မိမိရဲ့ ဉာဏ်ပညာ​ကို ဆည်းပူး​ဖို့ ဘုရားသခင် ဖိတ်ခေါ်

“ငါ​ယေဟောဝါ​ဟာ . . . မင်းတို့​ကောင်းကျိုး​အတွက် သွန်သင်​ပေး​တဲ့​အရှင်၊ မင်းတို့​ လျှောက်သင့်တဲ့ လမ်းအတိုင်း လမ်းညွှန်​ပေး​တဲ့ အရှင်​ပဲ။ ငါ့​ပညတ်​တွေ​ကို အာရုံစိုက်​မယ်​ဆိုရင် မင်းတို့ရဲ့ ငြိမ်သက်ခြင်း​ဟာ မြစ်​လို၊ မင်းတို့ရဲ့ ဖြောင့်မတ်ခြင်း​ဟာ ပင်လယ်​လှိုင်းတွေလို ဖြစ်လာ​မယ်။”—ဟေရှာယ ၄၈:၁၇၊ ၁၈။

ဘုရားသခင်​က သင့်ကို အဲဒီလို ဖိတ်ခေါ်​နေတယ်။ ဘုရား​က သင့်ကို ငြိမ်သက်၊ ပျော်ရွှင်​စေချင်တယ်။ အဲဒါတွေကို တွေ့ရှိ​ဖို့ သင့်ကို ကူညီ​ပေး​နိုင်တယ်။

ဉာဏ်ပညာ​ကို သင် ဆည်းပူး​လေ့လာ​နိုင်

“လူမျိုး​အားလုံး​ကို သတင်းကောင်း ဟော​ရလိမ့်မယ်။”—မာကု ၁၃:၁၀။

“သတင်းကောင်း” ထဲမှာ ဆင်းရဲ​ဒုက္ခတွေကို ဖယ်ရှား​မယ်၊ ကမ္ဘာ​ကို သာယာ​လှပတဲ့ ပရဒိသု ဖြစ်စေ​မယ်၊ ကွယ်လွန်​သွားတဲ့ ချစ်ရ​သူတွေကို အသက်ပြန်ရှင်​စေမယ် ဆို​တဲ့ ယေဟောဝါ​ရဲ့ ကတိ​တွေ ပါ​တယ်။ ယေဟောဝါ သက်သေတွေဟာ ကမ္ဘာ​တစ်ဝန်း​မှာ အဲဒီ ကျမ်းစာ သတင်းတရားကို ဟောပြော​နေကြ​တယ်။