦODD GĦAL ŻMIENNA?
Valuri li dejjem japplikaw għal kulħadd—Ir-rażan
PRINĊIPJU BIBLIKU: “L-istupidu jisfoga r-rabja għalkollox, imma l-għaref iżomm kalm sa l-aħħar.”—Proverbji 29:11.
“Inħossni qisni rxoxtajt mill-mewt!”
IL-BENEFIĊĊJI: Kieku kellek tikteb il-benefiċċji kollha tar-rażan, kien ikollok bżonn riżmi taʼ karti! Din il-kwalità tipproteġilna s-saħħa fiżika. “Qalb kalma hija l-ħajja [jew, is-saħħa] tal-ġisem,” tgħid il-Bibbja. Tgħid ukoll li “qalb ferriħija tajba biex tfejjaq.” (Proverbji 14:30; 17:22) Għall-kuntrarju, xi studji juru li nies li għandhom tendenza li jirrabjaw u jkunu ostili jżidu r-riskju tal-mard, speċjalment dak tal-qalb. M’għandniex xi ngħidu, il-benefiċċji tar-rażan jeffettwaw iktar minn saħħa fiżika biss.
Cassius, li issa għandu mat-30 sena jiftakar: “Kont nargumenta u kienet taqbiżli malajr, u spiss qbadt nagħti. Rispett għalija nnifsi ftit li xejn kelli. Imma dan kollu nbidel meta bdejt napplika l-prinċipji Bibliċi. Tgħallimt nikkontrolla t-tempra tiegħi, nikkultiva l-umiltà, u li nkun lest li naħfer. Li kieku m’għamiltx dan, stajt spiċċajt il-ħabs. Tabilħaqq, inħossni qisni rxoxtajt mill-mewt!”
Cassius tgħallem jikkontrolla t-tempra tiegħu u kien lest li jaħfer
Tistaʼ Tara Wkoll
STENBAĦ!
Valuri Morali li Jagħmluk Bniedem Aħjar
Ħarsa komuni hi, ‘Jekk tħoss li xi ħaġa hi tajba, agħmilha. Agħmel dak li tgħidlek qalbek.’ Huwa dan ir-raġunar għaqli? Ara kif il-Bibbja tipprovdi valuri li tista’ tafdahom.
