၂ ရှမွေလ ၂၃:၁-၃၉
၂၃ ဒါဝိဒ် နောက်ဆုံးရေးခဲ့တဲ့ တေးသား–+
“ဒါဟာ ယေရှဲသား ဒါဝိဒ်၊+အထက်ကို ချီးမြှောက်ခံရသူ၊+ယာကုပ်ရဲ့ ဘုရားသခင် ဘိသိက်ပေးထားသူ၊+အစ္စရေးသီချင်းတွေကို သာယာစွာ သီဆိုသူရဲ့ စကားပဲ။+
၂ ယေဟောဝါရဲ့ စွမ်းအားတော်က ငါကတစ်ဆင့် ပြောတယ်။+
နှုတ်တော်ထွက်စကားဟာ ငါ့လျှာပေါ်မှာ ရှိတယ်။+
၃ အစ္စရေးတို့ရဲ့ဘုရားသခင် ပြောတယ်၊အစ္စရေးရဲ့ကျောက်ဆောင်+ ငါ့ကို ပြောတယ်–
‘လူသားတွေကို အုပ်စိုးသူဟာဘုရားသခင်ကို ကြောက်ရွံ့ရိုသေပြီး+ ဖြောင့်မတ်တယ်ဆိုရင်၊+
၄ သူ့အုပ်ချုပ်မှုဟာ မိုးသားကင်းစင်တဲ့ နံနက်ခင်းလို၊+တောက်ပတဲ့ နံနက်ခင်း နေခြည်လို၊မြေထဲကနေ မြက်ပင်တွေ ပေါက်စေဖို့မိုးရွာပြီးနောက် ထွက်ပေါ်လာတဲ့ အလင်းရောင်လို ဖြစ်နေမယ်။’+
၅ ငါ့ရဲ့မင်းဆက်ကလည်း ဘုရားသခင်ရှေ့မှာ အဲဒီလိုပဲ။
ဘုရားသခင်က ငါနဲ့ ထာဝရပဋိညာဉ် ဖွဲ့တယ်။+
အသေးစိတ် စီစဉ်ပြီး မပျောက်ပျက်အောင် ထိန်းသိမ်းတယ်။
ငါ့အတွက် အကြွင်းမဲ့ကယ်တင်ခြင်း၊ ငါအနှစ်သက်ဆုံးအရာ ဖြစ်နေလို့အဲဒီပဋိညာဉ်ကို ရှင်သန်တိုးပွားစေမယ် မဟုတ်လား။+
၆ အသုံးမကျသူတွေကတော့ ဆူးချုံတွေလိုပဲ ဖယ်ရှားခံရတတ်တယ်။+
အဲဒီဆူးချုံတွေကို လက်နဲ့ကိုင်လို့ မရဘူး။
၇ ဆူးချုံတွေကို ကိုင်မယ်ဆိုရင်သံထည်ကိရိယာနဲ့ လှံကို သုံးရမယ်။
အဲဒီဆူးချုံတွေဟာ ပေါက်တဲ့နေရာမှာပဲ အကုန်မီးရှို့ခံရမယ်။”
၈ ဒါဝိဒ်ရဲ့ သူရဲကောင်း+ သုံးယောက်ထဲမှာ တစ်ယောက်က တာခမောနိအမျိုးသား ယာရှောဘက်ရှိဗာလို့ ခေါ်တယ်။ သုံးယောက်ထဲမှာ သူဟာ ခေါင်းဆောင်ပဲ။+ လှံကိုကိုင်ပြီး တစ်ချီတည်းနဲ့ လူ ၈၀၀ ကို သတ်ပစ်ခဲ့တယ်။
၉ နောက်တစ်ယောက်က အဟောဟိရဲ့မြေး၊ ဒေါဒေါရဲ့သား+ ဧလာဇာပဲ။+ အစ္စရေးတွေကို တိုက်ခိုက်ဖို့ ဖိလိတိလူတွေ စုရုံးချိန်မှာ ဒါဝိဒ်ရဲ့ သူရဲကောင်းသုံးယောက်က ဖိလိတိလူတွေကို စိန်ခေါ်ခဲ့တယ်။ အဲဒီသုံးယောက်ထဲမှာ ဧလာဇာလည်း ပါတယ်။ အစ္စရေးစစ်သည်တွေ ဆုတ်ခွာနေချိန်မှာ၊
၁၀ သူကတော့ မဆုတ်ခွာဘဲ ဓားကို ကျစ်ကျစ်ပါအောင် ဆုပ်ကိုင်ပြီး ဖိလိတိလူတွေကို လက်အန်သေတဲ့အထိ ဆက်တိုက်ခိုက်တယ်။+ ဒါကြောင့် ယေဟောဝါက အဲဒီနေ့မှာ အကြီးအကျယ် အောင်ပွဲခံစေခဲ့တယ်။+ လူတွေက ဧလာဇာနောက်က လိုက်ပြီး ကျဆုံးသူတွေရဲ့ပစ္စည်းတွေကို ချွတ်ယူကြတယ်။
၁၁ နောက်တစ်ယောက်ကတော့ ဟာရာရိအမျိုးသား၊ အာဂိရဲ့သား ရှမ္မာပဲ။ ဖိလိတိလူတွေက လေဟိအရပ်မှာ စုရုံးခဲ့တယ်။ အဲဒီမှာ ပဲနီလေးစိုက်ထားတဲ့ လယ်တစ်ကွက် ရှိတယ်။ ဖိလိတိတွေကြောင့် လူတွေထွက်ပြေးတဲ့အခါ၊
၁၂ ရှမ္မာက လယ်ကွက်အလယ်မှာ ရပ်ပြီး ဖိလိတိလူတွေကို ခုခံတိုက်ခိုက်တယ်။ ဒါကြောင့် ယေဟောဝါက အကြီးအကျယ် အောင်ပွဲခံစေခဲ့တယ်။+
၁၃ ရိတ်သိမ်းချိန်မှာ ခေါင်းဆောင် ၃၀ ထဲက သုံးယောက်ဟာ အဒုလံလိုဏ်ဂူမှာ ရှိနေတဲ့+ ဒါဝိဒ်ဆီ ဆင်းသွားကြတယ်။ ဖိလိတိတပ်က ရေဖိမ်ချိုင့်ဝှမ်းမှာ စခန်းချထားတယ်။+
၁၄ အဲဒီတုန်းက ဒါဝိဒ်ဟာ သူ့ရဲ့ခံတပ်မှာ ရောက်နေပြီး+ ဖိလိတိကင်းတပ်ကတော့ ဘက်သလီဟင်မြို့မှာ ရှိနေတယ်။
၁၅ ဒါဝိဒ်က “ဘက်သလီဟင်မြို့တံခါးနားမှာ ရှိတဲ့ ရေလှောင်ကန်ထဲကရေကို သောက်ချင်လိုက်တာ” လို့တောင့်တပြီး ပြောတယ်။
၁၆ အဲဒီအခါ သူရဲကောင်းသုံးယောက်က ဖိလိတိတပ်ကို ထိုးဖောက်ပြီး ဘက်သလီဟင်မြို့တံခါးနားမှာ ရှိတဲ့ ရေလှောင်ကန်ထဲက ရေကို ခပ်ယူလာတယ်။ ဒါပေမဲ့ ဒါဝိဒ်က မသောက်ဘဲ ယေဟောဝါရှေ့မှာ သွန်ချလိုက်တယ်။+
၁၇ ပြီးတော့ “ယေဟောဝါဘုရား၊ ဒီရေကိုသောက်ဖို့ ကျွန်တော် စဉ်းတောင် မစဉ်းစားဝံ့ပါဘူး။ ဒီရေဟာ ကိုယ့်အသက်ကို ရင်းပြီး သွားယူတဲ့သူတွေရဲ့ သွေးပါ”+ လို့ပြောပြီး မသောက်ဘဲ နေလိုက်တယ်။ ဒါတွေဟာ သူရဲကောင်းသုံးယောက်ရဲ့ စွမ်းဆောင်ချက်တွေပဲ။
၁၈ ဇေရုယာရဲ့သား၊+ ယွာဘရဲ့အစ်ကို အဘိရှဲကလည်း+ လူစွမ်းကောင်း သုံးယောက်ထဲမှာ ခေါင်းဆောင်ပဲ။ သူက လှံကိုကိုင်ပြီး လူ ၃၀၀ ကို သတ်ပစ်ခဲ့တယ်။ သူရဲကောင်း သုံးယောက်လိုပဲ ဂုဏ်သတင်း ကျော်စောတယ်။+
၁၉ သူဟာ လူစွမ်းကောင်း သုံးယောက်ထဲမှာ ခေါင်းဆောင်၊ အထင်ပေါ်ဆုံး ဖြစ်ပေမဲ့ သူရဲကောင်း သုံးယောက်ကိုတော့ မမီဘူး။
၂၀ ယောယဒရဲ့သား ဗေနာယဟာ+ ရဲစွမ်းသတ္တိရှိသူဖြစ်ပြီး ကပ်ဇေလမြို့မှာ+ စွန့်စားတဲ့လုပ်ရပ် အများကြီး လုပ်ဆောင်ခဲ့တယ်။ မောဘလူမျိုးဖြစ်တဲ့ အေရေလရဲ့ သားနှစ်ယောက်ကို သတ်ခဲ့တယ်။ နှင်းကျတဲ့နေ့တစ်နေ့မှာ ရေတွင်းထဲ ဆင်းပြီး ခြင်္သေ့တစ်ကောင်ကို သူသတ်ခဲ့တယ်။+
၂၁ အီဂျစ်လူထွားကြီး တစ်ယောက်ကိုလည်း သတ်ခဲ့တယ်။ အဲဒီအီဂျစ်လူက လှံကိုင်ထားပေမဲ့ ဗေနာယကတော့ တုတ်တစ်ချောင်းနဲ့ပဲ တိုက်ခိုက်တယ်။ ပြီးတော့ အီဂျစ်လူရဲ့လက်ထဲက လှံကို လုယူပြီး အဲဒီလှံနဲ့ပဲ ထိုးသတ်လိုက်တယ်။
၂၂ ဒါတွေဟာ ယောယဒရဲ့သား ဗေနာယရဲ့ စွမ်းဆောင်ချက်တွေ ဖြစ်တယ်။ သူရဲကောင်း သုံးယောက်လိုပဲ သူလည်း ဂုဏ်သတင်း ကျော်စောတယ်။
၂၃ သူက ခေါင်းဆောင် ၃၀ ထက် ထင်ပေါ်ပေမဲ့ ပထမသူရဲကောင်း သုံးယောက်ကိုတော့ မမီဘူး။ ဒါပေမဲ့ ဒါဝိဒ်က သူ့ကို ကိုယ်ရံတော် ခန့်ထားတယ်။
၂၄ ယွာဘရဲ့ညီ အာသဟေလလည်း+ ခေါင်းဆောင် သုံးဆယ်ထဲမှာ ပါတယ်။ သူရဲကောင်းတချို့ရဲ့ နာမည်ကတော့ ဘက်သလီဟင်မြို့သား ဒေါဒေါရဲ့သား ဧလဟာနန်၊+
၂၅ ဟာရုတ်အရပ်သား ရှမ္မာ၊ ဟာရုတ်အရပ်သား ဧလိက၊
၂၆ ပါလက်မြို့သား ဟေလက်၊+ တေကောမြို့သား အိကေရှရဲ့သား အိရာ၊+
၂၇ အာနသုတ်မြို့သား+ အဗျဇော၊+ ဟုရှအမျိုးသား မေဗုနဲ၊
၂၈ အဟောဟိအမျိုးသား ဇာလမုန်၊ နေတောဖရွာသား မဟာရဲ၊+
၂၉ နေတောဖရွာသား ဗာနာရဲ့သား ဟေလက်၊ ဂိဗာမြို့သား ဗင်ယာမိန်အနွယ် ရိဘဲရဲ့သား အိတဲ၊
၃၀ ပိရသုန်မြို့သား ဗေနာယ၊+ ဂါရှသဲချောင်းတွေမှာနေတဲ့+ ဟိဒဲ၊
၃၁ ဧရဗာမြို့သား အဗိလဘုန်၊ ဗာဟုရိမ်ရွာသား အာဇမာဝက်၊
၃၂ ရှာလဗိမ်မြို့သား ဧလျာဘာ၊ ယာရှင်ရဲ့သားတွေ၊ ယောနသန်၊
၃၃ ဟာရာရိအမျိုးသား ရှမ္မာ၊ ဟာရာရိအမျိုးသား ရှာရရဲ့သား အဟိအံ၊
၃၄ မာခါသိပြည်သား အဟသဘဲရဲ့သား ဧလိဖလက်၊ ဂိလောမြို့သား အဟိသောဖေလရဲ့သား+ ဧလျံ၊
၃၅ ကရမေလမြို့သား ဟေဇရဲ၊ အာဘိမြို့သား ဖာရဲ၊
၃၆ ဇောဘပြည်သား နာသန်ရဲ့သား အိဂါလ၊ ဂဒ်အမျိုးသား ဗာနိ၊
၃၇ အမ္မုန်အမျိုးသား ဇေလက်၊ ဇေရုယာရဲ့သား ယွာဘရဲ့လက်နက်ကိုင်ဖြစ်တဲ့ ဗေရုတ်မြို့သား နဟာရဲ၊
၃၈ အိသရိဆွေမျိုးစုထဲက+ အိရာနဲ့ ဂါရက်၊
၃၉ ဟိတ္တိလူမျိုး ဥရိယ၊+ စုစုပေါင်း ၃၇ ယောက်ဖြစ်တယ်။
