ဘုရားဟာ ဖန်ဆင်းရှင် ဖြစ်လို့ ဘယ်လို အသက်တာမျိုးက အကောင်းဆုံး ဖြစ်မှန်း သိတယ်။ ဘုရားစံနှုန်းတွေဟာ ကျွန်တော်တို့ကောင်းကျိုးအတွက်ပဲမို့ လိုက်နာစေချင်တယ်။ ဘုရားစံနှုန်းတွေသာ လိုက်နာရင် ကိုယ့်ရွေးချယ်ဆုံးဖြတ်မှုတွေ အကျိုးရှိပါ့မလားဆိုပြီး စိတ်ပူဖို့ မလိုဘူး။ ရွေးချယ်ဆုံးဖြတ်မှုတိုင်း မှန်နေမှာ။ ငြိမ်သက်ပျော်ရွှင်မှု ရမှာ။

 ဘုရားစံနှုန်းတွေ လိုက်နာဖို့ ကျွန်တော်တို့ရဲ့ အတွေးအခေါ်၊ လုပ်ရပ်တွေကို ပြောင်းလဲဖို့ လိုနိုင်တယ်။ ဒါပေမဲ့ ကျွန်တော်တို့ကို မတန်တဆကြီး ယေဟောဝါဘုရား မတောင်းဆိုဘူး။ ဖန်ဆင်းရှင် ဖြစ်တာမို့ ကျွန်တော်တို့ ဘယ်လောက်ပဲ တတ်နိုင်တယ်ဆိုတာ သိတယ်။ ယေဟောဝါဘုရားအကြောင်း သိလာတဲ့အခါ “ပညတ်ချက်တွေဟာ လိုက်နာဖို့ ခက်ခဲလွန်းတဲ့အရာ မဟုတ်” ဘူးဆိုတာ သဘောပေါက်လာမယ်။—၁ ယောဟန် ၅:၃။

ဘုရား နေစေချင်တဲ့ စံနှုန်းအတိုင်း ကျွန်တော်တို့ နေနိုင်ပါတယ်။ ဘုရား ကူညီပေးမှာမို့လို့ပဲ။ ဘုရားစကားတော် ကျမ်းစာကတစ်ဆင့် ကူညီပေးနိုင်တယ်။ ကျမ်းစာက ကျွန်တော်တို့ကို အားပေးမှု ဖြစ်စေတယ်။ မျှော်လင့်ချက် ရှိစေတယ်။

ကျမ်းစာစံနှုန်းတွေအတိုင်း နေထိုင်လို့ ကမ္ဘာတစ်ဝန်းမှာ ရှိတဲ့ လူသန်းချီ ဘဝ တိုးတက်ကောင်းမွန်လာကြတယ်။ ကျမ်းစာမှာ ဘယ်လို အကြံဉာဏ်ကောင်းတွေ ပါသလဲ လေ့လာကြည့်ပါ။ jw.org မှာ အခမဲ့ ရနိုင်တဲ့ ပျော်စရာဘဝ ထာဝရ စံစားကြ ကျမ်းစာအခြေပြုစာစောင်ကို အသုံးပြုပြီး လေ့လာကြည့်ပါ။ အဲဒီစာစောင်မှာ ဒီသင်ခန်းစာတွေ ပါတယ်–

• ကျမ်းစာက သင့်ဘဝကို တိုးတက်ကောင်းမွန်စေနိုင်သလား

• ကျမ်းစာထဲက မျှော်လင့်ချက်ရောင်ခြည်

• ကျမ်းစာကို ယုံကြည်စိတ်ချနိုင်ပါသလား

ကျမ်းစာကို ဆန်းစစ်လေ့လာတဲ့အခါ ကျမ်းစာဟာ ခေတ်နောက်မကျဘူး၊ “အခုရော၊ နောင်ရော အမြဲ စိတ်ချနိုင်တယ်” ဆိုတာ သိလာမယ်။ (ဆာလံ ၁၁၁:၈) ကျမ်းစာမှာ ပါတဲ့ အမှားအမှန်စံနှုန်းတွေကို လိုက်နာတာဟာ အကောင်းဆုံး လမ်းစဉ်ပါပဲ။ ဒါပေမဲ့ လိုက်နာဖို့ ဘုရား အတင်း ဖိအားမပေးဘူး။ (တရားဟောရာ ၃၀:၁၉၊ ၂၀။ ယောရှု ၂၄:၁၅) ဒါ လူတိုင်း ရွေးချယ်ဆုံးဖြတ်ရမယ့် ကိစ္စပါ။