မပေးပါဘူး။ ကျွန်တော်တို့ရဲ့ အဓိကမဂ္ဂဇင်း ကင်းမျှော်စင်မှာ အခုလို ဖော်ပြထားပါတယ်– “ဘာသာပြောင်းလဲဖို့ လူတွေကို ဖိအားပေးတာက မှားတယ်။” a အောက်ပါအကြောင်းတွေကြောင့် လူတွေကို ဘာသာပြောင်းဖို့ ဖိအားမပေးရခြင်း ဖြစ်ပါတယ်။

•   ယေရှုက မိမိသွန်သင်ချက်တွေကို လူတွေ လက်ခံလာအောင် ဘယ်တော့မှ အတင်းအကျပ် မလုပ်ပါဘူး။ လူအနည်းငယ်ပဲ မိမိသွန်သင်ချက်တွေကို လက်ခံမယ်ဆိုတာ သိထားတယ်။ (မဿဲ ၇:၁၃၊ ၁၄) မိမိစကားတွေကို တပည့်တွေ လက်မခံချင်မှန်း ယေရှု သိတော့ သူတို့ကို ထွက်သွားခွင့် ပေးလိုက်တယ်။—ယောဟန် ၆:၆၀–၆၂၊ ၆၆–၆၈။

•   လူတွေရဲ့ ယုံကြည်ချက်တွေ ပြောင်းလဲလာအောင် အတင်းအကျပ် ဖိအားမပေးဖို့ တပည့်တွေကို ယေရှု သင်ပေးတယ်။ တပည့်တွေက ဘုရားသခင့် နိုင်ငံတော်သတင်းကောင်းကို လူတွေ လက်ခံလာအောင် အတင်းအကျပ် ဖိအားပေးမယ့်အစား လက်ခံမယ့်သူကိုသာ ရှာဖွေရမှာ ဖြစ်တယ်။—မဿဲ ၁၀:၇၊ ၁၁–၁၄။

•   ဘုရားသခင်က မိမိကို စိတ်ရောကိုယ်ပါ ဝတ်ပြုကိုးကွယ်တာကိုပဲ လက်ခံတဲ့အတွက် ဘာသာပြောင်းဝင်လာအောင် ခြိမ်းခြောက်ပြီး အတင်းအကျပ် လုပ်တာကို မနှစ်သက်ပါဘူး။—တရားဟောရာ ၆:၄၊ ၅။ မဿဲ ၂၂:၃၇၊ ၃၈။

 ကျမ်းစာသတင်းတရားကို “မြေကြီးစွန်းတိုင်အောင်” ဟောပြောရမှာ ဖြစ်တာကြောင့် သမ္မာကျမ်းစာ မိန့်မှာတဲ့အတိုင်း ‘လူရှေ့သူရှေ့၊ တစ်အိမ်မှ တစ်အိမ်’ သွားဟောကြတာတော့ မှန်ပါတယ်။ (တမန်တော် ၁:၈။ ၁၀:၄၂။ ၂၀:၂၀) ယေရှုရဲ့ အစောပိုင်း ခရစ်ယာန်တွေကို ဘာသာလိုက်ဆွယ်နေတယ်လို့ စွပ်စွဲကြခဲ့သလို ကျွန်တော်တို့ကိုလည်း အဲဒီလို မဟုတ်မမှန် စွပ်စွဲတတ်ကြတယ်။ (တမန်တော် ၁၈:၁၂၊ ၁၃) ဒီလိုစွပ်စွဲတာ မှားပါတယ်။ ကိုယ်ယုံကြည်သလို ယုံကြည်ရမယ်လို့ ဘယ်သူ့ကိုမှ အတင်း မတိုက်တွန်းပါဘူး။ လူတိုင်းမှာ လွတ်လပ်စွာ ပညာရှိရှိ ရွေးချယ်ဆုံးဖြတ်ပိုင်ခွင့်ရှိမှန်း ကျွန်တော်တို့ လက်ခံပါတယ်။

 ကျွန်တော်တို့ဟာ လူတွေကို ဘာသာပြောင်းဝင်လာအောင် အတင်းအကျပ် ဖိအားမပေးသလို ဘာသာရေးကို ဗန်းပြပြီး နိုင်ငံရေးမှာ ပါဝင်တာ၊ အဖွဲ့ဝင်သစ်တွေ ရဖို့ ရုပ်ပစ္စည်းနဲ့ ဆွယ်တာမျိုး မလုပ်ပါဘူး။ မိမိကိုယ်ကို ခရစ်ယာန်ပါလို့ ပြောပြီး ခရစ်တော် ခိုင်းသလို မလုပ်ဘဲ အဲဒီလိုလုပ်ရပ်တွေကို လုပ်တဲ့သူတွေနဲ့ ကျွန်တော်တို့ လုံးဝမတူကြပါဘူး။ b

 ရှိပါတယ်။ လူတွေမှာ ဘာသာပြောင်းခွင့် ရှိတယ်လို့ ကျမ်းစာမှာ ဖော်ပြထားတယ်။ ဆွေစဉ်မျိုးဆက် ကိုးကွယ်လာတဲ့ ဘာသာကို မလိုက်ဘဲ စစ်မှန်တဲ့ ဘုရားသခင်ကို စိတ်လိုကိုယ်လျောက် ဝတ်ပြုကိုးကွယ်ခဲ့သူတွေအကြောင်း ကျမ်းစာမှာ မှတ်တမ်းတင်ထားပါတယ်။ သူတို့တွေထဲမှာ အာဗြဟံ၊ ရုသ၊ အေသင်မြို့သားတချို့နဲ့ တမန်တော်ပေါလုတို့ ပါဝင်တယ်။ (ယောရှု ၂၄:၂။ ရုသ ၁:၁၄–၁၆။ တမန်တော် ၁၇:၂၂၊ ၃၀–၃၄။ ဂလာတိ ၁:၁၄၊ ၂၃) ဒါ့အပြင် လူတစ်ဦးဟာ ဘုရားသခင် နှစ်သက်လက်ခံတဲ့ ဝတ်ပြုမှုကို စွန့်ပစ်ချင်ရင်လည်း ရတယ်လို့ ကျမ်းစာမှာ ဖော်ပြထားတယ်။—၁ ယောဟန် ၂:၁၉။

 ကုလသမဂ္ဂက ထုတ်ပြန်ကြေညာတဲ့ “ကမ္ဘာ့ လူ့အခွင့်အရေးဆိုင်ရာ ဥပဒေအတွက် အခြေခံမူ” ဖြစ်တဲ့ အပြည်ပြည်ဆိုင်ရာ လူ့အခွင့်အရေး ကြေညာစာတမ်းမှာလည်း ဘာသာပြောင်းလဲပိုင်ခွင့်ရှိတယ်လို့ အတည်ပြုထားပါတယ်။ လူတိုင်းမှာ “မိမိရဲ့ ယုံကြည်ကိုးကွယ်မှုကို လွတ်လပ်စွာ ပြောင်းလဲပိုင်ခွင့်” ရှိပြီး ဘာသာရေးကိစ္စ အပါအဝင် “အယူအဆ၊ ဗဟုသုတတွေကို ရှာဖွေလက်ခံပိုင်ခွင့်၊ တခြားသူတွေကို ပြောပြပိုင်ခွင့်” ရှိတယ်လို့ အဲဒီကြေညာစာတမ်းမှာ ဆိုထားပါတယ်။ c အဲဒီလို လုပ်ပိုင်ခွင့်တွေနဲ့အတူ တခြားသူတွေရဲ့ လုပ်ပိုင်ခွင့်ကို လေးစားတာ၊ မိမိရဲ့ယုံကြည်ချက်ကို ထိန်းသိမ်းထားတာ၊ မိမိလက်မခံချင်တဲ့ ဘာကိုမဆို ငြင်းပယ်ပိုင်ခွင့်ရှိတာတွေ ဒွန်တွဲပါလာတယ်။

 အဲဒီလို ဖြစ်စရာ မလိုပါဘူး။ ဘယ်ဘာသာပဲ ကိုးကွယ်ပါစေ အားလုံးကို လေးစားရမယ်လို့ ကျမ်းစာမှာ တိုက်တွန်းထားပါတယ်။ (၁ ပေတရု ၂:၁၇) ဒီအပြင် မိဘတွေကို ဘာသာမတူရင်တောင် ရိုသေလေးစားပါဆိုတဲ့ ကျမ်းစာပညတ်ကို ယေဟောဝါသက်သေတွေ လိုက်နာကြတယ်။—ဧဖက် ၆:၂၊ ၃။

 ဒါပေမဲ့လည်း ကျမ်းစာအမြင်ကို လူတိုင်း လက်မခံကြဘူး။ ဇမ်ဘီယာနိုင်ငံမှာ ကြီးပြင်းလာခဲ့တဲ့ အမျိုးသမီးတစ်ဦး ဒီလိုပြောတယ်- “ကျွန်မတို့ဒေသမှာ လူတစ်ဦး ဘာသာပြောင်းရင် သူဟာ သစ္စာမဲ့သူ၊ မိသားစုအသိုင်းအဝိုင်းကို သစ္စာဖောက်သူလို့ ယူဆကြတယ်။” ဒီအမျိုးသမီး ဆယ်ကျော်သက်အရွယ်မှာ ယေဟောဝါသက်သေတွေနဲ့ ကျမ်းစာလေ့လာပြီး သိပ်မကြာခင်မှာ ဘာသာပြောင်းဖို့ ဆုံးဖြတ်လိုက်တော့ အဲဒီလိုပဲ အထင်ခံရတယ်။ “သူတို့ကို သိက္ခာကျအောင်လုပ်တယ်ဆိုပြီး မိဘတွေက ကျွန်မကို အကြီးအကျယ် စိတ်ဆိုးပြီး တဖျစ်တောက်တောက်လုပ်လိုက်တာ ပြောမနေပါနဲ့တော့။ မိဘတွေရဲ့ အကြိုက်နဲ့ ဆန့်ကျင်ပြီးလုပ်ရတာ ကျွန်မအတွက် သိပ်ခက်တယ်။ ... မိဘတွေရဲ့ မိရိုးဖလာ ဘာသာရေးထက် ယေဟောဝါ dဘုရားအပေါ် သစ္စာစောင့်သိဖို့ ရွေးချယ်တာက မိသားစု အရှက်ရအောင်လုပ်တာ မဟုတ်ပါဘူး။”