ရုရှားနဲ့ ခရိုင်းမီးယားကို ဆက်သွယ်တဲ့ အဓိကတံတားတစ်စင်း ဖျက်ဆီးခံရပြီးနောက် လက်တုံ့ပြန်တဲ့အနေနဲ့ ရုရှားက ယူကရိန်းနိုင်ငံတစ်ဝန်းက မြို့တွေကို ဒုံးကျည်နဲ့ ပစ်ခတ်ခဲ့တယ်။ အာမဂေဒုန် မကြာခင်ဖြစ်တော့မယ်လို့ နိုင်ငံ့ခေါင်းဆောင်တွေပြောပြီး သိပ်မကြာခင်မှာပဲ အဲဒီလို ဖြစ်ပျက်ခဲ့တယ်။

•   “အာမဂေဒုန်ဖြစ်ခါနီး အခြေအနေက [အမေရိကန် သမ္မတ ဂျွန် အက်ဖ်] ကနေဒီနဲ့ ကျူးဘားဒုံးကျည်အရေးအခင်း ဖြစ်ပြီးနောက်ပိုင်း ဒါ ဦးဆုံးပဲ။ . . . နျူကလီးယားလက်နက်ကိုသာ သုံးကြရင်တော့ အာမဂေဒုန်ဖြစ်မှာပဲ။”—အမေရိကန် သမ္မတ ဂျိုး ဘိုင်ဒန်၊ အောက်တိုဘာ ၆၊ ၂၀၂၂။

•   “ဒါအာမဂေဒုန်ပဲလို့ ကျွန်တော်ယူမှတ်တယ်။ တစ်ကမ္ဘာလုံး အန္တရာယ်ရှိနေပြီ။”—ယူကရိန်း သမ္မတ ဗိုလော့ဒီမာ ဇယ်လန်စကီး၊ နျူကလီးယားလက်နက် အသုံးပြုခြင်းရဲ့ အကျိုးဆက်နဲ့ပတ်သက်ပြီး ဘီဘီစီသတင်းမှာ ဖြေကြားချက်၊ အောက်တိုဘာ ၈၊ ၂၀၂၂။

 နျူကလီးယားလက်နက်တွေကို အသုံးပြုကြရင် အာမဂေဒုန် ဖြစ်သွားမလား။ ကျမ်းစာအဆိုက ဘာလဲ။

 ဖြစ်လာမှာ မဟုတ်ဘူး။ ကျမ်းစာထဲမှာ “အာမဂေဒုန်” ဆိုတဲ့ စကားလုံးကို ဗျာဒိတ် ၁၆:၁၆ တစ်နေရာတည်းမှာ ဖော်ပြထားတယ်။ နိုင်ငံအချင်းချင်း တိုက်တဲ့စစ်ပွဲ မဟုတ်ဘဲ ဘုရားသခင်နဲ့ “လူနေထိုင်ရာ မြေတစ်ပြင်လုံးမှာရှိတဲ့ ဘုရင်တွေ” တိုက်ခိုက်တဲ့စစ်ပွဲဖြစ်တယ်လို့ ကျမ်းစာ ဖော်ပြတယ်။ (ဗျာဒိတ် ၁၆:၁၄) အာမဂေဒုန်စစ်ပွဲကို သုံးပြီး လူ့အုပ်ချုပ်ရေးတွေကို ဘုရား အဆုံးတိုင်စေပါမယ်။—ဒံယေလ ၂:၄၄။

 အာမဂေဒုန်ကြောင့် ကမ္ဘာကြီးဘာဖြစ်သွားမလဲဆိုတဲ့အကြောင်း ပိုသိချင်ရင် အာမဂေဒုန်စစ်ပွဲဆိုတာ ဘာကိုပြောတာလဲ ဆောင်းပါးကို ဖတ်ပါ။

 ပျက်စီးသွားမှာ မဟုတ်ဘူး။ လူ့အုပ်စိုးရှင်တွေက အနာဂတ်မှာ နျူကလီးယားလက်နက်သုံးမယ်ဆိုရင်တောင် ဘုရားသခင်က ကမ္ဘာကြီးကို အဖျက်ဆီးခံမှာ မဟုတ်ဘူး။ ကျမ်းစာမှာ ဒီလိုဆိုထားတယ်–

•   “ကမ္ဘာမြေကတော့ ထာဝစဉ်တည်တယ်။”—ဒေသနာ ၁:၄။

•   “ဖြောင့်မတ်သူတွေဟာ ကမ္ဘာမြေကို ပိုင်ဆိုင်ပြီး ထာဝစဉ် နေထိုင်ရလိမ့်မယ်။”—ဆာလံ ၃၇:၂၉။

 ဒါပေမဲ့ ကျမ်းစာကြိုဟောချက်တွေနဲ့ လက်ရှိအဖြစ်အပျက်တွေက လူ့သမိုင်းမှာ အချိုးအကွေ့တစ်ခု ဖြစ်တော့မယ်ဆိုတာ ညွှန်ပြနေတယ်။ (မဿဲ ၂၄:၃-၇။ ၂ တိမောသေ ၃:၁-၅) အနာဂတ်မှာ ဘာတွေဖြစ်ပျက်လာမယ်ဆိုတဲ့အကြောင်း ကျမ်းစာအဆိုကို အခမဲ့ ကျမ်းစာလေ့လာမှု ကနေ လေ့လာကြည့်ပါ။